Read Baibul, Mizo Deuteronomy 34 Bible Online

Deuteronomy 34 - Baibul, Mizo bible

Deuteronomy 34

¹Tin, Mosia chu Moab phai atangin jeriko zawna Nebo tlang, Pisga tlang chhipah chuan a han chho a, Tin, LALPA'n Gilead ram zawng zawng, Dan thlengin a entir a;

²Naphtali leh Ephraim ram zawng zawng, Manase leh Judai ram zawng zawng, a thlang lam tuifinriat thleng;

³Chhim ram leh tum khawpui Jeriko Phai ruam, Zoar thlangin.

⁴Tin, LALPA'n a hnenah, "He ram hi a ni, Abrahama te, Isaaka te, Jakoba te hnena, 'I thlahte ka la pe ang,' tia chhechhama ka lo tiam kha; a hmuh zawng ka hmuhtir phawt chia, nimahsela chutah chuan i kal lo ang," a ti a.

⁵Chutichuan LALPA chhiahhlawh Mosia chu a LALPA thu angin Moab ramah chuan a thi ta a.

⁶Tin, Beth-peor zawna Moab rama ruamah a phum a; nimahsela a thlan chu tun thlengin tumahin an hre lo.

⁷Mosia chu a thih chuan kum za leh kum sawmhnih mi a ni; a mit a thim lo a, a tha pawh a thum chuang lo.

⁸Tin, Israela thlahte chuan Mosia chu Moab phaiah ni sawmthum an tah a; chutichuan Mosia suna tah nite chu a lo tawp ta a.

⁹Tin, Nuna fapa Josua chu finna thlarauin a khat a; Mosia chuan a chungah a kut a nghah avangin; tin, Israela thlahte chuan a thu an zawm a, LALPA'n Mosia thu a pek ang chuan an ti a.

¹⁰Tin, chuta chin chu Israelte zingah Mosia anga LALPA'n hmaichhan meuha a biak zawlnei reng reng an lo awm ta lo a;

¹¹chhinchhiahnate zawng zawng leh thilmal zawng zawngte, Pharaoa leh a chhiahhlawh zawng zawng hnen leh Aigupta ram zawng zawng a entir a.Kut chak tak leh hlauhawm tak tak tea Israel mi zawng zawngte mithmuha Mosia'n a tih ang ti vete.

¹²Kut chak tak leh hlauhawm tak tak tea Israel mi zawng zawngte mithmuha Mosia'n a tih ang ti vete.