Read Baibul, Mizo Deuteronomy 16 Bible Online

Deuteronomy 16 - Baibul, Mizo bible

Deuteronomy 16

¹Abib thla chu thla serhah nei u la, LALPA in Pathian tana Kalhlen Kutna'n hmang rawh u: Abib thla hian a ni, LALPA in Pathian chuan Aigupta ram ata zanah a hruai chauh che u ni.

²LALPA'n a hming awmna a la ruat turah chuan LALPA in Pathian hnenah in beram rual zinga mi leh ran rual zinga miin Kalhlen Kutah in inthawi tur a ni.

³chhang dawidim telh nen in ei tur a ni lo; in dam chung zawnga Aigupta ram ata in chauh ni chu in hriat reng theihna'n ni sarih chang dawidim telh loh, hreawmna chhang nen in ei tur a ni, Aigupta ram atang chuan hmanhmawh taka chhuak in nih kha.

⁴In ram chhungah ni sarih chhung chu, dawidim reng reng a awm tur a ni lo a; tin, ni khat ni tlai lama in inthawina sa chu zankhuain a tuk zing thlengin engma a awm tur a ni lo.

⁵LALPA in Pathianin a pek che u in awmna khawiah mah Kalhlen Kut inthawiin in inthawi thei lo ang a;

⁶LALPA in Pathianin a hming awmna a la ruat turah chauh chuan ani ang; chutah chuan Aigupta ram ata in lo chhuah hun ang tlai lamah, ni tlakah Kalhlen Kut inthawin in inthawi tur ani a.

⁷Tin, in rawh ang a, LALPA'n hmun a la ruat turah chuan in ei ang a, tin, zingah in haw leh ang a, in puan inah inkal tur a ni.

⁸Ni ruk chhung chu chhang dawidim telh loh in ei tur a ni; tin, a ni sarih ni chu LALPA in Pathian tan inkhawmpui thianghlim ani ang a, hna in thawk tur a ni lo.

⁹chawlhkar sarih inchhut ang a; in u seng tan ni atangin chawlhkar sarih chu in chhut tur a ni.

¹⁰LALPA in Pathianin mal a sawm che u ang zelin in deh chhuah zinga mi mahni duh thua thilhlan chu hlanin LALPA in Pathian tan chawlhkar kut in nei tur a ni;

¹¹tin, LALPA in Pathianin a hming awmna a la ruat turah chuan nangni nen, in fapa te, in fanu te, in bawihpa te, in bawihnu te, in awmnaa awm Lei-ho te, hmeithaite nen LALPA in Pathian hmaah hlim takin in awm ang a;

¹²Tin, Aigupta ramah khan bawih in ni tih in hre reng tur ani a; tin, he'ng dante hi fimkhur takin in zawm tur a ni.

¹³In hrui ata leh in uain sawr khur ata in chhek khawm zawhah ni sarih chhng bawkte kut in nei tur a ni;

¹⁴in kutah chuan nangni nen, in fapa te, in fanu te, in bawihpa te, in bawihnu te, in awmnaa awm Levi-ho te, ram dang mi te, pa nei lo te, hmeithaite nen hlim takin in awm tur a ni.

¹⁵LALPA'n hmun a la ruat turah chuan LALPA in Pathian tan ni sarih inkut tur a ni; LALPA in Pathianinin thil haw zawng zawngah leh in kutkawih zawng zawngah te mal a sawm ang che u a, lawm tak hlirin in awm dawn nia.

¹⁶Kum tin, in mipa zawng zawngte chu vawi thum LALPA hmaah hmun a la ruat turah chuan an inlan tur a ni,chhang dawidim telh loh kutah te, chawlhkar kutah te, bawkte kutah te; tin, LALPA hmaah tumah kutruakin in inlan tur a ni lo a,

¹⁷LALPA in Pathianin malsawmna a dawntir che u ang zelin mi tinin an theih ang tawk an pe tur a ni.

¹⁸LALPA in Pathianin a pek che u in kulh kawngka zawng zawngah inhnam ang zelin roreltute leh hotute in insiam theuh vang a, mipute ro fel takin an rel sak tur a ni.

¹⁹Dik lo takin ro in rel tur ani lo; tumah duhsak bik in nei tur a ni lo; thilpek in la tur ani hek lo; thilpek chuan mi fingte mit a tihdelsak a, mi felte thu a tihkhawlohsak si thin a.

²⁰LALPA in Pathianin a pek che u ram chu nungdama in luah theihna'n a fel chauha chu in zawm tur a ni.LALPA in Pathianin a huatzawng lung pawh in phun tur a ni hek lo.

²¹LALPA in Pathianin a huatzawng lung pawh in phun tur a ni hek lo.