Read Baibul, Mizo Deuteronomy 26 Bible Online

Deuteronomy 26 - Baibul, Mizo bible

Deuteronomy 26

¹Tin, heti hi a ni ang a, LALPA in Pathianin rochun leh luah tura ram apek che u in va luh a, in va awm hun chuan,

²Tin, chu mi huna puithiam hnenah chuan in kal ang a, a hnenah, "Min pektura kan pi leh pute hnena chhia a lo chham ramah kan lo kal ta tih vawiinah hian LALPA in Pathian hnenah kan tilang a ni,' in ti ang a.

³Tin, puithiam chuan in kut ata bawm chu a la ang a, LALPA in Pathian maicham bulah a hung ang.

⁴Tin, nangnin LALPA in Pathian hmaah cuan, "Kan pu chu Suria mi, mi vakvai a ni a, Aigupta ramah a zuk chuk a, a zuk cheng a, tlemte an ni a; tin, chutah chuan hnam ropui tak, thiltithei tak, tam tak an lo ni ta a;

⁵tin, Aigupta mite chuan min tinawmnah a, min tirethei a, hna hautak tak min thawhtir a;

⁶tichuan LALPA kan pi leh pute pathian chu kan au a, LALPA chuan kan aw chu a lo hria a, kan retheihzia te, kan rimzia te, hnehchhiah kannihzia te chu a hria a;

⁷tin, LALPA chuan Aigupta ram ata chu kut chak tak te, ban phar te, thil hlauhawm tak te, chinchhiahna te, thil mak tein min hruai chhuak a,

⁸he hmunah hian minhruai lut a, he ram, bawnghnute leh khawizu luanna ram hi min pe a.

⁹Tin, ngai teh, aw LALPA, nangin min pek leilung rah hmasa ber theuhte kan rawn la e,' in va ti tur a ni. Tin, LALPA in Pathian hmaah chuan in hung ang a, LALPA in Pathian hmaah chibai bukin in kun ang a;

¹⁰tin, LALPA in Pathian in chhungkua te, nangni te, Levi mi te, in zinga ram dang mite thil tha a pek zawng zawng che uah chuan hlim takin in awm tur a ni.

¹¹Tin, kum thum kum, sawma pakhat pek kuma in thil hawng zawng zawng sawma pakhat in pek zawh chuan, Levi mi te, ramdang mite, pa nei lo te, hmeithaiten in awmnaah chuan an ei a, an lo khawsak ve theihna turin in pe tur a ni;

¹²tin, LALPA in Pathian hmaah, 'I thu mi pek, i thupek zawng zawng angin kan in ata thil thianghlimte chu kan dah chhuak a, Levi mi te, ram dang mi te, pa nei lo te, hmeithai te kan pe tawh a; i thupek chu a engamah kan bawhche lo a, kan theihnghilh hek lo a;

¹³kan lusun laiin chuta mi chu kan ei lo a, kan bawlhhlawh laiin kan thehthang hek lo a, mitthi pualah kan pe hek lo; LALPA kan Pathian aw chu kan ngaichang a, i thu min pek zawng zawng ang chuan kan ti a ni.

¹⁴I awmna thianglim van atang chuan rawn en la, hnutetui leh khawizu luanna ram, kan pi leh pute pek tura chhia i lo cham tawh ang khan i mi Israelte leh i leilung min pek hi malsawm ang che,' in ti tur a ni.

¹⁵Vawiinah hian LALPA in Pathian chuan he'ng dan leh rorelte hi zawm turin thu ape che u a ni; chuvangin in thinlung zawng zawng leh, in rilru zawng zawngin in pawmin in zawm tur a ni.

¹⁶vawiinah hian LALPA chu a kawngte zawh a, a dan te, a thupekte leh a rorelte zawma a awte ngaihchan tumin in Pathianah in thlang ta a;

¹⁷tin, vawiina hian a tiam che u ang khan, a thupek zawng zawngte in zawm a, ama pual bik ni tur leha lo sawi tawh anga LALPA in Pathian tan mi thianghlim in nih theihna tur leh hnam a siam zawng zawng zinga fak te, hming that te, chawimawi te hlawh turin LALPA'n a thlang che u a ni," a ti a.

¹⁸a lo sawi tawh anga LALPA in Pathian tan mi thianghlim in nih theihna tur leh hnam a siam zawng zawng zinga fak te, hming that te, chawimawi te hlawh turin LALPA'n a thlang che u a ni," a ti a.