Read Baibul, Mizo Deuteronomy 1 Bible Online

Deuteronomy 1 - Baibul, Mizo bible

Deuteronomy 1

¹Heng thu hi Jordan chhak lam thlaler, Paran leh Tophel leh Laban leh Hazeroth leh Di-zahab inkara Suph va dep Araba-a Mosia'n Israel mi zawng zawng hnena a sawi chu a ni.

²Horeb tlang atangin Kodesbarnea chu Seir tlang lam kawngah ni sawm leh ni khat kal a ni.

³Tin, kum sawmli kum, thla sawm leh thla khatna, chu mi thla ni khat ni chuan, heti hi a ni a, LALPA'n anmahni hrilh tura thu a pek ang zawng zawng chu Israela thlahte hnenah Mosia'n a sawi a;

⁴Hesbon-a awm Amor-ho lal Sihona leh Edrei leh Astarot-a awm Basan leh Oga a thah hnuin

⁵Jordan chhak lam Moab ramah he dan hi Mosia'n a puang tan ta a,

⁶LALPA kan Pathian chuan Horeb tlangah min bia a, 'He tlangah hian in awm rei tawh tawh e:

⁷insuan tawh u la, kal chhuak u la, Amor ho tlang ramah leh a chhehvel zawng zawng, Araba-ahte, tlang ramah te, phai ramah te, chhim ramah te, Kanaan-hote awmna tuifinriat kamahte leh Lebanonah te, luipui, Euphrates lui thlengin kal rawh u.

⁸Ngai teh u, ram chu ka pe tawh diam a che u: in pu Abrahama te, Isaaka te, Jakoba te leh an hnua an thlah leh zelte hnena chhechhama LALPA'n a pek ram chu va luah rawh u,' tiin.

⁹Tin, chu m lai chuan in hnenah, 'Keimah ngawt chuan ka zo lo che u a;

¹⁰LALPA in Pathian chuan a tipung che u a, ngai teh u, tunah hian in tam lam chu vana arsi zat zet in lo ni ta a.

¹¹LALPA, in i leh pute Pathian chuan tun aia a let sangin tipung che u se la, a tiam che u angin malsawm che u rawh se.

¹²Engtin nge keimah chauhin in buaina te, in phurrit te, in innghirnghona te chu ka phurh zawh ang?

¹³In hnam zinga mi, mi fing, hmanghre mi, chingchang hre mite in thlang chhuak ula, in chunga hotuah ka siam ang e,' tiin ka bia che u a.

¹⁴Tin, nangin, 'I thil sawi chu kan tan atha hle mai,' tiin mi chhang a.

¹⁵chutichuan in hnam hotute chu ka pawm a, in ham zinga mi, mi fing, chinchang hre mite in chunga hotuah ka siam a, sang chunga hotu te, za chunga hotu te, sawmnga chunga hotu te, sawm chunga hotu te, puipate pawh.

¹⁶Tin, chu mi lai chuan in roreltu chu, 'In unaute kara thu chu ngaihthlaksak u la, unau leh unau karah leh ram dang mi, a awmpui nena an karah fel takin rel rawh u.

¹⁷Rorelnaah thlei bik in nei tur ani lo; mi te leh mi lian ang rengin in ngaihthlaksak tur a ni; tumah in lau tur a ni lo; rorelna chu Pathian ta a ni si a: in tana thu khirh luuk chu ka hnenah in rawn thlen thin ang a, tin, chu chu ka lo ngaithla thin ang, tiin thu ka pe a.

¹⁸Tin, chu mi lai chuan thil in tih dan tur zawng zawngah thu ka pe che u a.

¹⁹Tin, LALPA'n thu min pek angin Horeb tlang atang chuan kan chhuak a. Amor-ho tlang ram kawnga thlaler zau tak leh rapthlak tak in hmuh kha kan kal tlang vek a, Kades- barnea khua kan va thleng a.

²⁰Tin, in hnenah," LALPA kan Pathianin min pek Amor-ho tlang ram chu in lo thleng ta a.

²¹Ngai teh u, LALPA in Pathianin ram chu a pe tawh diam che u a ni; chho u la, LALPA in pi leh pute Pathianin a lo sawi tawh ang khan han luah rawh u; hlau suh ula, zam hek suh u,' ka ti a.

²²Tin, ka hnenah in lo kal vek a, 'A ram te va thlithlai a, kan chhohna tur lam kawng leh kan va kalna tur khaw chanchinte min rawn hrilh leh turin kan hmaah min va tir i la, in ti a.

