Read Baibul, Mizo Deuteronomy 13 Bible Online

Deuteronomy 13 - Baibul, Mizo bible

Deuteronomy 13

¹In zingah zawlnei emaw, mang neitu emaw an lo awm a, chhinchiahna emaw, thil mak emaw an entir che u a,

²chhinchhiahna emaw, thil mak emaw an entir che u a lo thlen a, in hriat ngai loh, 'Pathian dang i zui ang u khai, an rawng i bawl ang u,' in hnena an tih chuan,

³chu zawlnei emaw, mang neitu emaw thute chu in pawm tur ani lo; LALPA in Pathian chuan in thinlung zawng zawng leh in nunna zawng zawngin LALPA in Pathian chu in hmangaih nge hmangaih lo tih hriatna'n a fiah che u ani e.

⁴LALPA in Pathian chu in zui ang a, amah chu in tih ang a, a thupekte chu in zawm ang a, a thusawite chu in pawm ang a, a rawngte in bawl ang a, amah chu in vuan tlat tur a ni.

⁵Tin, chu zawlnei emaw, mang neitu emaw hchu tihhlum tur a ni. Aigupta ram ata hruai chhuak a, bawih ata tlantu che u LALPA in Pathian zawh tur chu a pek che u kawng ata chu tipeng tur che u a, LALPA in Pathian chunga helna thu a sawi avangin chutiang huan in zinga thi tha lo chu in tibo tur ani.

⁶I unaupa emaw, i fapa emaw, i nupui pawm lai emaw, i thian bul emaw pawhin in thlahtute la biak ngai lo pathian dangte be turin an thlem thei che u a,

⁷in bul hnaia chengte pathian emaw, ram hla taka chengte pathian emaw emaw be turin an rawn thei che u a.

⁸mahse chutiang mi chuan an thlem thlu tur che u a ni lo, an thurawn chu ngaithla suh ang che u. In khawngaihin, in thupin in zuah tur ani hek lo.

⁹In tihlum ngei ngei tur a ni zawk a; a tihlum turin kut i thlak hmasa ang a, chu mi hnuah mipui zawng zawngin.

¹⁰Lungin in deng hlum tur a ni, Aigupta ram atanga bawih ata hruai chhuaktu che u LALPA in Pathian hnen aa tihpenna che u a zawn avangin.

¹¹Tichuan Israel mi zawng zawngin an hria ang a, an hlau vang a, in zingah chutiang suahsual reng reng chu an ching taw lo ang.

¹²LALPA in Pathianin in awmna tura a pek che u in khaw pakhatah chuan

¹³in zing ata mi dukdak lo thenkhat lo chhuak a, chu mi khawpuia mite chu in hriat ngai lo pathian dangte be turin an hruai bo tih thusawi in hriat chuan

¹⁴zawt vel u la, zawng chhuak u la, thahnemngai takin zawt rawh u; tin, ngai teh u, thu dik a lo ni a, chutiang thil tenawm in zingah tih ani tih hriat chian ani chuan

¹⁵khandaihin chu mi khuaa awmte chu in tihlum ngei ngei tur ani a; a chhunga awm zawng zawng te, ran rualte nen khandaihin in tiboral vek tur a ni.

¹⁶Tin, rallak sum zawng zawng chu khawlaiah in la kahwm ang a, tin, khua leh rallak sum zawng zawng chu LALPA in Pathian hnenah pumhal thilhlanah in hal ang a, lei pawng mai ani kumkhua ang a, din ani leh tawh lo ang.

¹⁷,18 rallak sum chu a engamah in khawih tur ani lo; LALPA chuan a thinurna nasa tak chu alamlet ang a, zahngaihna a hmuhtir ang che u a, a khawngaih ang che u a, LALPA in Pathian mithmuha thi tha it tura thupek zawng zawng tuna ka pek che u hi in zawm phawt chuan a tipung dawn che u nia, in pi pute hnena chhia a lo chham tawh ang khan.,17 rallak sum chu a engamah in khawih tur ani lo; LALPA chuan a thinurna nasa tak chu alamlet ang a, zahngaihna a hmuhtir ang che u a, a khawngaih ang che u a, LALPA in Pathian mithmuha thi tha it tura thupek zawng zawng tuna ka pek che u hi in zawm phawt chuan a tipung dawn che u nia, in pi pute hnena chhia a lo chham tawh ang khan.

¹⁸,17 rallak sum chu a engamah in khawih tur ani lo; LALPA chuan a thinurna nasa tak chu alamlet ang a, zahngaihna a hmuhtir ang che u a, a khawngaih ang che u a, LALPA in Pathian mithmuha thi tha it tura thupek zawng zawng tuna ka pek che u hi in zawm phawt chuan a tipung dawn che u nia, in pi pute hnena chhia a lo chham tawh ang khan.