Read Baibul, Mizo Matthaia 20 Bible Online

Matthaia 20 - Baibul, Mizo bible

Matthaia 20

¹Van ram chu, in neitupa a grep huana hnathawktute ruai tura zinga chhuaka ang chu a ni si a.

²Tin, ani chuan hnathawktute nen chuan ni khata duli hlawha an inrem veleh a grep huanah chuan a tir ta hlawm a.

³Tin, feh reh san lai velin a va chhuak a, mi dang dawr hmuna ding mai maite a hmu a.

⁴Tin, an hnenah, 'Nangni pawh grep huanah va kal ve tawh u, a mawi tawk apiang ka pe ang che u,' a ti a. Tichuan an kal ta a.

⁵Tin, chawfak hun lai velah leh behliangmun hun lai velah chuan a va chhuak leh a, chutiang bawkin a ti leh a.

⁶Tin, pahmei zanriah chhum hun lai velah chuan a va chhuak a, mi dang dingte a hmu a; tin, an hnenah, 'Engati nge nilengin heta in din mai mai ni?' a ti a.

⁷Anni chuan a hnenah, 'Tuma'n min rawih loha vangin,' an ti a. Ani chuan an hnenah, 'Nangni pawh grep huanah va kal ve tawh u,' a ti a.

⁸Tin, khua a lo tlai lam chuan, grep huan neitupa chuan, a sum enkawltu hnenah, 'Hnathawktute kha ko la, a hnuhnung bera tanin a hmasa ber thlengin an hlawh pe rawh,' a ti a.

⁹Tin, pahmei zanriah chhum hun lai vela a rawihte chu a lo kal chuan duli an hmu theuh a.

¹⁰Tin, a hmasa berte chu an lo kal chuan, hmuh tam deuh an inring a; nimahsela anni pawh chuan duli bawk an hmu theuh a.

¹¹Tin, an han dawn chuan, 'Heng hnuhnung berte hian darkar khat chauh an thawk a, keini chhun hrehawm leh thawsa tuartute tlukin i siam si,' tiin.

¹²In neitupa chungah chuan an phunnawi ta a.

¹³Ani erawh chuan, an zinga mi pakhat hnenah, 'Thiana, i chungah engmah ka tisual hlei nem; duli hlawhah kan inrem lo em ni?

¹⁴I ta kha la la, kal mai rawh; nangmah ka pek che ang bawk kha he hnuhnung ber hnenah hian ka pe duh a ni.

¹⁵Ka ta na na na chu ka duh duha ka tih a thiang lo em ni? A nih loh leh kei ka that avangin nangin i itsik em ni? tiin a chhang a.

¹⁶Chutiangin, hnuhnung berte chu a hmasa berte an la ni ang, hmasa berte pawh chu a hnuhnung berte an la ni ang, a ti a.

¹⁷Tin, Isua Jerusalem khuaa a han chhoh laiin zirtir sawm leh pahnihte chu a hruai hrang a, kalkawngah chuan an hnenah,

¹⁸Ngai teh u, Jerusalem khuaa kan chhoh dawn hi; Mihring Fapa hi puithiam lalte leh lehkhaziaktute kuta mantirin a awm dawn a ni; tin, anni chuan thi turin a chungah thu an titlu ang a.

¹⁹Nuihza siamna'na hman tur leh vuak tur leh kraws-a khenbeh turin Jentailte hnenah an pe ang; tin, ni thum nia kaihthawhin a awm ang, a ti a.

²⁰Chu mi lai chuan Zebedaia fapate nu chu a fapate hruaiin, a hnenah a lo kal a, chibai a buk a, thil eng emaw a dil a.

²¹Tin, ani chuan a hnenah, Engnge i duh?, a ti a. Tin, ani'n a hnenah, he'ng ka fapate pahnih hi i ramah, i ding lamah pakhat, i vei lamah pakhat an thut theihna turin thu pe ang che, a ti a.

²²Isua erawh chuan, In dil chu in hre lo a ni. Ka no in tur chu in in thei em ni? a ti a, a chhang a. Anni'n a hnenah, Thei e, an ti a.

²³Ani chuan an hnenah, Ka no chu in in ngei ang; nimahsela ka ding lam leh vei lama thut tur thu chu keia pek tur a ni lo a, ka Pa buatsaihsakate tan a ni zawk ang, a ti a.

²⁴Tin, sawmte chuan chu chu an lo hriatin unau pahnihte chungah chuan an thinur ta a.

²⁵Isua erawh chuan anniho chu a ko a, Jentailte chunga roreltute chu an chungh an lal em em thin a, an mi liante chuan an chungah thu an nei em em bawk thin tih in hria.

²⁶Nimahsela, nangni zingah zawng chutiang a ni lo ang; tupawh in zinga mi lian nih duh apiang chu in rawngbawltuah a awm zawk tur a ni.

²⁷Tupawh in zinga hmasa ber nih duh apiang chu in chhiahhlawhah a awm bawk tur a ni.

²⁸Mihring Fapa hi rawngbawlsaka awm turin a lo kal lo a, rawngbawl tur leh mi tam tak tlanna'na a nun pe tur zawka a lo kal ang khan, a ti a.

²⁹Tin, Jeriko khua ata an chhuah laiin, mipui tam takin amah chu an zui a.

³⁰Tin, ngai teh, mitdel pahnih kawng sira thu chuan Isua a kal tih an hriat veleh, Lalpa, Davida fapa, min khawngaih rawh, tiin an au a.

³¹Tin, mipui chuan ngawi turin an hau a; nimhsela, anni chuan, Lalpa, Davida fapa, minkhawngaih rawh, tiin an au lehzual a.

³²Tin, Isua a ding a, anmahni a ko a, In chungah engtia ka tih nge in duh? a ti a.

³³Anni chuan a hnenah, Mit var kan duh, an ti a.Tichuan, Isua'n a khawngaih em em a, an mit a dek a; tichuan an hmu thei ta nghal a, amah chu an zui ta a.

³⁴Tichuan, Isua'n a khawngaih em em a, an mit a dek a; tichuan an hmu thei ta nghal a, amah chu an zui ta a.