Read Baibul, Mizo Deuteronomy 11 Bible Online

Deuteronomy 11 - Baibul, Mizo bible

Deuteronomy 11

¹Chuvangin LALPA in Pathian chu in hmangaihin a thurochhiah te, a dan te, a rorel te, a thupek te in zawm fo tur a ni.

²Tuna hian hre rawh khai; LALPA in Pathian thununna te, a ropuizia te, a ban chakzia te, a ban pharzia te,

³a chhinchhiahna te, a thiltih, Aigupta ram chhunga Aigupta lal Pharaoa chung leh a ram chung zawng zawnga a tih te,

⁴Aigupta sipaiho le an sakawr leh an tawlailir chunga a thiltih te; an um lai che u a, Tuifinriat Sen tuia vurtirzia te, tun thlenga LALPA'n a tihboralzia te;

⁵he mi hmun in thlen hma loh zawnga thlalera in chunga a thiltih dan te;

⁶Reubena fa Eliaba fapa Dathana leh Abirama te chunga a tih dan te; leiin a ka a ana Israel mite zawng zawng zinga anmahni leh an chhungte leh an puan in te leh an ran hruai zawng zawng a lem vek dan te hre lo in thlahte hnena sawi ka ni lo a;

⁷in mit ngeia lalapan thilropui tak a tih zawng zawng hmututt hnenah ani zawk e.

⁸chuvangin in lo chak a, luah tura in va pan ram chu in luah theihna'n leh hnutetui lehkhawizu luanna ram, in pi leh pute leh an thlahte pek tura LALPA'n chhia a chham ramahch huan in chen reitheihna'n tuna thu ke pek che u, thupek zawng zawngte hi in zawm tur ani.

⁹chuvangin in lo chak a, luah tura in va pan ram chu in luah theihna'n leh hnutetui lehkhawizu luanna ram, in pi leh pute leh an thlahte pek tura LALPA'n chhia a chham ramahch huan in chen reitheihna'n tuna thu ke pek che u, thupek zawng zawngte hi in zawm tur ani.

¹⁰In va luah tur ram chu, in lo chhuahna Aigupta ram, thlai huana chi in tuh a, in kea tui inleih thinna ang a ni lo va:

¹¹in va luah tur ram chu, tlang te leh ruam leh van ruahtui dawng ram ani zawk a.

¹²LALPA in Pathian zawn chhuah ram ani a; LALPA inpathian mit chu kum thar atanga a tawp thlengin a fu reng thin.

¹³Tin, heti hi ani ang a, LALPA in Pathian chu in hmangaih tur leh in thinlung zawng zawng leh in rilru zawng zawnga a rawngbawl tura ka thupek tuna ka pek che u hi thahnem ngai taka in zawm chuan,

¹⁴in ram ruahtui chu a hun rakah, ruahtui tla hmasa leh ruahtui tla hnuhnung chu ka pe ang che u a, tichuan in buh te, in uain te, in hriak te in seng lut thei ang.

¹⁵In rante tan pawh in ramah hlobet te ka awmtir bawk ang a, nangni pawhin in ei ang a, in tlai ang.

¹⁶fimkhur rawh u khai; chutilochuan in thinlung chu bumin a awm ang a; in peng ang a, Pathian dan rawng te in bawl ang a, in be mai dah ang e;

¹⁷chuti anih chuan LALPA thin in chungah alothawk ang a, van chu a kahr ang a, ruah a sur lo ang a, lei chuan a rah a chhuah lo ang a, tichuan lalapa pek che u ram tha tak ata hi inboral thuai mai ang.

¹⁸chuvangin he'ng ka thute hi in thinlung leh in rilruah khung u la, chhinchhiahna atan in ban in zem ang a, tin, in mit leh mit inkara chalhrenna atan a awm bawk tur a ni.

¹⁹chung chu in fate in ziritir ang a, in ina in thut lai te, kawnga in kal lai te, in mut lai te, in thawh hun tein in sawi thin tur a ni.

²⁰Tin, in kawngka biangah te, in kawngkharah te in ziak tur a ni;

²¹tichuan in pi leh pute pek tura chhia a chham ramah chuan in dam chhung ni leh in fate dam chung ni chu lei chunga van ni ang khian a tisei ang.

²²LALPA in Pathian chu hmangaih tur le a kawng zawng zawng zawh tur leh amah vuan tlat tura thahnemngai taka he'ng thu ka pek che u thupek zawng zawngte hi in zawm phawt zangin,

²³LALPA chuan he'ng hnam zawng zawng hi ahnawhchhuahsak ang che u a, in aia ropui zawk leh thil tithei zak hnamte ram chu in luah ang.

²⁴In kephaha in rah apiang chu in ta ani ang a, thlaler atang leh Lebanon tlang atangin lui, Euphrates lui atang chuan thlang lam tuifinriat thlengin in ram ani ang.

²⁵Tumah reng rengin an chel lo ang che u; LALPA in Pathianin in hnena a sawi tawh ang khan in va rah tur ram zawng zawngah chuan nangmahni tihna leh hlauhna a awmtir ang.

²⁶Ngai teh u, vawiinah hian in hmaah malsawmna le anchhia ka dah a;

²⁷LALPA in Pathian thupekte tuna ka pek che u hi in zawm chuan, malsawmna;

²⁸LALPA in Pathian thupete chu in zawm loh a, in hriat ngai loh pathian dangte be tura ka thupek che u inpensan erawh chuan, anchhia.

²⁹Tin, heti hi a ni ang a, in va luah tur rama LALPA in Pathianin a hruai lu che u hunah chuan, malsawmna chu Gerizim tlangah in dah ang a, anchhia chu Ebal tlangah.

³⁰Ni tlakna piah, Araba a awm, Kanaan-ho ram, Gilgal zawn More sasaw sir, Jordan rala mi a ni lo'm ni?

³¹LALPA in Pathianin a pek che u ram va luah tur chuan Jordan chu in kan tur ani a, in luah ang a, chutah chuan in awm ang.Tin, tuna in hmaa ka dah, dan leh rorel zawng zawng chu zawm turin in fimkhur tur a ni.

³²Tin, tuna in hmaa ka dah, dan leh rorel zawng zawng chu zawm turin in fimkhur tur a ni.