Read Baibul, Mizo Johana 14 Bible Online

Johana 14 - Baibul, Mizo bible

Johana 14

¹In thinlung mangang suh se; Pathian in ring e, kei pawh mi ring ve rawh u.

²Ka Pa inah awmna tam tak a awm a, a awm loh chuan ka hrilh tawh tur che u a ni; intan hmun siaminka kal dawn hi.

³Tin, in tanhmunka han siam chuan ka lo kir leh ang a, ka hnenah ka la ang che u; ka awmnaah nangni pawh in awm theihna'n.

⁴Ka kalna tur a kawng chin in hria e," a ti a.

⁵Thoman a hnenah, "Lalpa, i kalna tur chin kan hre lo a sin, a kawng engtin nge kan hriat ang?" a ti a.

⁶Isua'n a hnenah, "Keimah hi kawng leh thutak leh nunna ka ni; keimaha kal lo chu tumah Pa hnenah an thleng ngai lo.

⁷Kei mi hria ni u la, ka Pa pawh in hre tawh tur; tun achinah amah in hria e, amah in hmu tawh bawk," a ti a.

⁸Philipan a hnenah, "Lalpa, Pa chu keini min hmuhtir ta che, chutichuan kan tan a tawk ang," a ti a.

⁹Isua'n a hnenah, "Philip, hei leh chen hi in hnenah ka awm a, chuti pawhin mi hre lo maw? Tupawh mi hmu chu Pa hmu a ni. 'Pa chu keini min hmuhtir rawh,' eng ti tiha i ti nge ni?

¹⁰Kei Paa ka awm leh Pa keimahah a awm tih i awih lo em ni? In hnena thu ka sawi hi keima phuahchawpin ka sawi lo; Pa keimahah a awm reng a, a thil a ti zawk thin a ni.

¹¹Kei Paa ka awm leh Pa keimahah a awm tih mi ring rawh u; a nih loh leh, thiltih avang tal hian mi ring rawh u.

¹²Tih tak meuhin, tih tak meuhin ka hrilh a che u, tupawh mi ring chuan thil ka tihte hi ani pawhin a ti ve ang; he'ng aia thil ropui pawh hi a la ti ang, Pa hnenah ka kal dawn avangin.

¹³Tin, ka hmingin engpawh in dil apiang chu ka ti zel ang, Pa, Fapa avanga chawimawia a awm theihna'n.

¹⁴Nangni'n ka hmingin engpawh mi dil chuan chu chu ka ti zel ang.

¹⁵Nangni'n mi hmangaih chuan ka thupekte chu in zawm ang.

¹⁶Tin, Pa ka dil ang a, ani chuan Thlamuantu dang a pe ang che u, chatuana in hnena awm turin;

¹⁷chu chu Thlarau dik tak a ni; khawvelin chu mi chu an nei thei lo, amah an hmuh loha an hriat hek loh avangin; nangni'n ani chu in hria e, in hnenah a awm reng si a, nangmahniah chuan a awm dawn a ni.

¹⁸Fahrahin ka kalsan lo ang che u; in hnenah ka lo kal leh ang.

¹⁹Rei lo deuh chinah khawvelin mi hmu leh tawh lo ang; nimahsela nangni zawngin mi hmu ang; keimah ka nun avangin nangni pawh in nung ve ang.

²⁰Chu mi niah chuan kei ka Paa ka awmte, nangni keimaha in awm te, kei nangmahnia ka awmte in hria ang.

²¹Tupawh ka thupekte neia zawm chu mi hmangaihtu a ni; tupawh mi hmangaih chu ka Pain a hmangaih ang, kei pawhin ani chu ka hmangaih ang a, a hnenah ka inlar ang," a ti a.

²²Tin, Juda (Iskariota lo zawk) chuan a hnenah, "Lalpa, keini hnenah i inlar ang a, khawvel hnena i inlar si lo tur chu, engati nge?" a ti a.

²³Isua'n a chhang a, a hnenah, "Miin mi hmangaih chuan ka thu a zawm ang a; ka Pain ani chu a hmangaih ang a, a hnenah kan lo kal ang a, a hnenah kan awm reng ang.

²⁴Tupawh mi hmangaih lo chuan ka thu a zawm lo; thu inhriatte hi ka ta a ni lo, Pa mi tirtu ta a ni zawk e.

²⁵In hnena ka la awm chhung hian he'ng thu hi ka hrilh che u hi.

²⁶Tin, Thlamuantu, Thlarau Thianghlim, Pain ka hminga a rawn tirh tur khan, chu mi chuan engkim a zirtir ang che u a, inhnena ka sawi zawng zawng a hriat chhuahtir leh ang che u.

²⁷Thlamuanna ka hnutchhiah a che u; keima thlamuanna ka pe a che u; khawvelin a pek angin ka pek loh che u hi. In thinlung mangang suh se, hlauh pawh hlau suh se.

²⁸'Ka kal bo dawn a, in hnenah ka lo kal leh ang,' ka tihzia che u kha in hre tawh e. Nangni'n mi hmangaih ni u lang Pa hnena ka kal dawn avangin in lawm tur a ni; pa chu keimah aiin a ropui zawk si a.

²⁹Tunah a lo thlen hma hianka hrilh tawh che u hi, a lo thlen huna in rinna'n.

³⁰In hnenah thu ka sawi leh tawh mang lo ang, khawvel lal a lo kal dawn si a, ani chuan keimahah engmah reng a nei lo;nimahsela keiin Pa ka hmangaih leh, Pain thu mi pek ang zelin thil ka ti tih khawvelin an hriatna tur a nih hi. Tho rawh u, heta ta i chhuak ang u.

³¹nimahsela keiin Pa ka hmangaih leh, Pain thu mi pek ang zelin thil ka ti tih khawvelin an hriatna tur a nih hi. Tho rawh u, heta ta i chhuak ang u.