²³chu chuan min tilawm hle mai a; tichuan in zing mi mi sawm leh pahnih, hnam khat a pakhat zel ka thlang a;

²⁴tichuan an chhuak ta a, tlangah chuan an lawn chho a, Eskol ruam an han thleng a, an en thlithlai vek a.

²⁵chu rama theite chu an lo a, min rawn hawn a, chanchin min rawn thlen a, 'LALPA kan Pathianin ram min pek chu tha tak a ni,' an ti a.

²⁶Nimahsela in chho duh l a, LALPA in Pathian thupek chu in helsan a;

²⁷in puan inahte in phunawi a, 'LALPA chuan min hruat avangin min tiboral tura Amor-hote kuta pek turin Aigupta tam

²⁸Khawiah chuan nge kan han chhoh vang? Kan unaute chuan, Mihring chu kan aiin a n lian a, an sang zawk bawk a; khuate chu a lian hle a, van tawngin kulh a nei; tin, Anak-ho thlahte pawh kan hmu bawk a, tiin akn thinlung an titui a, ' in ti a.

²⁹Tin, keiin in hnenah Anmahni chu tih suh u la, hlau bawk hek suh u.

³⁰LALPA in Pathian in hmahruaitu chuan in mithmuha Aigupta rama a tihsak tak che u zawng zawng ang khan a beihpui ang che u a,

³¹thlalerah pawh miin a fa a pua angin LALPA in Pathian chuan he mi hmun in thlan thleng hian kawng tluanin a puakzia che u in hmuh kha, ka ti a.

³²Nimahsela chuti chung pawhin in puan in zarna tur zawnsak tur leh in kalkawng kawhhmuh tura zana meia, chuna chhuma in hmahruaitu LALPA in Pathian chu in ring lo a.

³³Nimahsela chuti chung pawhin in puan in zarna tur zawnsak tur leh in kalkawng kawhhmuh tura zana meia, chuna chhuma in hmahruaitu LALPA in Pathian chu in ring lo a.

³⁴Tin, LALPA'n in thusawi chu a lo hria a, a thinrim a,

³⁵He chhuan sual taka mi hi chuan pakhat te mahin in pi leh pute pek tura chhia ka chham ram tah tak chu an hmu lo ang a,

³⁶Jephunea fapa Kaleba chauh lo chuan; ani zawngin a hmu ang; a va rah ram chu amah leh a fate ka pe ang, ani chuan LALPA chu a pawm tlat avangin,' tiin chhia a chham a.

³⁷nangmahni avangin ka chungah pawh LALPA chu a thinur a, 'Nang pawh hi chutah chuan i lut lo ang :

³⁸i rawngbawltu Nuna fapa Josuia hi chu a lut ang; ani hi fuih rawh, Israel -hote chu a luahtir dawn a ni.

³⁹In fanu te te, rallakin an la mai ang , in tih leh, tuna a chhia a a tha la hre lo in fate hi an lut ang a, anni chu ka pe ang a, an luah ang.

⁴⁰Nangni erawh chu insuan u la, Tuifinriat Sen lamah thlalerah kal rawh u,' tiin.

⁴¹Tin, nangnin, 'LALPA chungah kan lo sual ta a ni, kan han chho ang a, LALPA kan Pathianin thu min pek zawng zawng angin kan han bei ang e,' tin, min chhang a. Tichuan indona thuamhnaw in inbel theuh a, tlang han chhoh chu thil namenah in ngai a.

⁴²Tin, LALPA'n ka hnenah, 'chho suh u, han bei bawk hek suh u; in zingah ka awm si lo, in hmelmate chuan an lo tihlum dah ang che u , an hnenah ti rawh,' mi ti a.

⁴³chu chu ka hrilh che u a, in pawm lo a, LALPA thupekm chu in helsan ta zawk a, tlangah chuan in han chho lui ta a.

⁴⁴Tin, chu tlanga awm Amor-ho chuan an lo bei che u a, khuai mi um angin an lo um che u a, Seir atangin Horma thlangin an that zel che u a.

⁴⁵Tin, in lo kir leh a, LALPA hmaah in tap a; nimahsela, LALPA chuan in aw chu a ngaithla duh lo a, a beng pawh a rawn chhi duh lo a.chutichuan chuta in awm chhung chu han ngaihtuahin Kades-ah chuan rei tak in awm a ni.

⁴⁶chutichuan chuta in awm chhung chu han ngaihtuahin Kades-ah chuan rei tak in awm a ni.