Read Baibul, Mizo Deuteronomy 32 Bible Online

Deuteronomy 32 - Baibul, Mizo bible

Deuteronomy 32

¹Beng lo chhi ru vante u, ka hril dawn e; Ka tawngkam chhuak leilungin ngai se:

²Ruahtui angin ka thu chu a sur ang, Dai angin ka thusawi chu a far ang; Hlobet no dep chunga ruah ang leh Hnim hnah chunga ruah angin

³LALPA hming chu ka puang dawn e: Ropuina kan Pathian pe r'u.

⁴Lungpuia chu, a thiltih a fel famkim; A awm dan zawng zawng chu dan a ni: Pathian rinawm, khawlohna nei lo, Fel leh tha a ni.

⁵Tha lo takin a chungah an ti a, a fate an ni lo, an sawisel kaina a ni, Chhuan bengtlalo leh tihmawh an ni.

⁶Aw mi a leh fing lote u, Chutin maw, LALPA chu in thungrulh dawn? A hringtu che, I pa a ni lo'm ni? A siam chia, a din nghet che.

⁷Hmasang nite chu hre reng la, Chhuan tam tak kumte chu ngaihtuah teh: I pa zawt la, a kawhhmuh ang che; I upate pawh, an hrilh ang che.

⁸Chungnungberan hnamte ram a pek laia, Mihring fate a then lai khan Hnamte ramri a kham a, Israela thlahte zatin.

⁹LALPA chanvo chu a mite an ni a; Jakob-ho chu a rochan an ni.

¹⁰Thlaler ramah a chhar a, Thlaler ruak rum vung vungah; A vela awm chilhin a enkawl a, A mit naute angin a vawng:

¹¹Mupuiin a bua no a chawk tho a, A no chunga thla a zap a, A thlate a zar a, a la a, A thlaa a chawi thin angin:

¹²LALPA chauhin a hruai thin a, Ram dang pathian ni loin.

¹³Lei hmun sangah te a chuantir a. Lova thil hawng a eitir thin a; Lungpui ata khawizu a dawttir thin a, Lung chang ata hriak nen;

¹⁴Bawng hnute khal, beram hnute, Beram no thaute nen, Basan ram berampa leh kelte, Buh kal thaute nen: Grep thisen uain I in a.

¹⁵Mahse Jesurun-ho an lo thau a, an inchhek a; I lo thau a, I lo chum a, I lo maih ta a; A siamtu Pathian a hawisa ta, A chhandamna Lungpui chu a ngainep.

¹⁶Ram dang pathiantein a thikthu a chawk tho a, Thil tenawmin a chawk thinrim.

¹⁷Pathian ni lo, ramhuaite hnenah an inthawi a, An hriat ngai loh pathiante hnenah, Pathian tharte tlai khawhnua lo awm, In pi, in pute hlauh ngai loh hnenan.

¹⁸A hringtu che Lungpui I ngaisang lo, A siamtu che Pathian I theihnghilh bawk.

¹⁹Chu chu LALPA'n a hmu a, a hua, A fanu leh fapate tihthinur vangin.

²⁰Ka bikbosan ang a, Engtin nge an awm dawn tehreng,' a ti: Chhuan bengtlalo an ni, Rin kai lo fanute.

²¹Pathian ni lo thilin ka thikthu an chawk tho a; An thil lawi loin mi tithinur a; Chia sawi lohtein ka thiktir ang a, Hnam a tein ka tithinrim ang.

²²Ka thinur a alh a, Seol mawng kil lam a kang, Leilung, a thil hawng chawpin a kang zo, Tlang nghahchhante a kang.

²³An chungah chhiatna ka tiang khawm ang a, An chungah thal ka thlah ang;

²⁴Riltamin an rawp ang a, meipui leh chhiatna namen loin a kangral ang, An chungah ramsa hate ka tir ang a, Vaivuta tleng mite tur nen.

²⁵Pawn lamah khandaihin an thi ang a, Chhung lamah thlabarin, Nula tlangval, hnute hne lai, Lua kelsam tote nen lam.

²⁶An hmelmate chuan ngaisualin, 'Kan kut chu chawisanin a awm ta, Heng zawng zawng hi LALPA tih a ni tawp lo,' hmelma thinrim chuan an ti ang tih hlauthawng lo i la chuan,

²⁷'Ka tidarh vek ang a, Mihring zinga anmahni hriat rengna ka tibo teh daih ang,' ka ti mai tur.

