Read Baibul, Mizo Matthaia 7 Bible Online

Matthaia 7 - Baibul, Mizo bible

Matthaia 7

¹Sawisel suh u, sawisela in awm lohna'n.

²In sawisel ang bawkin an sawisel ang che u; in tehna ngai bawkin an tehsak leh ang che u.

³Tin, engati nge mahni mita khanchhuk awm chu ngaihtuah si loin, i unau mita hmawlh te tak te awm chu i hmuh ni?

⁴Engtin nge i unau hnenah, 'I mit ata hmawlh te tak te kha mi lak chhuahtir rawh,' i tih theih ang? ngai teh, nangma mit ngeiah khanchhuk a awm reng si a.

⁵Mi vervek! I mit ata khanchhuk kha la chhuak hmasa rawh; chutichuan i unau mit ata hmawlh te tak te lak chhuah tur chu fiah takin i hmu ang.

⁶Ui hnenahte thil thianghlim chu pe suh u; vawk hmaahte in tuikeplungte paih hek suh u, an chil chhe hlauh ang a, tin, hawiin an tai thler dah ang che u.

⁷Dil rawh u, tichuan an pe ang che u; zawng rawh u, tichuan in hmu ang; kik rawh u, tichuan an hawnsak ang che u.

⁸Tupawh a dil apiang chuan an hmu thin a; tupawh a zawng chuan an hmu thin a; tupawh a kik chu an hawnsak dawn a ni.

⁹A nih leh, nangniho hi tupawh in fapain chhangper dil che u se la, tu nge lung pe ang che u?

¹⁰A nih leh, sangha dil che u se la, tu nge rul pe ang che u?

¹¹Chutichuan, nangni mi sual mahin in fate thil tha pek nachang in hriat chuan, in Pa vana mi chuan a diltute chu thil tha a pe zawk em em dawn lo em ni?

¹²Chutichuan, thil engkim miin in chunga an tiha in duh tur ang apiang chu, mi chungah pawh ti ve rawh u; chu chu Dan thu leh Zawlneite thu a ni reng si a.

¹³Kawngka zimah chuan lut rawh u; boralnaa kalna kawngka chu a zau a, a kawng pawh a zau bawk a, chu mi lama lut chu tam pawh an tam hle a ni.

¹⁴Nunnaa kalna kawngka chu a zim a, a kawng pawh a chep bawk a, a hmutute pawh tlemte an ni.

¹⁵Zawlnei derte lakah fimkhur rawh u; chung chu beram vun sinin in hnenah an lo kal thin a, an chhung lamah erawh chuan chinghne koham takte an ni si a.

¹⁶Anmahni chu an rahah in hre mai ang. Hruihlingnei kungah grep rah an lo ngai em ni? Lenhlingah pawh theipui an lo ngai em ni?

¹⁷Chutiang bawkin thing tha apiang a rah tha thin a; thing chhia erawh chu a rah chhe thin.

¹⁸Thing tha a rah chhe thei lo a, thing chhia lah a rah tha thei hek lo.

¹⁹Thing tin rah tha lo apiang chu an kit a, meiah an paih thin.

²⁰Chuvangin, anmahni chu an rahah in hre mai ang.

²¹'Lalpa, Lalpa' mi ti nazawng chu van ramah an lut lo ang a; ka Pa vana mi duhzawng titu erawh chu an lut ang.

²²Chu mi niah chuan mi tam takin, 'Lalpa, Lalpa, i hmingin thute kan sawiin, i hmingin ramhuaite kan hnawt chhuakin, i hmingin thil mak tam takte kan ti thin lo em ni,' an la ti ang.

²³Chu mi hunah chuan, 'Nangni thil sual tite u, ka hre ngai lo va che u, ka hnen ata kal bo rawh u,' tiin anni chu ka la hrilh ang.

²⁴Chutichuan, mi tin he'ng ka thu hi hriaa zawm apiang chu, mi fing lungpui chunga in satu nen tehkhin tur a ni.

²⁵Ruahte a lo sur a, tuite a lo lian a, thlite a lo tleh a, chu mi in chu a rawn nam sawk sawk a; nimahsela a chim lo a; lungpui chunga rem tlat a nih avangin.

²⁶Tin, mi tin, he'ng ka thu hi hriaa zawm lo apiang chu, mi a tiauvut chung maia in satu nen tehkhin tur a ni.

²⁷Ruahte a lo sur a, tuite a lo lian a, thlite a lo tleh a, chu mi in chu a rawn nam sawk sawk a; a chim ta a; a sawp chu nasa tak a ni, a ti aTin, heti hi a ni a, Isua'n chung thu chu a sawi zawh veleh, mipuiten a thu zirtir chu mak an ti hle a; lehkhaziaktute ang lo a, thuneihna nei awm taka anmahni a zirtira vangin.

²⁸Tin, heti hi a ni a, Isua'n chung thu chu a sawi zawh veleh, mipuiten a thu zirtir chu mak an ti hle a; lehkhaziaktute ang lo a, thuneihna nei awm taka anmahni a zirtira vangin.