Read Baibul, Mizo Matthaia 17 Bible Online

Matthaia 17 - Baibul, Mizo bible

Matthaia 17

¹Tin, ni ruk achinah chuan Isua'n Petera te, Jakoba te, a unau Johana te a hruai a, a hrangin tlang sang takah a kal chhohpui a.

²An hmaah chuan a hmel awmzia chu a lo danglam ta a; a hmai ni angin a lo eng a, a silhfente chu eng angin a lo var ta a.

³Tin, ngai teh, Mosia leh Elija chu amah nen inbiain an hnenah an inlar a.

⁴Tin, Petera'n Isua a bia a, Lalpa, kan tan heta awm hi a tha; i duh chuan hetah hian bawkte pathum ka khawh ang; i tan pakhat, Mosia tan pakhat, Elija tan pakhat, a ti a.

⁵A la sawi lai mekin, ngai teh, chhum var takin anmahni a rawn hliah ta a; tin, ngai teh, chhum atang chuan awin, Hei hi ka Fapa duh tak, ka lawm em ema chu a ni; ama thu ngai rawh u, a ti a.

⁶Tin, zirtirte chuan chu chu an hriatin an tlu bawkkhup a, an hlau ta em em a.

⁷Tin, Isua'n anni chu a rawn dek a, Tho u la, hlau suh u, a ti a.

⁸Tin, an dak chhuak a, Isua chauh lo chu tumah an hmu ta lo a.

⁹Tin, tlang ata chu an chhuk laiin, Isua'n an hnenah, Mihring Fapa hi mitthi zing ata a thawh leh hma loh zawng in thil hmuh kha tumah hrilh suh u, tiin thu a pe ta a.

¹⁰Tin, a zirtirte chuan a hnenah, Lehkhaziaktute'n, 'Elija a lo kal hmasa tur a ni,' engtiziaa ti nge an nih le? tiin an zawt a.

¹¹Tin, ani chuan, Elija chu a lo kal dawn reng a ni, engkim a siam tha bawk ang.

¹²Nimahsela ka hrilh a che u, Elija chu a lo kal tawh reng a ni, amah chu an hre lo a, a chungah an duh duhin an ti ta zawk a. Chutiang bawkin Mihring Fapa pawh hian an lakah a tuar ve dawn a ni, a ti a, a chhang a.

¹³Chu veleh, zirtirte chuan Baptistu Johana thu an hnenah a sawi a ni tih an lo hre ta a.

¹⁴Tin, mipui hnen an lo thlenin, mi pakhat a hnenah a lo kal a, a hmaah thingthiin,

¹⁵Lalpa, ka fapa saw khawngaih ang che, thla em at a ni a, a tuar nasa em mai; vawi tam tak meiah a tlu thin a, vawi tam tak tuiah a tlu bawk thin a ni.

¹⁶Tin, i zirtirte hnenah ka rawn hruai a, an tidam thei si lo a, a ti a.

¹⁷Tin, Isua'n Chhuan rinna nei loa tihmawhte u, eng chen nge in hnenah ka awm ang a, eng chen nge ka ngaihtheih ang che u? Amah chu ka hnenah hian rawn hruai rawh u, a ti a, a chhang a.

¹⁸Tin, Isua'n ramhuai chu a hau a, a chhung ata a chhuak ta a; chu mi dar achinah chuan naupang chu a lo dam ta a.

¹⁹Chu mi hnuah chuan zirtirte chu a hrangin Isua hnenah an lo kal a, Engati nge keini'n kan hnawh chhuah theih loh? an ti a.

²⁰Tin, ani chuan an hnenah, In rin tlem vangin. Tih tak meuhin ka hrilh a che u, antam mu fangkhat ang rin in neih chuan, he tlang hnenah hian, 'Heta tangin sawtah sawn va insawn rawh,' in ti ang a, a insawn mai ang; in tan tih theih loh reng engmawh a awm lo ang, a ti a.

²¹Nimahsela, hetiang hi tawngtai leh chaw nghei chauh lo chuan a chhuak thin lo.

²²Tin, Galili rama an rawn inkhawm laiin, Isua'n an hnenah, Mihring Fapa hi mihringte kuta mantirin a awm dawn a ni,

²³Tin, an tihlum ang a; tin, ni thum niah chuan kaihthawhin a awm ang, a ti a. Tichuan an lungngai ta em em a.

²⁴Tin, Kapernaum khua chu an lo thlenin Pathian biak in tangka khawntute chu Petera hnenah an lo kal a, In zirtirtuin biak in tangka chu a pe ve thin lawm ni? an ti a.

²⁵Ani chuan, Pe ve thin e, a ti a. Tin, ina a va luh chuan Isua'n a hnenah, Simon, engtin nge i ngaih? Leia lalten chhiah emaw, sum neih man emaw, tu lakah nge an lak thin? an fate lakah nge, mi hrang lakah? tiin a lo sawi khalh a.

²⁶Tin, Petera'n, Mi hrang lakah, a tih veleh, Isua'n a hnenah, Chuti a nih si chuan fate chu an awl a ni ang chu.Nimahsela nang dilah va kal la, nghakuai chiah la, sangha lo chhuak hmasa chu man rawh; tin, a ka i keu veleh cheng hnih i hmu mai ang; chu chu la la, kei leh nang atan an hnenah pe rawh, chutilochuan anni chu kan tilungni lo dah ang e, a ti a.

²⁷Nimahsela nang dilah va kal la, nghakuai chiah la, sangha lo chhuak hmasa chu man rawh; tin, a ka i keu veleh cheng hnih i hmu mai ang; chu chu la la, kei leh nang atan an hnenah pe rawh, chutilochuan anni chu kan tilungni lo dah ang e, a ti a.