Read Baibul, Mizo Deuteronomy 2 Bible Online

Deuteronomy 2 - Baibul, Mizo bible

Deuteronomy 2

¹Tin, kan insuan a, LALPA'n ka hnena a sawi angin Tuifinriat Sen lamah thlalerah kan lut ta a; Seir tlang chu rei tak kan vel a.

²Tin, LALPA chuan mi bia a,

³He tlang hi in vel rei tawk tawh e; hmar lam panin insuan tawh rawh u.

⁴Mipuite chu Seir tlanga awm, Esauva thlah in unaute ramah in kal tlang dawn a ni; anni chuan an lo hlau vang che u a; chuvangin fimkhur hle u la;

⁵bei suh ang che u ; an ram chu a khawii lai mah, kephaha rah khawp lek pawh ka pe dawn hauh lo a che u; Seir tlang chu apualah Esauva ka pe tawh a ni.

⁶An chaw te chu in eiah sumin in lei ang a; tin, an tuite chu in inah sumin in lei bawk tur a ni.

⁷LALPA in Pathian chuan in thawh apiangah te mal a sawm thin che u a, he thlaler zau tak hi in kal tlang dan te chu a hre si a; he'ng kum sawmli chhung zawng hian LALPA chu inhnenah a awm a, engmah in tlakchham loh kha, tiin thu pe rawh,' tiin.

⁸Chutichuan Elat leh Ezion-geber atangin Arba kawnga kalin Seir tlanga awm Esauva thlah kan unaute ram kan pal tlang a. Tin, kan insuan a, Moab thlaler lamah kan kal a.

⁹Tin, LALPA'n ka hnenah, 'Moab-ho chu tibuai suh u la, ral beiin bei suh u; an ram chu in pualah ka pe dawn lo a che u, Lota thlahte pualah Ar chu ka pe tawh a ni.

¹⁰(Tun hma lam chuan Anak-ho angin mi lian leh tam leh mi sang pui pui Em-ho an awm thin a;

¹¹chungho pawh chu Anak-ho ang bawka Repha-ho tih an ni a; nimahsela Moab-ho chuan Em-ho an ti thin a ni.

¹²Tun hma lam chuan Seir tlangah hian Hor-ho pawh an awm bawk thin a; nimahsela Esauva thlahte hian an luahsak a; an that a, a hmunah chuan an awm ta a. Israel-hoin LALPA'n an puala a pek ram an tih ang kha.)

¹³Chutichuan tho u la, Zered lui chu kan rawh u khai,' a ti a. Tichuan Zered lui chu kan kan ta a.

¹⁴Kades-barnea atangin kan chhuak leh a. Zered lui kan kan a, LALPA'n an hnena chhia a chham ang amipui zinga chu mi chhuana ral kap mi zawng zawng an mang vek inkar chu kum sawmthum leh kum riat a ni.

¹⁵Mipui zing ata an boral der hma loh chuan anmahni tiboral turin LALPA kutin a tai reng bawk a.

¹⁶Chutianga mipui zing ata ral kap mi zawng zawng an boral a, an lo thih zawh hnu chuan heti hi a ni a,

¹⁷LALPA'n min bia a,

¹⁸Vawiinah hian Moab ram Ar chu i kal tlang tur a ni a;

¹⁹tin, Amona thlahte ep i va thlen hnaih pawhin tibuai suh la, bei hek suh; Amon-ho ram chu i pualah ka pe dawn lo a che, Lota thlahte pualah ka pe tawh a ni.

²⁰(chu pawh chu Repha-ho rama ngaih ani bawk; chutah chuan tun hma lamin Repha ho an awm thin a ni; nimahsela Amon-ho chuan Zazum-ho an ti thin a ni:

²¹Anak-ho anga mi lian leh tam leh mi sang pui pui an ni a; nimahsela LALPA'n a tihboralsak a, an luah ve ta thung a, an hmuna chuan an awm ta a;

²²Seir tlanga awm Esauva thlahte chu Hor-ho a tihboralsak laia a tih ang khan; tichuan an luah ve ta thung a, an hmunah chuan tun thlenghian an la awm ta a:

²³tin, Gaza thlenga khaw te tea awm Av-ho chu Kaptor atanga lo chhuak Kaptor-hoin an tiboral a, an hmunah chuan an awm ta a.)

²⁴Tho u la, kal chhuak u la, Arnon ruam kan rawh u; ngai teh u, Amor mi Hesbon leh Sihona leh a ram chu ka pe tawh che u a ni; luah phawt u la, ral beiin bei rawh u.

²⁵Vawiinah hian, van hnuaichhina hnam tin chungah chuan nangmah tihna leh hlauhna ka awm tantir ang a, i chanchin an lo hria ang a, an khur ang a, nangmah avangin na tak tuarin an awm ang' tiin.

²⁶Tin, Kedemot thlaler atangin Hesbon lal Sihona hnenah rem thu kengin mi ka tir a,

²⁷I ramah hian mi kal tlangtir rawh khai; lamlianah zel ka kal ang a, ding lamah emaw, vei lamah emaw pawh ka peng lo ang e.

²⁸Ka eiah chaw a leiin sumin mi leitir ang a, ka inah tui pawh sumin mi leitir bawk ang a; Jordan ka kana LALPA kan Pathianin min pek ram ka luh hma loh chuan Seir a awm Esauva thlahte leh Ar-a awm Moab hote mi tih ang khan mi kal tlangtir ringawt mai rawh khai,' tiin.

²⁹Ka eiah chaw a leiin sumin mi leitir ang a, ka inah tui pawh sumin mi leitir bawk ang a; Jordan ka kana LALPA kan Pathianin min pek ram ka luh hma loh chuan Seir a awm Esauva thlahte leh Ar-a awm Moab hote mi tih ang khan mi kal tlangtir ringawt mai rawh khai,' tiin.

³⁰Nimahsela Hesbon lal Sihona chuan a ramah min kal tlangtir phal lo a; LALPA in Pathian chuan in kuta a pek theihna tur che uin a rilru a tihkhauhsak a, a tiluhlul a ni, in hriat tak ang hian.

³¹Tin, LALPA'n ka hnenah, 'Ngai teh, Sihona leh a ram chu ka pe dawn ta che a ni, a ram chu nei turin luah phawt mai rawh, mi ti a.

³²Tichuan Sihona leh a mite zawng zawng chu Jahaz-a min bei turin an lo thawk a.

³³Tin, LALPA kan Pathian chuan min pe a; tichuan amah leh a fapate leh amite zawng zawng chu kan that a.

³⁴Tin, chu mi tum chuan a khua zawng zawng chu kan la a, chung khuaa mihring zawng zawng chu, hmeichhia leh fanau te tete nen lam kan tiboral vek a, zuah reng reng kan nei lo a;

³⁵kan lak khuaa rallaka kan lak thil leh rante chauh kan pualah kan la a ni.

³⁶Arnon ruam fema Aroer atang leh ruama khaw awm atanga Gilead thlengin kan tan sang lutuk khua a awm hauh lo mai a, LALPA kan Pathianin min pe vek a ni:Amon thlahte ram chauh in hnaih lo a ni, Jabok lui lehlam kam zawng zawng leh tlang rama khuate leh LALPA kan Pathianin min khapna apiangte nen.

³⁷Amon thlahte ram chauh in hnaih lo a ni, Jabok lui lehlam kam zawng zawng leh tlang rama khuate leh LALPA kan Pathianin min khapna apiangte nen.