Read Baibul, Mizo Deuteronomy 23 Bible Online

Deuteronomy 23 - Baibul, Mizo bible

Deuteronomy 23

¹Sawn chu LALPA mite pung khawm zingah an tel tur a ni lo; chhuan sawmna thlengin a thlahte chu LALPA mite pung khawm zingah an tel tur a ni lo.

²Amon mite leh Moab mite chu LALPA mite pung khawm zingah an tel tur a ni lo. Chuan sawmna thlengin an zinga mi chu LALPA mite pung khawm zingah an tel hauh lo tur a ni;

³Aigupta ram atanga in lo chhuah laia chhang leh tuia an lo hmuah loh che u avang leh anchhe lawh tur che ua Mesopotamia rama Pethor khuaa Beora fapa Balaama an rawih avang khan.

⁴Nimahsela LALPA in Pathian chuan a hmangaih che u avangin LALPA in Pathian chuan anchhia chu in tan malsawmnaah a chantir ta zawk a.

⁵In dam chung zawng anmahni nena inremna leh an hmuingilna engtikah mah in ngaihtuahpui tur a ni lo.

⁶Edom mite chu in lungten tur a ni lo a, in unaute an ni si a; Aigupta mite chu in lungten tur ani lo, an ramah chuan in va mikhual tawh avangin.

⁷An thlahte chu chhuan thumna atnagin LALPA mite pungkhawm zingah chuan an tel tur a ni.

⁸In hmelmate beia in va riahna hmuna chuan thil tha lo tinreng lakah in inthiarfihlim tur a ni.

⁹In zingah tupawh zana amaha thil chuak avanga bawlhhlawh an awm chuan, riahhmun ata a chhuak ang a, riahhmunah chuan a lut leh tur ani lo a;

¹⁰amaherawhchu khua a lo tlai lamin a inbual ang a; tin, ni tlakah riahmunah a lut leh tur a ni.

¹¹Tin, riahhmun pawn lama hmun in ruat ang a, chutah chuan in kal thin tur a ni;

¹²tin, in hmanraw zinga chuan suahdur in nei ang a; tin, heti hi ani ang a, chuchuan in va thutna tur chu in lai khuar ang a, in zunram thiar chu in vur leh tur a ni;

¹³LALPA in Pathian chu in riahhmuna nangmahni chhanhim tur leh in hmelmate hlan tur che uin a lo tel zel si thin a; chuvangin riahhmun chu a thianghlim tur a ni; chuti lo chuan in zinga thil bawlhhlawh a hmu ang a, a kal bosan dah ang che u.

¹⁴Chhiahhlawh, in hnena an pu rawn tlan chhuahsan chu in pe let leh tur a ni lo:

¹⁵in awmnaa an du ber an thlan apianga chuan in zingah an awm ve mai tur a ni; in hnehchhiah turani lo

¹⁶Israel fanute zingah nawhchizuar an awm tur ani lo a, Israel fapate zingah mipa inzuar an awm tur a ni hek lo.

¹⁷Nawhchi zawrh man emaw, uicho man emaw , thutiamna'n LALPA in Pathian ina in keng tur ani lo; a eng ve ve pawh chu LALPA in Pathian ngaihin thil tenawm a ni.

¹⁸A pung umin in unaute inpuktir tur a ni lo; tangka lama pung emaw, ei tur lama pung emaw, engpawh a pung uma puktir reng reng chu:

¹⁹ram dang mite chu a pung umin in puktir thei ang; nimahsela in unaute chu a pung umin in puktir tur a ni lo; chutichuan in va luah tur rama in kutkawih zawng zawngah LALPA in Pathianin mal a sawm dawn che u nia.

²⁰LALPA in Pathian hnena thu in tiam in rei rial loin pek nghal tur a ni; LALPA in Pathian chuan a phut dawn ngei si che u a, in tan sual a lo ni mai ang.

²¹Thutiam kawnga in insum chuan in tan sual a ni lo ang.

²²In kaa chhuak tawh chu in ti ngei tur a ni; duh thua thilhlan in kaa in tiam, LALPA in Pathian hnena in tiam ang zelin.

²³In thenawm grep huana in kalin in duh tawkin in ei thei a, amaherawhchu in emah in khung tur a ni lo.In thenawm buh ding lai hmunah in kalin a vui chu in thliak thei a; amaherawhchu in thenawm buh ding laiah chuan favah in ruai tur a ni lo.

²⁴In thenawm buh ding lai hmunah in kalin a vui chu in thliak thei a; amaherawhchu in thenawm buh ding laiah chuan favah in ruai tur a ni lo.