Read Baibul, Mizo Deuteronomy 12 Bible Online

Deuteronomy 12 - Baibul, Mizo bible

Deuteronomy 12

¹LALPA in pi leh pute Pathianin a pek che u ram in luah a, leilunga in awm chunga fimkhur taka in zawm tur dan te leh rorel dante chu hengte hi a ni.

²In va luah tur ram hnamte tlang lian te, tlang te te, thing hring tin, hnuai tea an pathiante rawng an bawlna hmun zawng zawngte chu in tichhe vek tur a ni;

³an maichamte in tichim ang a, an lungphunte in tisawm vek ang a, an Aser te in hal tur a ni; an pathian lem siam chawpte chu in kihsak ang a, chuta an hming chu in thai bo tur a ni.

⁴chutiang chuan LALPA in Pathian chungah in ti tur a ni lo.

⁵LALPA in Pathianin in hnam zawng zawng zinga a hming awmna tur hmun a la ruat tur chu in zawng zawk ang a, chuta chuan in kal tur a ni,

⁶chutah chuan in halral thilhlan te, inthawina te, in sawma pakhat te, in duh thua thilhlan te, in ran rual leh in beram rual zinga piang hmasa berte in rawn la tur a ni;

⁷tin, chutah chuan LALPA in Pathian hmaah in ei ang a, in kutkawih LALPA in Pathianin mal a sawmna che uah chuan hlim takin in awm tur ani , in chhungkuain.

⁸Mi tinin mahni tha tihzawng ang maia tuna kan tih ang hian in ti tur a ni lo.

⁹Jordan lui in kai a, LALPA in Pathianin a luahtir tur che ua in awm a, him taka in awm theihna tura in vela hmelma zawng zawngte laka a chawlhtir hunah che u erawh chuan heti hi a ni ang a,

¹⁰LALPA in Pathianin a hming awmtirna tur a ruat hmuna rawn lak tura ka tih zawng zawngte chu chutah chuan in rawn la tur nai, in halral thilhlan te, in inthawina te, in sawma pakhat e, in kut then thilhlan te, LALPA hnena in tiam tha thate chu;

¹¹tin, LALPA in Pathian hmaah chuan hlim takin in awm ang, nangmahni leh in fapate nen, in ina awm, Levi-hote nen, anni chuan in zingah chanvo leh ram nei ve si hek lo.

¹²Hmun in hmuhna apiangah in halral thilhlante hlan ma lo turin fimkhur rawh u khai:

¹³in hnamte zinga LALPA'n a la ruat tur hmunah chuan in halral thilhlante chu in hlan zawk ang a, chutah chuan thu ka pek zawng zawng che u chu in ti tur a ni.

¹⁴Amaherawhchu LALPA in Pathianin malsawmna a dawntir che u ang zelin in nunnain a hchak ang ang chu in In theuhvah in talh ang a, a sa in ei thei ang; thianghlim lote leh thianghlimte pawhin sangai te, sakhite ang hi chu an ei thei ang.

¹⁵A thisen erawh chu in ei tur ani lo; tui angin leiah in leihbaw tur a ni.

¹⁶In inah chuan sawma pakhat, in bu te, in uain te, in hriak te leh in ran rual leh beram rual zinga piang hmasa ber te, in thutiama mi te, in duhthua thilhlan te, in kut then thilhlante chu in ei thei lo ang a;

¹⁷LALPA in Pathian in hmun a la ruat turah, LALPA in Pathian hmaah in ei zawk tur a ni, nangmahni leh in fapa te leh in fanu te, in bawihpa te, in bawihnu te, in khuaa awm Levi-hote nen; LALPA in Pathianhmaah in kutkawih apiangah him takin in awm tur a ni.

¹⁸In rama in awm chhung zawng Levi-ho chu thlauthla lo turin fimkhur rawh u.

¹⁹LALPA in Pathianin a tiam che u anga in ram a tihzau a, in nunnain sa ei a chak avanga , 'Sa ka ei ang,' in tih hunah chuan, in nunnain a chakzawng apiang sa chu in ei thei ang.

²⁰LALPA in Pathianin ahming awmna a la ruat tur chu in hlat luattuk chuan, thu ka pek che u ang khan LALPA'n a pek che u in ran rual leh in beram rual zinga mi in talh ang a, in nunnain a chak angzawng chu in inah in ei tur a ni.

²¹Sangai sa te, sakhi sa te in ei ang maiin in ei ang a, thianghlim lote leh thianghlimte pawhin angkhat rengin in ei ang.

²²Thisen eraw chu ei lo turin fimkhur rawh u; thisen chu nunna a ni si a; nunna chawpin sa chu in ei tur a ni lo.

²³In ei hauh lo tur a ni; tui angin leiah in leihbaw mai tur a ni.

²⁴In ei tur ani lo; tichuan LALPA mithmuha thil dik inti hian nangmahni leh in hnua in fate tan a la tha dawn nia.

²⁵In thil thianghlimte leh in thutiama mite chauh keng u la, LALPA'n hmun a la ruat turah chuan kal ang che u:

²⁶tin, LALPA in Pathian maichamah in halral thilhlan chu, a sa leh a thisen in hlan ang a; tin, in inthawina thisente chu LALPA in Pathian maichamah chuan in chhung chhuak ang a, a sa chu in ei ang.

²⁷Heng thu ka pek zawng zawng che u hi ngun takin ngaichang rawh u, tichuan LALPA in Pathian mithmuha thi tha leh thil dik in ti hian in tan leh in hnua in fate tan kumkhuain a la tha dawn nia.

²⁸LALPA in Pathianin in va hneh tur hnamte a tihbosak che u a, an ram in luah a, in khawsak hunah chuan,

²⁹tiborala an awmna angah khan in aw ve lohna turin fimkhur u la, 'Heng hnamte hian engtin nge an pathian rawng an bawl? An tih angin keini pawhin I ti ve ang u,' tiin an pathiante chungchang thute zawt vel suh uu.

³⁰chutiang hchuan LALPA in Pathian chungah in ti tur ani lo; an pathian chungah chuan LALPA ngaiha thil tenawm tinreng, a huat tak maite chu an ti thin a; an fapa te, an fanute ngei pawh an pathiante tan an hla thin a ni.Tih tura thu ka pek che u apiang chu in ti tur a ni; in belhchhah tur a ni lo a, in tikiam tur a ni hek lo.

³¹Tih tura thu ka pek che u apiang chu in ti tur a ni; in belhchhah tur a ni lo a, in tikiam tur a ni hek lo.