Read Baibul, Mizo Luka 15 Bible Online

Luka 15 - Baibul, Mizo bible

Luka 15

¹Tin, chhiahkhawntute leh mi sualte zawng zawngin a thu hre turin a kiang an rawn pan a.

²Tin, Pharisaite leh lehkhaziaktute chuan, "He mi hian mi sualte a pawl a, an hnenahte chaw a ei ve thin," tiin an phunnawi ve ve a.

³Tichuan ani'n an hnenah he tehkhin thu hi a sawi a:

⁴Nangni zingah tupawhin beram za nei u la, an zinga pakhat hloh ang u la, thlalerah sawmkua leh pakuate chu hnutchhiahin a bo chu in hmuh leh hma loh zawng tu nge zawng lo ang che u?

⁵Tin, in hmuh leh chuan lawm takin in kokiah in pu thin.

⁶Tin, in in thlen veleh in thiante leh in vengte in ko khawm a, an hnenah, 'Mi lawmpui rawh u, ka beram bo kha ka hmu leh ta e,' in ti thin.

⁷Ka hrilh a che u, chutiang bawkin mi fel sawmkua leh pakua sim chuan tur nei lote ai chuan mi sual pakhat sim chungah hian vana mi an lawm zawk ang.

⁸Tin, hmeichhia tupawh duli sawm neiin pakhat hloh ang se la, khawnvar hala in phiatin, a hmuh leh hma zawng tu nge ngun takin zawng lo ang?

⁹Tin, a hmuh leh chuan a thiante leh a vengte a ko khawm a, 'Mi lawmpui rawh u, ka duli hloh kha ka hmu leh ta e,' a ti thin.

¹⁰Ka hrilh a che u, chutiang bawkin Pathian vantirhkohte hmaah chuan mi sual pakhat sim chungah an lawm thin a ni.

¹¹Tin, mi tuin emaw fapa pahnih a nei a;

¹²tin, a naupang zawk chuan a pa hnenah, 'Ka pa, ro ka chanai mi pe rawh,' a ti a. Tichuan a sum chu an hnenah a sem ta a.

¹³Tin, ni rei lo te achinah a fapa naupang zawk chuan a chanai zawng zawng chu a la khawm vek a, khaw lam hla takah a kal ta a, chutah chuan nuam lutukin a awm a, a sum chu a khawral ta mai mai a.

¹⁴Tin, a dehral zawh veleh, chu khaw lamah chuan tam nasa tak mai a lo tla a; ei tur a lo tlachham ta a.

¹⁵Tichuan chu mi khaw lam mi mi pakhat a va bel a; chu mi chuan vawk chaw pe turin a lo lamah a tir a.

¹⁶Tin, englo kawm vawkin an eite chuan intihpuar a duh em em a; tuma'n engmah an pe si lo.

¹⁷Tin, a inhriat chhuah veleh, 'Ka pa hnena inhlawhfate chaw ei sen loha nei an tam vei nen, kei lah chu hetah riltamin ka thi dawn si a!

¹⁸Ka tho ang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;

¹⁹i fapaa vuah tlak ka ni ta lo e; i hnena inhlawhfa pakhat angin mi siam ve rawh, ka ti ang,' a ti a.

²⁰Tichuan a tho a, a pa hnenah a kal ta a. Chutichuan hla taka a la awm laiin a pain a lo hmu a, a khawngaih em em a, a tlan a, a ir a chuktuah a, a fawp ngawih ngawih a.

²¹Tin, a hnenah a fapain, 'Ka pa, vana mi chungah leh nangma mithmuhin thil ka tisual e; i fapaa vuah tlak ka ni ta lo e,' a ti a.

²²Nimahsela a pa chuan a bawihte hnenah, 'Puan tha ber kha han la thuai u la, han sintir rawh u; a kutah zungbun te, a kehphahah pheikhawk te buntir rawh u;

²³sebawng no thau tak kha han la u la, talh rawh u, hlim takin i ei ang u;

²⁴he ka fapa hi a thi a, a lo nung leh ta a nih hi; a bo a, kan hmu leh ta a nih hi,' a ti a. Tichuan hlim takin an awm tan ta a.

²⁵Tin, a fapa upa zawk chu loah a awm a; tin, in a lo thlen dawn chuan englo tum ri leh lam thawm a hre ta a.

²⁶Tichuan chhiahhlawh pakhat a ko a, 'Chu eng nge ni ta?' tiin a zawt a.

²⁷Tin, ani chuan a hnenah, 'I nau a lo hawng a, him takin a hmuh leh avangin i pain sebawng no thau tak kha a talh a ni,' a ti a.

²⁸Tin, a thinur a, a lut duh ta lo a; tin, a pa a lo chhuak a, a thlem a.

²⁹Nimahsela ani chuan a pa hnenah, 'Ngai rawh, kumkhaw hei leh chen hi ka chawm chia, i thu lah hi ka awih lo ngai si lo a; ka thiante nena hlimna ka siamna turin kelte pawh mi pe ngai si lo a;

³⁰nimahsela hei i fapa, nawhchizuarte hnena i sum eiral vektu hi a lo haw veleh ama tan sebawng no thau tak kha i talhsak vei a,' a ti a, a chhang a.

³¹Tin, ani chuan a hnenah, 'Ka fapa, ka hnena awm reng i ni alawm, ka neih zawng zawng hi i ta a ni e.Hlim tak leh lawm taka awm tur a ni reng alawm; he i nau hi a thi a, a lo nung leh ta a; a bo a, kan hmu leh ta a ni si a,' a ti a," a ti a.

³²Hlim tak leh lawm taka awm tur a ni reng alawm; he i nau hi a thi a, a lo nung leh ta a; a bo a, kan hmu leh ta a ni si a,' a ti a," a ti a.