Read Baibul, Mizo Johana 11 Bible Online

Johana 11 - Baibul, Mizo bible

Johana 11

¹Tin, mi pakhat, Mari leh a laizawn Marthi awmna khua Bethani-a mi, Lazara, damlo a awm a.

²(Mari, hriak rimtui Lal hnawiha a sama a ke hrutu kha, kha mi nuta Lazara a ni, damlo chu).

³Tin, a farnuten Isua hnenah, "Lalpa, ngai teh, i hmangaih kha a dam lo e," tiin mi an tir a.

⁴Tin, Isua'n chu chu a hria a, "He na hi thihna tur a ni lo, Pathian mawina'n a ni zawk e, Pathian Fapa chu he mi avang hian a la mawina turin," a ti a.

⁵Tin, Isua'n Marthi te, a laizawn te, Lazara te a hmangaih a.

⁶Chuvangin a dam lo tih a hriatin a awmna ngaiah ni hnih a la awm ta cheu a.

⁷Tin, chu mi hnuah chuan a zirtirte hnenah, "Judai ramah i kal leh ang u," a ti a.

⁸Tin, zirtirte chuan a hnenah, "Rabbi, hman lawkah khan Judaten lunga den an tum che kha; chuti pawhin chutah chuan i kal leh bawk dawn em ni?" an ti a.

⁹Tin, Isua'n, "Chhunah darker sawm leh pahnih a awm lo em ni? Mi, chhuna a len chuan a pai ngai lo, he khawvel eng hi a hmuh avangin.

¹⁰Amaherawhchu mi, zana a len chuan a pai thin, amahah chuan eng a awm loh avangin," a ti a, a chhang a.

¹¹Chung thu chu a sawi a; tin, chu mi hnuah chuan an hnenah, "Kan thian Lazara chu a muhil ta a; a muhil kai harh turin ka kal dawn a ni," a ti a.

¹²Chutichuan zirtirte chuan a hnenah, "Lalpa, a muthilh tawh chuan a dam leh ang chu," an ti a.

¹³(Isua'n a thih thu a sawi a ni a; nimahsela anni chuan a chawlh chhunga a muthilh thu a sawi emaw an ti a).

¹⁴Chutichuan Isua'n fiah takin an hnenah a sawi a, "Lazara a thi a ni.

¹⁵Chuta ka awm lo chu ka lawmsak a che u, in rin theihna'n; nimahsela a hnenah i kal ang u," a ti a.

¹⁶Tin, Thoma, Phira an tih chuan a zirpuihote hnenah, "A thihnaa thi ve turin i kal ve ang u," a ti a.

¹⁷Chutichuan Isua'n a thlenin, ni li thlanah a lo awm tawh tih a hria a.

¹⁸Bethani khua chu Jerusalem khaw kiang a ni a, fing sawm leh fing nga laia hla a ni;

¹⁹tichuan an nuta thih chunga tithlamuang turin Judateho tam tak Marthi leh Mari hnenah an lo kal a.

²⁰Tin, Marthi chuan Isua a lo kal dawn tih a hriat veleh a hmuak a; Mari erawh chu inah a la thu reng a.

²¹Tin, Marthi chuan Isua hnenah, "Lalpa, heta awm ni la chu ka nuta a thi lo tur.

²²Tunah pawh Pathian hnena i ngen apiang Pathianin a pe ang che tih ka hria e," a ti a.

²³Isua'n a hnenah, "I nuta a tho leh ang," a ti a.

²⁴Marthi chuan a hnenah, "Ni kin nia thawhlehnaah chuan a tho leh ang tih ka hria e," a ti a.

²⁵Tin, Isua'n a hnenah, "Kei hi thawhlehna leh nunna chu ka ni; tupawh mi ring chu thi mah se la a nung reng ang;

²⁶nung apiangin mi ring chu kumkhuain an thi lo ang; chu thu chu i ring em?" a ti a.

²⁷Ani chuan a hnenah, "Ring e, Lalpa, Krista, Pathian Fapa, khawvela lo kal tura chu i ni tih ka ring e," a ti a.

²⁸Tin, chu thu chu a sawi zawh veleh a kal a, a laizawn Mari chu arukin a ko a, "Zirtirtu hetah a awm a, a ko va che," a ti a.

²⁹Tin, ani chuan chu chu a hriat veleh a tho thuai a, a hnenah a va kal a.

³⁰(Isua chu khuaah a la lut lo a, Marthiin a va hmuah laia a awmna ngaiah a la awm a).

³¹Tin, in chhunga a thlamuantu a awmpui Judate chuan Mari a tho thuai a, a chhuak an hmuh veleh, thlanah tap turin a kal dawn emaw an ti a, an zui a.

