Read Baibul, Mizo Deuteronomy 10 Bible Online

Deuteronomy 10 - Baibul, Mizo bible

Deuteronomy 10

¹chu mi lai chuan LALPA'n ka hnenah, 'lungphek pahnihhmana mi ang kha chher leh la, tlangah ka hnenah lo kal la, thingin bawm siam rawh.

²Tin, hmana lungphek I tihkeh taktea thu chuang kha lungphekahte chuan ka ziang ang a, bawmah chuan i dah dawn nia,' a ti a.

³Tichuan thingri thingin bawm ka siam a, hmana mi ang lungphek pahnih ka chher a, lungphek pahnih chu kengin tlangah chuan ka chho a.

⁴Tin, lungphekahte chuan a hmasaa ziang ang, in pun khawm nia tlanga mei atanga LALPA'n in hnena a sawi thu sawm pek chu a ziak a, LALPA chuan mi pe a.

⁵Tin, tlang ata chu ka let thla a, lungphek chu ka bawm siamah chuan ka dah a; LALPA'n thu mi pek angin chutah chuan a awm ta reng a.

⁶(Tin, Israela thlahte chu Beerot Benejaakan atangin Mosera-ah an kal a; chutah chuan Arona chu a thi a, tah chuan an phum a; tin, a fapa Eleazaran a aiawhin pithiam hna a thawk a.

⁷chuta tang chuan Gudgoda-ah an kal a; tin, Gudgoda atang chuan tui tamna ram Jotbath-ah an kal a.

⁸chu mi lai chuan tuntlenga LALPA thuthlung bawm zawn a, LALPA hmaa a rawngbawla, a hminga malsawmsaktu ni turin Levi chi chu a tihrang a.

⁹chuvangin Levia chuan a unaute zingah chanvo pawh, rochan pawh anei lo a; LALPA pawh, rochan pawh a nei lo a; LALPA in Pathianin a hnena a sawi angin LALPA chu a rochan a ni.)

¹⁰Tin, a hma ang bawk khan tlangah chuan ni sawmli leh zan sawmli ka awm a; tin, chu mi tum pawh chuan LALPA'n ka thu chu a ngaithla a, LALPA chuan a tiboral duh ta lo che u a nih kha.

¹¹Tin, LALPA'n ka hnenah, 'Tho la mipuite hma hruai rawh; anmahni pek tura an pi leh pute hnena chhechhama ka tiam ram chu an luah tur a ni," a ti a.

¹²Khai le, Israel mite u, in laka LALPA in Pathianin a phut chu engmah dang a ni lo a, in thatna tura LALPA in Pathian tiha, a kawng zawng zawng chu zawh a, ama hmangaih a, in thinlung awng zawng leh in rilru zawng awnga LALPA in Pathian rawngbawl a,

¹³LALPA thupek te, a dante zawm tura tuna thu ke pek che u pawm hi a ni.

¹⁴Ngai the u, van te, vante van leh leilung leh a chunga awm zawng zawng hi LALPA in Pathian ta vek ani a.

¹⁵Nimahsela in pi leh pute hmangai chu a lawmzawng ani a, hnamdang zawng zawng aiin nangniho hi a hnam thlan in la ni ta cheu a.

¹⁶chuvangin in thinlung hmawr vun tan u la, tihmawh tawh suh .

¹⁷LALPA in Pathian chu, pathiante Pathian, hotute Hotu, Pathian ropui tak, chak tak tibaiawm tak, tumah duhsak bik nei lo a, thamna pawh la ngai lo a ni si a.

¹⁸Pa nei lote leh hmeithaite chu fel takin ro a relsak thin a, ram dang mite chu ei tur leh silhfente pein a hmangaih thin a.

¹⁹chuvangin ram dang mite chu hmangaih ve rawh u; nangni pawh Aigupta ramah khan ram dang mi in ni kha.

²⁰LALPA in Pathian chu in tih ang a, ama rawng chu in bawl ang a; tin, amah chu in vuan tlat ang a, a hming chhalin chhia in chham tur a ni.

²¹Amah chu in fak tura chu a ni, he'ng in mita inhmuh tak thil ropui takk leh rapthlak takte tihsaktu che u in Pathian a ni.In pi leh pute chu Aigupta ramah sawmsarih an chhuk a; tunah chuan tam lama vana arsi zatin LALPA in Pathianin a titam a che u a ni.

²²In pi leh pute chu Aigupta ramah sawmsarih an chhuk a; tunah chuan tam lama vana arsi zatin LALPA in Pathianin a titam a che u a ni.