Read Baibul, Mizo Luka 3 Bible Online

Luka 3 - Baibul, Mizo bible

Luka 3

¹Tin, Tiberia Kaisara a lal achin kum sawm leh kum nga kumah (Pontia Pilata chu Judai Ram awptu a ni a, Heroda chu Galili ram lal a ni a, a unau Philipa chu Iturea leh Trakonitis ram lal a ni a, Lusania chu Abilene ram lal a ni a,

²Ana leh Kaiapha chu Puithiam Lalberte an ni a.) thlalerah Zakaria fapa Johana hnenah chuan Pathian thu a lo thleng a.

³Tin, ani chu Jordan lui kam vel ram tinah a kal a, thil tihsual ngaihdamna'n simna baptisma thu a hril zel a;

⁴zawlnei Isaia thu buah, "Thlalera mi au rawl chuan, 'Lalpa lamlian sial u la, a kawngte tingil rawh u,

⁵Kawr tin chhun khah a ni vek ang a, tlang tin, mual tin, tihhniam a ni bawk ang; kawng kawite a lo ngil ang a, kawng bumbohte a lo rual bawk ang;

⁶Tin, mi zawng zawngin Pathian chhandamna chu an hmu ang,' a ti," tih ziak ang kha.

⁷Tin, ani chuan baptisma chang tura a hnena mipui lo chhuakte hnenah chuan, "Rul thlahte u, thinur lo thleng tur hi tlansan turin tuin nge zilh che u?

⁸Chutichuan sim hming pu tlakin rah rawh u, 'Abrahama kan thlahtu a ni alawm' in rilruin ti mai suh ang che u; Pathianin he'ng lungte hi Abrahama thlahahte a dintir thei e, ka tih che u hi.

⁹Tun apangin thing bul tinah hreipui an dah ta, chutichuan thing tin rah thaa rah lo apiang an kit a, meiah an paih thin," a ti a.

¹⁰Tin, mipuite chuan a hnenah, "Engnge kan tih tur le?" an ti a, an zawt a.

¹¹Tin, ani chuan an hnenah, "Tupawh kawr pahnih nei chuan a nei lo hnenah pe rawh se; tupawh ei nei chuan chutiang bawkin ti rawh se," a ti a, a chhang a.

¹²Tin, chhiahkhawntute pawh baptisma chang turin an lo kal a, a hnenah, "Zirtirtu, eng nge kan tih tur?" an ti a.

¹³Tin, ani chuan an hnenah, "An relsak ang che u aliam chu va phut suh u," a ti a.

¹⁴Tin, sipaite pawhin a hnenah, "Keini pawhin eng nge kan tih tur?" an ti a, an zawt a. Tin, ani chuan an hnenah," Tumah tiduhdahin va hek suh u; in hlawh tawk apiangah lungawi rawh u," a ti a.

¹⁵Tin, mitten an beisei a, mi zawng zawngin Johana chung thu an thinlung ah, "Krista a lo ni mial dah law maw?" tia an ngaihtuah laiin,

¹⁶Johana chuan a chhang a, an zaa hnenah, "Kei zawngin tuiin ka baptis thin che u a; nimahsela keimah aia mi ropui a lo kal dawn e,a pheikhawk hrui phelh tlak pawh ka ni lo e,ani chuan Thlarau Thianghlim leh meiin a baptis ang che u,

¹⁷a kutin a sisep a keng a, a hrui zah fai hliauna tur leh a zema a buh khungna turin; a si erawh chu mei mit thei loin a halral ang," a ti a.

¹⁸Tin, fuihna thu dang tam takin mite hnenah Chanchin Tha a hril thin a.

¹⁹Nimahsela, lal Heroda chu a nau nupui Herodi chung thu-ah leh a thil tihsual zawng zawng chungah chuan Johanan a zilhhau avangin

²⁰a thil tihsual zawng zawng belhchhahin ani chu tan inah a khung ta a.

