Read Baibul, Mizo Matthaia 28 Bible Online

Matthaia 28 - Baibul, Mizo bible

Matthaia 28

¹Tin, chawlhni tlai takah, ni sarih ni hmasa ber tura khua a var dawnin Mari Magdalini leh Mari dang chu thlan en turin an kal a.

²Tin, ngai teh, lir nasa takin a lo nghing a; Lalpa vantirhkoh van ata a lo chhuk a, lung chu a rawn lum sawn a, a chungah a thu ta a.

³A hmel awmzia chu kawlphe ang a ni a, a silhfen chu vur angin a var a.

⁴Amah an hlauh avangin vengtute chu an khur a, mitthi ang maiin an lo awm ta a.

⁵Tin, vantirhkoh chuan hmeichhiate chu a bia a, an hnenah, Nangni chuan hlau suh u. Isua, an khenbeha kha, in zawng tih ka hria e.

⁶Hetah a awm tawh lo e; a sawi ang ngeiin a thawhleh tawh kha. A mutna hmun hi rawn en teh mah u.

⁷Tin, kal thuai u la, a zirtirte hnenah, 'Mitthi zing ata a tho leh ta a ni; ngai teh u, Galili ramah in hmaah a kal e; chutah chuan amah chu in hmu ang,' tiin hrilh rawh u. Ngai teh u, ka hrilh tawh che u hi, a ti a.

⁸Tin, hlau leh lawm em em chungin thlan atang chuan an kal thuai thuai a, a zirtirte hrilh turin an tlan ta a.

⁹Tin, ngai teh, Isua'n anni chu a tawk a, Chibai u, a ti a. Tichuan anni chuan a kephahte chu an va vuan a, chibai an buk a.

¹⁰Tin, Isua'n an hnenah, Hlau suh u, kal ta u la, Galili rama kal turin ka unaute va hrilh rawh u; chutah chuan mi hmu ang, a ti a.

¹¹Tin, an va kal lai chuan, vengtu sipai thenkhat chu khawpuiah an va lut a, thil awmzia zawng zawng chu puithiam lalte hnenah an va hrilh a.

¹²Tin, upate nen an inkhawm a, an inrawn zawhin sipaite hnenah chuan tangka tam tak an pe a.

¹³Zanah, kan muthilh hlanin, a zirtirte chu an lo kal a, amah an ru ta a ni, ti ang che u.

¹⁴Tin, Ram Awptu in chu chu a lo hriat chuan amah chu kan thlem ang a, lungkham loin kan siam ang che u, an ti a.

¹⁵Chutichuan tangka chu an la a, an hrilh ang zel chuan an ti ta a; tichuan tun thlengin chu mi thu chu Judate zingah an la sawi huai huai a ni.

¹⁶Nimahsela, zirtir sawm leh pakhatte chu Galili ramah, Isua'n tlang a ruatsakah chuan an kal a.

¹⁷Tin, amah an hmuh chuan chibai an buk a; thenkhat erawh chuan an ringhlel a.

¹⁸Tichuan, Isua chu an hnenah a lo kal a, anniho chu a bia a, Lei leh vana thuneihna zawng zawng ka hnenah pek a ni tawh.

¹⁹Chutichuan kal u la, hnam tina mi zirtirahte siam u la, Pa leh Fapa leh Thlarau Thianghlim hmingah chuan baptis u la.Thu ka pek zawng zawng che u pawm turin zirtir rawh u. Tin, ngai teh u, kei kumkhuain, khawvel tawp thleng pawhin, inhnenah ka awm zel ang, a ti a.

²⁰Thu ka pek zawng zawng che u pawm turin zirtir rawh u. Tin, ngai teh u, kei kumkhuain, khawvel tawp thleng pawhin, inhnenah ka awm zel ang, a ti a.