²⁸Finna nei lo hnam an ni a, Anmahniah hriat thiamna a awm lo.

²⁹Aw, fing se la chuan he'ng hi an hre thiam ang a, An tun hnu lam thu an ngaihtuah tur!

³⁰Engtin nge pakhatin sang a um ang a, Pahnihin sing an tlan chhiattir ang,

³¹An lungpuiin a hralh a, LALPA'n a hlan a nih si loh chuan? An lungpui chu kan lungpui ang a ni si lo, Kan hmelmate ngei ngaih dan pawhin,

³²An grep hrui chu Sodom grep hrui, Gomora rama mi a ni: A grepte chu mit grep a ni, A bawrte chu a kha

³³An uainte chu drakon tur leh Rulrial tur tha tak a ni.

³⁴Chu chu ka khawl khawm Ka robawma char chiah a ni lo'm ni?

³⁵Phuba lak leh thungrulh chu keima tih tur a ni, An rahbi a tleu hunin; An chhiatna ni chu a lo hnai ta, An chunga thil lo thleng turte chu a lo thleng thuai ang.

³⁶LALPA chuan a mite ro a rel dawn a, A chhiahhlawhte pawh a tihsak ang, A thiltihtheihna a bo a, Khuahkhirh leh khirh loh tumah reng awm loa a hmuh hun chuan.

³⁷'Khawiah nge an pathian, An rin lungpui,

³⁸An inthawina thau eitu, An in tur thilhlan uain intute chu? Lo thoin rawn pui che u se la, Nangmahni humtu ni rawh se.

³⁹Kei, keimah ngei ka nih hi hria u la, Pathian dang an awm lo e; Ka tihlum thin a, ka tinung bawk thin; Ka hliam thin a, ka tidam bawk thin; Ka kut ata mi chhuhsak thei reng reng an awm lo.

⁴⁰Van lamah ka kut ka phar a, Ka nunna chhalin ka sawi e,

⁴¹Ka khandaih tle ka tahhriam a, Ka kutin rorelna a vawn chuan Ka hmelmate chungah phuba ka la ang a, Mi hawtute chu ka thungrul ang.

⁴²Ka thalte chu thisenin ka tirui ang a, Ka khandaihin tisa a lem ang; Thahte leh salte thisen nen Hmelma hotute lu atangin, ka ti,' a ti ang.

⁴³Aw, nangni hnam tin, te u, a mite nen lawm rawh u; A chhiahhlawhte thisen phuba chu a la dawn a ni; Amah dotute chungah phuba a la dawn, A ram leh a mite tan inremna famkim a siam ang."

⁴⁴Tin, mipuite benghriatah chung hla thu zawng zawng chu Mosia'n a va sawi a, amah nen Nuna fapa Hosea nen.

⁴⁵Tin, Mosia'n chungtu zawng zawng chu Israel mi zawng zawngte nena a sawi zawh chuan,

⁴⁶an hnenah, "Tuna in hnena ka thu hriattir che u ah hian in thinlung nghat u la, he'ng dan thu zawng zawngte hi fimkhur taka zawm turin in fate thu pe rawh u.

⁴⁷In tan thil engmah lo mai mai ani lo a, in nunna a ni si ; tin, he'ng thil ti hian luah tura Jordan in va kan ramah chuan in dam rei dawn a ni," a ti a.

⁴⁸Tin, chu mi ni vek chuan LALPA'n Mosia a bia a,

⁴⁹Moab rama Jeriko zawna Abarim tlangdunga Nebo tlangah chuan han chho la, Israela thlahte luah tura ka pek Kanaan ram chu han thlir rawh;

⁵⁰tichuan i unaupa Arona Hor tlanga a thi a, a chite hnena hruai ani ta ang bawk khan i lawn chhohna tlangah chuan i thi ang a, i chite hnena hruai i ni ang;

⁵¹Zin thlalera Kades-a Meriba tuia Israela thlahte zinga ka chunga in sual avang leh Israela thlahte zinga mi chawimawi loh avang khan.Ram chu i han hmu ang a; nimahsela Israela thlahte ka pek ramah chuan i lut lo vang," tiin.

⁵²Ram chu i han hmu ang a; nimahsela Israela thlahte ka pek ramah chuan i lut lo vang," tiin.