Read Baibul, Mizo Johana 12 Bible Online

Johana 12 - Baibul, Mizo bible

Johana 12

¹Tin, Kalhlen Kutna tur ni ruk a la awmin, Isua'n mitthi zing ata a kaihthawh Lazara awmna Bethani khua kha a lo thleng a.

²Tin, chutah chuan amah atan zan ruai an theh a; Marthiin rawng a bawl a, Lazara erawh chu a chawhlui kilpuitu pakhat a ni a.

³Tin, Marin buk zatve spiknard hriak rimtui to tak a rawn keng a, Isua kete a chulh a, a samin a kete chu a hru a; tichuan chu hriak rim chuan in chu a khat ta rum rum a.

⁴Nimahsela Iskariot Juda, a zirtir pakhat, a mantirtu tur chuan,

⁵He hriak rimtui hi engati nge duli zathuma hralhin mi retheite hnena an pek zawk loh?" a ti a.

⁶(Mi retheite a ngaihsak vanga chu thu chu sawi a ni lo; rukru a ni a, tangka ip a kawl a, a chhunga dah chu a lak thin vang zawk a ni).

⁷Tin, Isua'n, "Mi phum ni atan khek rawh se.

⁸Mi retheite chu kumkhuain in hnena awm an ni alawm; kei erawh chu kumkhuaa in hnena awm tur ka ni lo," a ti a.

⁹Tin, Isua chutah chuan a awm tih Juda hnamchawmten an lo hre ta a; tin, an lo kal a, Isua chauh rawn kal chhan an ni lo a, mitthi zing ata a kaihthawh Lazara pawh kha hmuh duh fawmin an ni bawk.

¹⁰Tin, puithiam lalte chu Lazara pawh tihlum turin an inrawn a;

¹¹amah avanga Judate tam takin an pakaisan a, Isua an rin thin avangin.

¹²A tukah chuan kutnaa lo kal mipui tam takin,Isua Jerusalem khuaah a lo kal dawn tih an hriatin,

¹³tum kaute an keng a, a hmuak turin an va chhuak a, "Hosana, Lalpa hminga Israel Lal lo kal chu fakin awm rawh se," tiin an au a.

¹⁴Tin, Isua'n sabengtung no a hmu a, a chungah a chuang a;

¹⁵Hlau suh, Zion fanu; en teh, i Lal chu, sabengtung no chunga chuangin, a lo kal dawn e," tih ziak ang khan.

¹⁶Chung chu atirin a zirtirten an hre lo a; nimahsela Isua chawimawia a awm hnuah chuan a chanchinah chung thu chu ziak a ni tih leh, a chungah chung thil chu an lo ti nge tih an lo hre ta a.

¹⁷Tin, Lazara, thlan ata a koh chhuah a, mitthi zing ata a kaihthawh laia a hnena mipui awmte khan, a thu chu an hriattir ta zel a.

¹⁸Chu mi avang chuan a ni, mipuite pawh chuan amah chu an va hmuah ni, chu thilmak chu a ti tih an hre si a.

¹⁹Chutichuan Pharisaite chuan, "Hre rawh u, engmah in tih theih loh hi; en rawh u, khawvelin amah an zui tak hi," an ti a.

²⁰Tin, kutnaa Pathian chibai buk tura han kalte zingah Grik tute emaw an awm a;

²¹tin, chungte chu Galili rama Bethsaida khuaa mi Philipa hnenah chuan an lo kal a, a hnenah, "Ka pu, Isua hmuh kan duh e," an ti a, an ngen a.

²²Philipa chuan Andria a rawn hrilh a; tin, Andria leh Philipa chuan Isua an rawn hrilh a.

²³Tin, Isua'n a chhang a, an hnenah, "Mihring Fapa chawimawia a awm hun chu a thleng tawh.

²⁴Tih tak meuhin, tih tak meuhin ka hrilh a che u, buh fang leia a tlak loh a, a thih loh chuan a mal chauhin a awm reng thin; a thih erawh chuan tam takin a rah thin.

²⁵Tupawh a nun thlahlel chuan a hloh thin; tupawh he khawvelah hian a nun ngaitlawm chuan chatuana nunna tur a vawng reng ang.

²⁶Tupawhin ka rawng a bawl chuan mi zui rawh se; ka awmnaah ka rawngbawltu pawh a awm ang: tupawhin ka rawng a bawl chuan ani chu Pain a chawimawi ang.

