Read Baibul, Mizo Deuteronomy 8 Bible Online

Deuteronomy 8 - Baibul, Mizo bible

Deuteronomy 8

¹Nung dama in awm a, in lo pun zel a, pek tur che ua in pi leh pute hnena LALPA'n chhia a chham ram chu in va luah theihna'n thupek vawiina ka pek che u hi zawm turin in fimkhur tur a ni.

²Tin, a thupekte chu in zawm dawn nge dawn lo, in rilru hriatna'n fiah tur leh tihrehawm tur che ua thlalera kum sawmli a hruaina zawng zawng che u kawng chu hre reng rawh u.

³Mihring hi chhang chauhin an nung lo a, LALPA kaa thu tin chhuakin an nung zawk a ni tih a hriattir theihna'n che u a tihrehawm che u a, in tamte a phal a, in hriat ngai loh, in pi leh pute pawhin an hriat ngai bik loh manna chuan a chawm che u a.

⁴Heng kum sawmli chhung hian in silhfente chu in sin chul lo a, in kete pawh a vung lo a.

⁵Tin, miin a fa a thunun thin angin LALPA in Pathian chuan a thunun thin che u a ni ti hi in rilruin hre ran rawh u.

⁶Tin, a kawng zawh tur leh amah chu tih turin LALPA in Pathian thupekte chu in zawm tur a ni.

⁷LALPA in Pathian chuan ruam leh tlang atanga lo chhuak lui tui te, tuikhur leh tui thuk tak awmna ram,

⁸buh te, barli te, grep te, theipi te, pawmgranet te awmna ram, hriak nei oliv leh khawizu awmna ram,

⁹chham loa chhang in ei thinna tur ram, engmah in tlakchhak lohna tur, a lung te chu thir, a tlangte chu dar laih chhuah theihna ram tha takah chuan a hruai lut dawn si che u a.

¹⁰In ei a, in tlai hle hun chuan, ram tha tak a pek che u avang chuan LALPA in Pathian chu in fak ang.

¹¹A thupek te, a rorel te, a dan te, vawiina ka pek che u hi zawm lohin LALPA in Pathian chu in theihnghilh dah rual ang e, fimkhur rawh u;

¹²chutilo chuan in ei a, in tlai a, in tha takte in sak a, in luah hun leh

¹³in ran rual te, in beram rual te a lo pun a, in tangka te, in rangkachak te a lo pun a, in thil neih zawng zawngte a lo pun hun chuan,

¹⁴in rilrute a lo chapo ang a, bawih ata Aigupta ram atanga hruai chhuaktu che u LALPA in Pathian chu in theihnghilh mai ang.

¹⁵Ani chuan thlaler zau tak leh rapthlak tak, rul chuk na mite leh khawmual kaikuangte awmna, tui awm lohna, ram rovah a hruai tlang che ua; meilung lungpui atangin tui an tihchhuahsak che u a,

¹⁶in pi leh pute hriat ngai loh manna chuan a chawm che u a, tun hnu lam thua in that theihna'n a tihrehawm che u a, a fiah theihna tur che uin,

¹⁷Tin, Heng kan sum leh paite hi keimahni chakna leh kan kutkawih a ni,' in tirilru dah ang e, fimkhur bawk rawh u.

¹⁸Tuna a ngheh anga in pi leh pute hnena chhechhama thu thlun chu a tihnghehna turin LALPA in Pathian chu hre reng rawh u, sum leh pai deh chhuah theihna petu che u chu amah chu a ni zawk a sin.

¹⁹Tin, heti hi ani ang a, LALPA in Pathian chu in teihnghilh a, pathian dangte in zui a, an rawngte in bawl a, in biak vaih chuan in boral ngei ngei ang tih vawiinah hian ka hraittir a che u.In hmaa hnam dangte a tihboral angin nangni pawh in boral ang, LALPA in Pathian aw chu ngaithla duh lo in nih dawn avangin.

²⁰In hmaa hnam dangte a tihboral angin nangni pawh in boral ang, LALPA in Pathian aw chu ngaithla duh lo in nih dawn avangin.