Read Baibul, Mizo Matthaia 4 Bible Online

Matthaia 4 - Baibul, Mizo bible

Matthaia 4

¹Chu mi zawhah chuan Isua chu Diabola thlema awm turin thlalerah Thlarau hruai luhin a awm ta a.

²Tin, ni sawmli leh zan sawmli chaw a nghei hnuin a ril a lo tam ta a.

³Tin, thlemtu chu a lo kal a, a hnenah, Pathian Fapa i nih chuan he'ng lung hi chhanga chang turin thu pe rawh, a ti a.

⁴Nimahsela, Ani chuan, 'Mihring hi chhang chauhin an nung lo ang a, Pathian kaa thu tin chhuakin an nung zawk ang,' tih ziak a ni, tiin a chhang a.

⁵Chu mi zawhah chuan Diabola'n khaw thianghlimah chuan a hruai lut a, Pathian biak in chhip zumah chuan a dah a.

⁶Tin, a hnenah, Pathian Fapa i nih chuan tla thla rawh, 'I chung thuah zawng A vantirhkohte chu thu a pe ang a, an kutin an dawm ang chia, chutilochuan, i kein lung i chhuih hlauh dah ang e, tih ziak a ni si a, a ti a.

⁷Isua'n a hnenah, 'Lalpa i Pathian fiah suh,' tih ziak a ni ve bawk e, a ti a.

⁸Tin, Diabola chuan tlang sang takah a hruai leh a, khawvel ram zawng zawng leh a, Khawvel ram zawng zawng leh a ropuina chu a entir a.

⁹Tin, a hnenah, bawkkhupin chibai mi buk la, he'ng zawng zawng hi ka pe vek ang che, a ti a.

¹⁰Chu veleh Isua'n a hnenah, Setan, kal bo daih rawh! 'Lalpa i Pathian chibai buk la, Ama rawng chauh bawl rawh,' tih ziak a ni, a ti a.

¹¹Chu mi hnuah chuan Diabola chuan a kalsan ta a. Tin, ngai teh, vantirhkohte'n a rawng an rawn bawlsak ta a.

¹²Tin, Johana an man tih Isua'n a hriat veleh Galili ramah a kal ta daih a.

¹³Tin, Nazaret khua a kalsan a, Kapernaum khuaah a awm ta reng a. (Chu chu Zebulon leh Nephthaleim biala, dil kama awm a ni).

¹⁴Zawlnei Isaia thu sawi kha a lo thlen theihna'n.

¹⁵Dil lama, Jordan rala, Zebulon ram leh Nephthaleim ram, Jentailte Galili,

¹⁶Thim hnuaia thute chuan eng nasa tak an hmu a, thihna hmun leh a hlima thute chungah chuan Eng a lo chhuak ta a.

¹⁷Chuta chinah chuan Isua'n, Sim rawh u! van ram a hnai tawh e, tiin a hril tan ta a.

¹⁸Tin, Galili dil kama a len pahin, unau pahnih, Simona (Petera an tih chu) a unau Andria nen, dilah chuan len dengin a hmu a; sangha mantu an ni a.

¹⁹Ani chuan an hnenah, Mi zui rawh u, tichuan mihring mantuah ka siam ang che u, a ti a.

²⁰Tin, lente chu kalsanin an zui ta nghal a.

²¹Tin, chuta tangin a kal zel a, unau dang pahnih, Zebedaia fapa Jakoba leh a unau Johana chu, an pa Zebedaia hnenah lawngah an lente siamthain a hmu a; tin, anni chu a ko ta a.

²²Tichuan, lawng leh an pa chu an kalsan a, an zui ta nghal a.

²³Tin, Isua'n an inkhawmna inahte zirtirin Ram Chanchin Tha chu hrilin mite zinga natna tinreng leh chak lohna tinreng tidamin Galili ram zawng zawng a fang vel a.

²⁴Tin, Suria ram zawng zawngah a chanchin a thang ta a. Tichuan, mi dam lo zawng zawng, dam lohna leh natna tinreng tuarte, ramhuai mante, thla em ate, zengte, a hnenah an rawn hruai a; a lo tidam hlawm a.Galili ram atang te, Dekapoli khua atang te, Jerusalem khua atang te, Judai ram atang te, Jordan ral atangte chuan mipui tam takin amah an zui bawk a.

²⁵Galili ram atang te, Dekapoli khua atang te, Jerusalem khua atang te, Judai ram atang te, Jordan ral atangte chuan mipui tam takin amah an zui bawk a.