Read Baibul, Mizo Deuteronomy 18 Bible Online

Deuteronomy 18 - Baibul, Mizo bible

Deuteronomy 18

¹Puithiam Levi-ho, Levi hnam zawng zawng chuan Israelte zingah chanvo leh rochan an nei tur ani lo a; LALPA hnena meia thilhlan leh a puala mi an ei tur a ni.

²An unaute zingah rochan an nei tur a ni lo: an rochan chu an hnena a sawi angin LALPA a ni si a.

³Inthawina hlantu mipuite laka puithiam pual tur chu he'ng hi a ni ang - bawngpa pawh, beram pawh, a dar leh a bekbawr khing hnih leh a pumpui puithiam an pe tur a ni.

⁴In buhbal te, in uain te, in hriak haw hmasa te, in beram hmul meh hmasak berte in pe bawk tur a ni.

⁵LALPA in Pathianin Lalpa hminga rawngbawla awm kumkhua turin in hnam zawng zawng zing ata a thlan an ni si a, anmahni leh an fapate nen.

⁶Tin, Levi mi tupawh a awmna Israel ram in awmna a khawii pawh chauhsan a, a rilrua chak taka LALPA'n a la ruat tur hmunah a lo kal chuan,

⁷chuta LALPA hmaa awm thin Levi-ho, a unaute ang bawkin LALPA a Pathian hming in rawng a bawl tur a ni.

⁸An puithiam man tiam loin mi dang pual ang ei tur chu an chang ve tho ang.

⁹LALPA in pathianin a pek che u ram in va thlen hun chuan chung hnamte thil tenawmte tih ang chu in ching ve tur a ni lo.

¹⁰A fapa emaw, a fanu emaw meia kal tlangtir te, aien ching e, thumvawr ching te emaw, mitlakdawi hmang emaw te, dawithiam te,

¹¹dawi at te ramhuai zawl rawih te, dawithiam te, mitthi biak ching mite in zinga anaw awm tur a ni lo.

¹²Heng thil ti mi apiangte hi LALPA ngaihin mi tenawm an ni si a: tin, he'ng thil tenawm avang hian a ni, LALPA in Pathianin a hnawhchauhsak che u ni,

¹³LALPA in Pathian hmaah in tha famkim tur a ni.

¹⁴chung in va luah tur rama hnamte chuan thumvawr leh aien chingte an pawm thin a; nangni zawng LALPA in Pathianin chutiang tih chu a pahl lo a ni.

¹⁵LALPA in Pathianin, keimah ang hi in unaute zinga mi, zawlnei a siamsak ang che u: a thu chu in ngai tur a ni;

¹⁶LALPA kan Pathian aw chu min hriattir tawh suh la, he mei sa tak hi min hmuhtir leh tawh suh la, kan thi dah ang e' tia Horeb tlanga pun khawm nia LALPA in Pathian in duh dan ang khan.

¹⁷Tin, LALPA chuan ka hnenah, An tusawi chu an sawi tha hle a.

¹⁸An unaute zinga nangmahni ang zawlnei ka siamsak a; a kaah ka thute ka dah ang a, a hnena thu ka pek apiang chu an hnenah a sawi ang a.

¹⁹Tin, heti hi a ni ang a, ka hminga ka thu a sawi pawm lo apiang chu ka ngaihtuah ang.

²⁰Ka hminga sawi tur ka pek loh sawi luitu zawlnei emaw, pathian dangte hminga thu sawitu zawlnei emaw, chu zawlnei chu tihhlum tur a ni.

²¹Tin, in thinlunga Engtin nge thu chu LALPA sawi a ni lo tih kan hriat ang? In tihch huan,zawlneiin LALPA hminga thu a sawi a, a thil sawi chu a lo thlen loh va a hlawhtlin loh chuan chu chu a ni, LALPA sawi loha chu; zawlnei chuan uangthuang takin an sawi mai mai a ni, amah chu in hlau tur a ni lo,' a ti a.

²²zawlneiin LALPA hminga thu a sawi a, a thil sawi chu a lo thlen loh va a hlawhtlin loh chuan chu chu a ni, LALPA sawi loha chu; zawlnei chuan uangthuang takin an sawi mai mai a ni, amah chu in hlau tur a ni lo,' a ti a.