²⁷Tunah ka rilru a mangang e; eng nge ka sawi ang aw? 'Ka Pa, he mi hun lakah hian mi chhandam rawh,' ka ti ang em ni? Engpawh ni se la, he mi tur hi, he mi hun thleng hianka awm chhan a ni.

²⁸Ka Pa, i hming chawimawi rawh," a ti a. Chutichuan van atangin aw a lo chhuak a, "Ka chawimawi tawh, ka chawimawi leh bawk ang," a ti a.

²⁹Tin, mipui a kianga dingte chuan chu chu an hria a, "Khawpui a ri a ni," an ti a; mi dangten, "Vantirhkohin amah a bia a ni," an ti a.

³⁰Isua'n a chhang a, "chu aw chu ka tana lo chhuak a ni lo, nangmahni tan a ni zawk e.

³¹Tunah he khawvel hi ngaihtuah lai a ni; tunah he khawvel lal hi paih chhuah a ni ang.

³²Tin, kei, lei ata khaikanin ka awm chuan mi zawng zawng keima hnenah ka hip ang," a ti a.

³³Chu thu chu a thihzia tur hriattirna'n a sawi a ni.

³⁴Tin, mipui chuan a hnenah, "Krista chu chatuanin a awm reng dawn tih Dan Lehkhabuah kan hria e; nangin, 'Mihring Fapa khaikanin a awm tur a ni,' eng ti tiha ti nge i nih? Chu Mihring Fapa chu tu nge ni?" an ti a, an chhang a.

³⁵Tin, Isua'n an hnenah, "Eng hi rei lo te in zingah a la awm rih e. Eng in neih chhung hian leng rawh u, thimin ana'n lohna'n che u; tupawh thima leng chuan a kalna chin a hre thin lo.

³⁶Eng in neih chhung hian eng hi ring rawh u, eng fate in lo nih theihna'n," a ti a. Chung thu chu Isua'n a sawi a; tin, a kal a, an hmuh loh turin a biru ta a.

³⁷An hmaah chutiang thilmak tam tak ti mah se la, amah an ring si lo:

³⁸'Lalpa kan thusawi tuin nge ring? Lal kut pawh tu hnenah nge a lan?' tih, Zawlnei Isaia thusawi kha a thlenna'n.

³⁹He mi avang hian a ni an rin theih loh, Isaian,

⁴⁰'Aman an mit a tidel a, an thinlung a tia a; chutilochuan an mitin an hmu dah ang a, an thinlungin an hre dah ang a, tin, an hawi kir leh dah ang a, keiin anni ka tidam dah ang e, tih, a sawi leh avang hian.

⁴¹Isaian a ropuizia a hmuh leh a chanchin thu a sawi avangin chung thu chu a sawi a ni.

⁴²Nimahsela hotute a then tam takin Isua an ring ta a; amaherawhchu Pharisaite avangin an inpuang lo, chutilochuan inkhawmna in hnawngin an awm ang;

⁴³Pathian hnena ropuina ai chuan mihring hnena ropuina an duh zawk si a.

⁴⁴Tin, Isua a au a, "Tupawh mi ring chu kei mi ring a ni lo, mi tirtu ring a ni zawk e.

⁴⁵Tupawh mi hmu chu mi tirtu hmu a ni.

⁴⁶Entua khawvela lo kal ka nih hi, tupawh mi ring apiang thima an awm reng lohna'n.

⁴⁷Tupawh ka thusawi hriain, awih lo mah se la, keiin thiam loh ka chantir lo: khawvel thiam loh chantir tura lo kal ka ni lo a, khawvel chhanhim tura lo kal ka ni zawk si a.

⁴⁸Tupawh mi duh lo a, ka thusawite vawng lo chuan thiam loh chantirtu pakhat a nei a ni, ka thusawi kha, kha mi thu ngei khan, ni kin niah chuan amah chu thiam loh a la chantir ang.

⁴⁹Keimaha phuahchawpin ka sawi si lo; Pa mi tirtu chuan ka sawi tur leh ka hrilh tur hi thu mi pe zawk a ni.Ama thupek chu chatuana nunna a ni tih ka hria; chuvang chuan thu ka sawi hi, Pa mi hrilh ang zelin ka sawi a ni," a ti a.

⁵⁰Ama thupek chu chatuana nunna a ni tih ka hria; chuvang chuan thu ka sawi hi, Pa mi hrilh ang zelin ka sawi a ni," a ti a.