Read Baibul, Mizo Deuteronomy 9 Bible Online

Deuteronomy 9 - Baibul, Mizo bible

Deuteronomy 9

¹Aw Israel mi te u, ngaithla teh u, 'Anak-ho chu tuin nge chelh ang i?' an tih thin, in aia ropui leh thiltithei zawk hnam, khawpui van tawnga kulh nei leh ropui tak, mi lian tak sang pui pui, inhriat tawh sa Anaka thlahte ram chu va luah turin tunah chuan Jordan lui chu in kan dawn ta a.

²Aw Israel mi te u, ngaithla teh u, 'Anak-ho chu tuin nge chelh ang i?' an tih thin, in aia ropui leh thiltithei zawk hnam, khawpui van tawnga kulh nei leh ropui tak, mi lian tak sang pui pui, inhriat tawh sa Anaka thlahte ram chu va luah turin tunah chuan Jordan lui chu in kan dawn ta a.

³chuvangin LALPA in Pathian chu kanral hmang mei anga in hmaa kal thina chu a ni tih tunah hian hre rawh u; ani chuan anni chu a tiboral ang a, a tihtlawmsak ang che u a; tichuan LALPA'n in hnena a sawi tawh ang khan, anni chu in hawntchhuak ang a, in tiboral thuai mai ang.

⁴LALPA in Pathianin a hnawhchhuahsak hnu che u chuan, 'Kan felna avangin he ram hi in luah turin LALPA'n min hruai lut a ni,' in rilruin ti hauh suh u; he'ng hnamte hi an suala avang zawkin a ni, LALPA'n a hnawhchhuahsak dawn che u a ni.

⁵In fel avang emaw, in rulru dik avang emawin an ram chu in luah dawn lo a, he'ng hnam sual avang leh LALPA'n in pu Abrahama te, Isaaka te, Jakoba te hnena a chhechham thu tinghet turin LALPA in Pathianin anni chu ahnawchauhsak che u a ni zawk e.

⁶chuvangin he ram tha tak hi in fel avanga luah turin LALPA'n a pe che u a ni lo tih hre rawh u; hnam luhlul tak in ni si a.

⁷Thlalera LALPA thin in tihur thinziate kha hre reng u la, theihnghilh su u; Aigupta ram ata in chhuah ni atanga he mi hmun in lo thlen thleng hian LALPA chunga hel hamng in ni a.

⁸Horeb-ah pawh khan LALPA thin in tiur a, tioral hial tur che uin LALPA a thinrim a.

⁹lungphek, in hnena LALPA'n thu a thlunna lungphek la tura tlanga ka han chhoh lai khan ni sawmli leh zan sawmli tlangah chuan ka han awm a; chhang pawh ka ei lo a, tui pawh ka in hek lo.

¹⁰Tin, LALPA chuan lungphek pahnih, Pathian kutzunga zia chu mi pe a; chu miah chuan in pun khawm nia tlang chunga mei atanga LALPA'n in hnena thu a sawi zawng zawngte kha a chuang a.

¹¹Tin, ni sawmli leh zan sawmli hnuah chuan heti hi a ni a, lungphek pahnih, thuthlunna lungphek chu mi pe a.

¹²Tin, LALPA chuan ka hnenah, 'Tho la, heta ta hi chhuk thuai rawh; Aigupta ram ata i hruai chhuah, i mite chu an intihchhiat zawh tak khu; zawh tura thu ka pek kawng ata chu an peng ta pang mai a, milem chhun chawp an insiam tak mai khu,' a ti a.

¹³Tin, LALPA chuan, 'He mite hi ka en ka enin, ngai teh, hnam luhlul tak an ni;

¹⁴anmahni tiboral tur leh van huai ata an hming thai bo turin ka tih tihin ka han ti teh ang: tin, nang hi anmahni aia hnam thiltithei leh ropui zawkah ka siam teh ang che,' tiin min be bawk a.

¹⁵Chutichuan tlang ata chu ka let thla a, tlang chu a kang ta a; thuthlunna lungphek pahni chu ka kut khinghnihin ka keng a.

¹⁶Tin, ka han thlir a, ngai teh u, LALPA in Pathian chungah in lo sual ta a; bawng no lem chhun chawp in insiam a, LALPA'n thu a pek che u kawng ata chu in peng ta pang mai a.

¹⁷Tin, lungphek pahnih chu ka chawi a, ka kut khingkhin ata chu ka paih a, in mithmuhah ka tikeh a,

¹⁸Tin, hmana ka tih ang khan ni sawmli leh zan sawmli LALPA hmaah ka bawkkhup a; a thin tiur tura LALPA mithmuha in thil tihsual tak, in sualna zawng zawng avangin chhang pawh ka ei lo a, tui pah ka in hek lo.

¹⁹Nangmahni tiboral tura LALPA thinurna, a thinrimna leh lungnihlohna nasa tak chu ka hlau si a. Nimahsela chu mi tum pawh chuan LALPA'n ka thu chu mi ngaihthlaksak a.

²⁰Tin, LALPA chu Arona chu tiboral duh hial khawpin a thinur a; nimahsela Arona pawh ka tawngtaisak nghal bawk a.

²¹In sualna avanga in siam bawng no lem chu ka la a, ka hal a, ka chhu sawm a, vaivut angin ka rawt dip derh a; tin, a dip chu tlang atanga lui lo luangah chuan ka paih a.

²²Tin, Tabera-ah te, Masa-ah te, Kibrot-hatava-ahte pawh LALPA chu in tithinur a.

²³Tin, LALPA'n, 'Ram ka pek che u chu han luah rawh u,' tia Kades-barnea atanga a tirh lai che u khan LALPA in Pathian thupek chu in helsan a, amah chu in ring lo a, a aw chu in ngaithla bawk hek lo.

²⁴Ka hriat tirh che u ata LALPA chunga hel hmang mi in ni reng a.

²⁵Chutichuan LALPA'n, 'Ka tiboral dawn,' a tih che u avang khan LALPA hmaah ka bawkkhup a, ni sawmli leh zan sawmli ka bawkhuh kha.

²⁶Tin, LALPA hnena chuan ka tawngtai a,' Aw LALPA Pathian, ropuinaa i tlan, kut chak taka Aigupta ram ata i tlan chhuah, i mite leh i rochante chu tiboral suh ang che.

²⁷I chhiahhlawh Abrahama te, Isaaka te, Jakoba te chu hre reng la, he miteho hi an luhlulzia te, an suahsualzia te, an sualzia teah en suh ang che;

²⁸Chutilochuan i mihruai chhuahna rama mite chuan, LALPA'n a ram tiamah chuan a hruai theih loh avang leh a huat avangin thlalera thah turin a hruai chhuak a ni, an ti dah ang e.I thiltihtheihna ropui tak leh i ban phara i hruai chhuah, i mite leh i rochante an ni miau si a,' ka ti a.

²⁹I thiltihtheihna ropui tak leh i ban phara i hruai chhuah, i mite leh i rochante an ni miau si a,' ka ti a.