Read Baibul, Mizo Luka 16 Bible Online

Luka 16 - Baibul, Mizo bible

Luka 16

¹Tin, Isua'n a zirtirte hnenah he thu pawh hi a sawi a:"Mi hausa tuin emaw sum enkawltu a nei a; chu mi chuan a sum a khawhralsak mai mai kawngah a hnenah an hek a.

²Tichuan ani chuan amah chu a ko va a hnenah, 'I chungchang thu ka hriat hi engtizia nge ni? I sum enkawl chanchin mi ziah vek rawh; tun achinah sum enkawltuah i tang thei tawh lo ang,' a ti a.

³Tin, sum enkawltu chuan a rilruin, 'Ka puin ka sum enkawl mi ban dawn hi engtin nge ka tih ang aw? lei laih ka peih si lo a, kut dawh lah chu ka zak si a.

⁴Sum enkawla mi ban huna an ina mi awmtirna'n ka tihzia tur ka hre ta,' a ti a.

⁵Tichuan a pu sum batute chu a ko theuh a, a hmasa ber hnenah chuan, 'Ka pu lakah engzat nge i bat?' a ti a.

⁶Ani chuan, 'Hriak tehkhawng zakhat,' a ti a. Tin, ani chuan a hnenah, 'I lehkha la la, thu thuai la, sawmnga ziak rawh,' a ti a.

⁷Tin, mi dang hnenah,'Nang engzat nge i bat?' a ti a. Ani chuan, 'Buh tehkhawng zakhat,' a ti a. Tin, ani chuan a hnenah, 'I lehkha la la, sawmriat ziak rawh,' a ti a.

⁸Tin, a pu chuan sum enkawltu fel lo chu a rem hriat avangin a fak ta a; eng fate aiin he khawvel fate hi an tun lai kawngah chuan an fing zawk a ni.

⁹Ka hrilh a che u. Sum lemin in tan, thiante siam rawh u; sum a boral huna chatuana awmnaah chuan an awmtirna'n che u.

¹⁰Tupawh tlemte chunga rinawm chu tam tak chungah pawh a rinawm thin; tupawh tlemte chunga rinawm lo chu tam tak chungah pawh a rinawm lo thin a ni.

¹¹Sum lem chungah mah in rinawm loh chuan tuin nge sum tak chu kawltir ang che u?

¹²Mi dang ta chungah mah in lo rinawm tawh loh chuan nangmahni ta chu tuin nge pe ang che u?

¹³Chhiahhlawh tumahin hotu pahnih rawng an bawl kawp thei lo; pakhat huain pakhat a duh ang, a nih loh leh, pakhat tannin pakhat a hmusit ang. Pathian leh sum rawng in bawl kawp thei lo e," a ti a.

¹⁴Tin, Pharisai tangka ngaihlute chuan chung thu zawng zawng chu an hria a, an nuihsan a.

¹⁵Tichuan ani chuan an hnenah, "Mi mithmuha intifel mai in ni e; nimahsela Pathianin in rilru a hre si a; mihring zinga an chawimawi chu Pathian mithmuhin tenawm tak a ni si.

¹⁶Dan leh zawlneite thu chu Johana lo awm thleng khan a awm a; chu mi achinah chuan Pathian ram Chanchin Tha hi an hril a, mi tin an lut lui theuh a.

¹⁷Nimahsela Dan thu chhun han te tak te bo ai pawhin van leh khawvel boral a awl zawk e.

¹⁸Tupawh nupui ma a, nupui dang nei apiang a uire a ni; tupawh mi nupui mak nei apiang a uire a ni.

¹⁹Tin, mi hausa tu emaw a awm, puan sen duk leh puan zai sin tak a sin a, ni tin nuamsa takin a awm thin;

²⁰tin, a hming Lazara kutdawh pakhat pan bawm khah luk, a kawngkhar bulah an muttir thin a,

²¹mi hausa dawhkana ei nawi tla chu ei a duh a; uite lah chuan a pante an lo liahsak thin a.

²²Tin, heti hi a ni a, kutdawh chu a thi a, vantirhkohten an kalpui a, Abrahama angchhungah an dah a. Mi hausa pawh chu a thi a, phumin a awm ta a.

²³Tin, mitthi khuaah chuan na tak tuar reng rengin a awm a, a han vanvadak a, hla taka Abrahama a angchhunga Lazara awm nen a hmu ta a.

²⁴Tin, a au a, 'Ka pa Abraham, mi khawngaih la, Lazara kha han tir rawh, a kut zung hmawr tuiah chiah se la, ka lei tihdaihna turin; he mei alhah hian ka na em em a ni,' a ti a.

²⁵Nimahsela Abrahama'n, 'Ka fapa, nangin i dam lai khan thil tha i chang a, chutiang bawkin Lazaran thil tha lo a chan kha hre ta che; nimahsela tunah ani zawng hetah thlamuang takin a awm a, nang zawng i na a nih kha.

²⁶Heng lo pawh hi, heta tanga nangni hnena kal tumte chu an kal theih lohna tur leh tumah khata tanga keini hnena an lo kai theih lohna turin, keini leh nangni inkarah hian leikak nasa tak an siam tlat a ni,' a ti a.

²⁷Tin, ani chuan, 'A nih leh ka pa, ani chu ka pa ina kaltir tur talin ka ngen a che;

²⁸pianpui mipa panga ka nei si a; he na awmnaah hian an lo kal ve dah ang e, thahnemngai takin hrilh the se,' a ti a.

²⁹Abrahama erawh chuan, 'Mosia leh zawlneite an nei alawm; chu mite thu chu ngai rawh se,' a ti a.

³⁰Tin, ani chuan, 'Ka pa Abraham, ni lo e; mitthi zinga mi meuh an hnenah kal zawk se la an sim ang,' a ti a.Tin, ani chuan a hnenah, 'Mosia leh zawlneite thu an ngaih loh chuan mitthi zinga mi tho leh mah se la an awih chuang lo ang,' a ti a," a ti a.

³¹Tin, ani chuan a hnenah, 'Mosia leh zawlneite thu an ngaih loh chuan mitthi zinga mi tho leh mah se la an awih chuang lo ang,' a ti a," a ti a.