Read Baibul, Mizo Luka 21 Bible Online

Luka 21 - Baibul, Mizo bible

Luka 21

¹Tin, a dak chhuak a, mi hausaten thawhlawm bawma an thawhlawm thlak lai a hmu a.

²Tin, hmeithai rethei te tu emaw dar tangka dere pahnih rawn thlak a hmu bawk a.

³Tichuan, "Tih tak zetin ka hrilh a che u. Heng zawng zawng ai hian he hmeithai rethei te hian a thlak tam zawk;

⁴he'ng zawng zawng hian an neih liama mi thawhlawmah an thlak a ni; ani erawh hi chuan a duh lai tak, a intunnunna tura a neih chhun te a thlak vek a ni," a ti a.

⁵Tin, tuten emaw Pathian biak in thu, lung tha tak leh thilpek khawma an cheimawizia chu an sawi laiin, ani chuan,

⁶Heng in thil hmuh hi tihchim loha lung intiang reng reng hetah a awm lo ang; chutiang ni chu a la thleng ang," a ti a.

⁷Tin, anni chuan a hnenah, "Zirtirtu, chung chu engtikah nge a lo awm ang le? chung chu a lo thlen dawn hunah chhinchhiahna eng nge awm ang?" tiin an zawt a.

⁸Tin, ani chuan, "An tihder lohna'n che u fimkhur rawh u. Mi tam takin, 'Krista chu ka ni,''A hun a thleng dawn ta e,' tiin keimah hming chhalin an lo kal ang; chu mite chu zui suh u.

⁹Tin, indo thu leh buai thu in hriat hunin hlau suh ang che u; chung chu a thleng hmasa tur reng a ni, tawpna erawh chu a thleng nghal rih lo ang," a ti a.

¹⁰Tin, an hnenah, "Hnam hrang leh hnam hrang an indo ang a, ram hrang leh ram hrang an indo ang a;

¹¹lir nasa takin a nghing a nghing ang a, hmun hrang hrangah tamte a tla ang a, hrite a leng bawk ang a; van atangin thil hlauhawmte leh chhinchhiahna nasa takte a lo awm ang.

¹²Nimahsela chung thil zawng zawng thlen hma chuan an man ang che u a, inkhawmna inah leh tan inah hruaiin an tiduhdah ang che u a, keima hming avangin lalte leh hotute hmaah an hruai ang che u.

¹³In thiam channa a la ni hlei hlei ang.

¹⁴Chutichuan chhanna tur ngaihtuah lawk lo turin in rilruah intinghet rawh u;

¹⁵in hmelma zawng zawngin an dodala an hnial theih lohna tur ka leh finna ka pe dawn si che u a.

¹⁶Tin, in nu leh in pate, in unaute, in laichinte, in thiante pawhin an mantir ang che u; a then an tihhlumtir ang che u.

¹⁷Keima hming avangin mi zawng zawng huat in ni ang.

¹⁸Nimahsela in samzai khat pawh a boral lo ang.

¹⁹In chhelin in nun in chhanhim ang.

²⁰Nimahsela sipaihoten Jerusalem khua an hual in hmuh hunah, a boral dawn tih hria ang che u.

²¹Chutih hunah chuan Judai rama awmte chu tlangahte tlan bo rawh se; a chhunga awm te chuan chhuahsan rawh se; rama awmte chu a chhungah lut suh se.

²²Chung ni chu phuba lak ni a ni e, thu an ziak zawng zawng a lo thlen theihna turin.

²³Chung ni chuan raite leh nauno pawmte chung a pik ang, khawvelah hian hrehawm nasa tak a thlen dawn avang leh he chite chungah hian thinurna a thlen dawn avangin.

²⁴Tin, khandaihah an thi ang a, hnam tin hnenah sala hruaiin an awm ang; tin, Jentailte ni a kin hma loh zawng Jerusalem khua chu Jentailte rah behin a awm ang.

²⁵Tin, niah te, thlaah te, arsiah te chhinchhiahna a awm ang a; tuifinriat rum leh a fawn avangin leiah pawh hnam tin hrehawmna leh manganna a thleng ang;

²⁶hlabar avang leh khawvela thil lo thleng tur chu ngaihtuah avangin mite an thidang ang; van thiltihtheihnate chu a nghing dawn si a.

²⁷Chutih hunah chuan Mihring Fapa hi thiltihtheihna leh ropuina nasa tak nen chhum zinga lo kal an hmu ang.

²⁸Tin, chung thil chu a lo thlen tirhin, en chho u la, dak chhuak rawh u; in tlanna tur chu a hnaih tak avangin," a ti a.

²⁹Tin,an hnenah tehkhin thu a sawi a:"Theipui kung leh thing zawng zawng en rawh u;

³⁰a chawr no veleh chu chu in hmu a, nipui a lo thaw dawn tih mahniin in hre thin.

³¹Chutiang bawkin nangni pawhin chung chu a lo thleng in hmuh hun chuan Pathian ram a lo hnai tawh tih hria ang che u.

³²Tih tak meuhin ka hrilh a che u, thil zawng zawng a thlen kim hma loh zawng tun lai chhuante hi an ral lo ang.

³³Lei leh van a ral ang a, ka thu erawh chu a ral lo ang.

³⁴Amaherawhchu fimkhur rawh u, chutilochuan ei puar lutuk nen, zu ruih nen, dam chhung khawsak ngaihtuah nen, in rilru a khat lutuk hlauh ang a, chu mi ni chuan thang awk angin thawklehkhatan in chungah a lo thleng phut ang.

³⁵Chutiang tak chuan lei chung zawng zawnga awmte chungah chuan a thleng theuh dawn a ni.

³⁶Chutichuan chung thil lo thleng tur zawng zawng chu pumpelh tlakah leh Mihring Fapa hmaa ding tlaka ruat in nih theihna turin, eng lai pawhin tawngtai chungin ngaihven rawh u," a ti a.

³⁷Tin, ni tin Pathian biak inah a zirtir thin a; zan tin a chhuak a, Oliv tlang an tihah chuan a riak thin a.Tin, zingah a thu ngaithla turin mi zawng zawng Pathian biak inah a hnenah an lo kal thin.

³⁸Tin, zingah a thu ngaithla turin mi zawng zawng Pathian biak inah a hnenah an lo kal thin.