²¹Tin, heti hi a ni a, mi zawng zawngin baptisma an chan zawhin, Isua pawhin baptisma a chang a, a tawngtai a, van a lo inhawng a,

²²Thlarau Thianghlim chu taksa puin thuro angin a lo chhuk a, a chungah a fu ta a; tin, van atangin aw a lo chhuak a, "Nang ka fapa duh tak i ni; i chungah ka lawm em em e," a ti a.

²³Tin, Isua'n a zirtir tantirh lai khan amah chu kum sawmthum lai a ni tawh, mi ngaih chuan Josefa fapa a ni a. Chumi chu Helia fa a ni a,

²⁴chu mi chu Matthata fa a ni a, chu mi chu Levia fa a ni a, chu mi chu Melkia fa a ni a, chu mi chu Janna fa a ni a, chu mi chu Josefa fa a ni a,

²⁵chu mi chu Mattathia fa a ni a, chu mi chu Amoia fa a ni a, chu mi chu Nahuma fa a ni a, chu mi chu Eslia fa a ni a, chu mi chu Nggaia fa a ni a,

²⁶chu mi chu Maatha fa a ni a, chu mi chu Mattathia fa a ni a, chu mi chu Semeia fa a ni a, chu mi chu Joseka fa a ni a,chu mi chu Joda fa a ni a.

²⁷chu mi chu Joana fa a ni a, chu mi chu Hrisa fa a ni a, chu mi chu Zerubabela fa a ni a, chu mi chu Salathiela fa a ni a, chu mi chu Neria fa a ni a,

²⁸chu mi chu Melkia fa a ni a, chu mi chu Addia fa a ni a, chu mi chu Kosama fa a ni a, chu mi chu elmadama fa a ni a, chu mi chu Era fa a ni a,

²⁹chu mi chu Isua fa a ni a, chu mi chu Eliezara fa a ni a, chu mi chu Jorima fa a ni a, chu mi chu Matthata fa a ni a, chu mi chu Levia fa a ni a,

³⁰chu mi chu Sumeona fa a ni a, chu mi chu Juda fa a ni a, chu mi chu josefa fa a ni a, chu mi chu Jonama fa a ni a, chu mi chu Eliakima fa a ni a,

³¹chu mi chu Melea fa a ni a, chu mi chu Menna fa a ni a, chu mi chu Mattatha fa a ni a, chu mi chu Nathana fa a ni , chu mi chu Davida fa a ni a,

³²chu mi chu Jesaia fa a ni a, chu mi chu Obeda fa a ni a, chu mi chu Boaza fa a ni a, chu mi chu Salmona fa a ni a, chu mi chu Nasona fa a ni a,

³³chu mi chu Aminadaba fa a ni a, chu mi chu Arama fa a ni a, chu mi chu Esroma fa a ni a, chu mi chu Pharesa fa a ni a, chu mi chu Juda fa a ni a,

³⁴chu mi chu Jakoba fa a ni a, chu mi chu Isaaka fa a ni a, chu mi chu Abrahama fa a ni a, chu mi chu Tera fa a ni a, chu mi chu nahora fa a ni a,

³⁵chu mi chu Seruga fa a ni a, chu mi chu Reuva fa a ni a, chu mi chu Pelega fa a ni a, chu mi chu Ebera fa a ni a, chu mi chu Sela fa a ni a,

³⁶chu mi chu Kainana fa a ni a, chu mi chu Arpaksada fa a ni a, chu mi chu Sema fa a ni a, chu mi chu Nova fa a ni a, chu mi chu Lameka fa a ni a,

³⁷chu mi chu Mathusela fa a ni a, chu mi chu Enoka fa a ni a, chu mi chu Jareda fa a ni a, chu mi chu Mahalalela fa a ni a, chu mi chu Kainana fa a ni a,chu mi chu Enosa fa a ni a, chu mi chu Setha fa a ni a, chu mi chu Adama fa a ni a, chu mi chu Pathian fa a ni a.

³⁸chu mi chu Enosa fa a ni a, chu mi chu Setha fa a ni a, chu mi chu Adama fa a ni a, chu mi chu Pathian fa a ni a.