³²Tin, Mari chuan Isua awmna chu a va thleng a, a hmuh veleh a ke bulah a bawkkhup a, a hnenah, "Lalpa, heta awm ni la chu, ka nuta a thi lo tur," a ti a.

³³Tin, Isua'n Mari tap leh a rawn zuitu Judate tap chu a hmu a, a rilruin a rum a, a lungngai a,

³⁴Ani chu khawiah nge in zalh?" a ti a. Anni chuan a hnenah, "Lalpa, lo kal la, en teh," an ti a.

³⁵Isua a tap ta a.

³⁶Tin, Judate chuan, "En teh u, Lazara hi a va lo hmangaih em ve e!" an ti a.

³⁷Nimahsela thenkhat chuan, "He mi, mit del mit tivartu hian he mi pawh hi a thih lohtir thei lo em ni?" an ti a.

³⁸Tin, Isua chu a rilruin a rum leh a, thlan chu a thleng ta a. Chu thlan chu puk a ni a, a kawngkaah chuan lung pakhat a awm.

³⁹Isua'n, "Lung hi chawi sawn rawh u," a ti a. A thia farnu Marthi chuan a hnenah, "Lalpa, tunah zawng a uih tawh ang, a thihna ni li a ni tawh si a," a ti a.

⁴⁰Isua'n a hnenah, "I rin chuan Pathian ropuizia i hmu ang, ka ti lo che em ni?" a ti a.

⁴¹Chutichuan lung chu an chawi sawn a. Tin, Isua a vanvadak a, "Ka Pa, ka thu i ngaihthlak avangin i chungah ka lawm e.

⁴²Kumkhuain ka thu i ngaithla thin tih ka hre reng a ni; nimahsela mipui din vel avangin chu chu ka ti a ni, nangin mi tir tih an rin theihna'n," a ti a.

⁴³Tin, chutia a tawng zawh veleh chuan aw ring takin, "Lazar, lo chhuak rawh," a ti a, a au a.

⁴⁴Tin, mitthi chu a kut a ke thlan puana tuam chungin a lo chhuak ta a, a hmai pawh inhrukna puana tuam a ni a. Isua'n an hnenah, "Phelh u la, kaltir rawh u," a ti a.

⁴⁵Chuvang chuan Mari lenpuitu, Isua thiltih hmu Judate chuan a then tam takin Isua an ring ta a.

⁴⁶Nimahsela a then Pharisaite hnenah an v kal a, an hnenah Isua thiltihte chu an hrilh a.

⁴⁷Chutichuan puithiam lalte leh Pharisaite chuan roreltuho an ko khawm a, "Engtin nge kan tih ang? He mi hian thilmak tam tak a ti si a.

⁴⁸Hetianga kan thlahthlam chuan mi zawng zawngin amah an ring ang a, tin, Roma mite an lo kal ang a, kan hmuh leh kan chite hi min laksak ang," an ti a.

⁴⁹Tin, an zinga mi pakhat Kaiapha, chu mi kuma Puithiam Lalber chuan an hnenah, "Nangni'n engmah in hre hauh lo,

⁵⁰kan chi zawng zawng boral lohna turin mi zawng zawng aia mi pakhat thih, in tan a tha tih in ngaihtuah bawk lo," a ti a.

⁵¹(Chu thu chu ama phuahchawpin a sawi lo, chu mi kum chuan Puithiam Lalber a ni a, an chite aia Isua a thih tur thu a sawi lawk a ni zawk e.

⁵²Chu mi chite ai chauh chuan a ni lo, Pathian fa khawvela darhte zawng zawng pawl khata a hruai khawmna tur pawhin a ni bawk).

⁵³Chutichuan chu mi ni achin chu, amah tihlum turin an inrawn thin a.

⁵⁴Chuvangin Isua chu Judate zingah alangin a leng leh ta lo a, chuta tangin thlaler dep lama khaw pakhat Ephraim an tihah chuan a va kal ta zawk a; chutah chuan zirtirte nen chuan an awm ta reng a.

⁵⁵Tin, Judate Kalhlen Kut chu a hnai tawh a, mi tam tak inthian turin, ram ata, Kalhlen Kut hmain, Jerusalem khuaah an han kal a.

⁵⁶Chutichuan Isua an zawng a, Pathian biak inah ding chungin an inbia a, "eng nge in rin? Kutnaah a lo kal lo ang maw?" an inti a.Puithiam lalte leh Pharisaite'n amah chu an man theihna'n tupawhin a awmna an hriat chuan puan tur a ni tih thu an pe tawh si a.

⁵⁷Puithiam lalte leh Pharisaite'n amah chu an man theihna'n tupawhin a awmna an hriat chuan puan tur a ni tih thu an pe tawh si a.