Read Baibul, Mizo Johana 3 Bible Online

Johana 3 - Baibul, Mizo bible

Johana 3

¹Tin, Pharisaite zinga mi, a hming Nikodema, Judate hotu pakhat a awm:

²chu mi chu zanah Isua hnenah a lo kal a, a hnenah, "Rabbi, Pathian hnen ata zirtirtua lo kal i ni tih ka hria; Pathian an chunga a awm loh chuan he'ng thilmak i tih ang hi tuma'n an ti thei lo ang," a ti a.

³Tin, Isua'n a chhang a, a hnenah, "Tih tak meuhin, tih tak meuhin ka hrilh a che, mi tupawh an pian thar loh chuan Pathian ram an hmu thei lo ang," a ti a.

⁴Nikodeman a hnenah, "Mi, a tar hnuin engtin nge a pian theih ang? A nu pumah vawi hnih lutin a piang thei em ni?" a ti a.

⁵Isua'n a chhang a, "Tih tak meuhin, tih tak meuhin ka hrilh a che, mi tupawh tuiah leh thlarauva an pian loh chuan Pathian ramah an lut thei lo ang.

⁶Tisaa piang apiang tisa a ni; Thlarauva piang apiang thlarau a ni.

⁷I pian thar tur ka tih che hi mak ti suh.

⁸Thli khawiah pawh a duh duhin a tleh thin, a ri i hria e, nimahsela khawi atanga lo kal nge, khawiah nge a kal dawn tih pawh i hre si lo; tupawh Thlarauva piang chu chutiangin an awm," a ti a.

⁹Tin, Nikodeman a chhang a, a hnenah, "Chung thil chu engtin nge a awm theih ang?" a ti a.

¹⁰Isua'n a chhang a, a hnenah, "Israelte zirtirtu i ni si a, chung chu i hre lo maw?

¹¹Tih tak meuhin, tih tak meuhin ka hrilh a che, keinin kan hriat chu kan sawi thin, kan hmuh chu kan hriattir thin; nimahsela kan thu hriattir in awih si thin lo.

¹²Khawvela thil ka hrilh che u mah awih lo che u a, vana thil hrilh che u i la engtin nge in awih ang?

¹³Vanah tumah an lawn ngai lo, van atanga lo chhuka chauh lo hi chu, Mihring Fapa vana awm hi.

¹⁴Tin, Mosia'n thlalerah rul a khaikan ang khan, Mihring Fapa hi khaikanin a awm bawk tur a ni;

¹⁵tupawh a ring apiangin amah avanga chatuana nunna an neihna turin.

¹⁶Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh a, chatuana nunna an neih zawkna'n.

¹⁷Khawvel thiam loh chantir turin Pathianin a Fa khawvelah a tir lo, khawvel amah avanga an dam theihna turin a tir a ni zawk e.

¹⁸Tupawh amah ring chu thiam lohin an awm lo ang, tupawh ring lo chu tun apangin thiam lohin an awm, Pathian Fapa mal neih hming an rin loh avangin.

¹⁹Hei hi thiam lohna a ni, eng khawvelah a lo kal a, nimahsela miten eng aiin thim an duh zawk, an thiltihte a sual avangin.

²⁰Tupawh thil tisual apiangin eng an haw thin, engah pawh an lo kal lo, chutilochuan an thiltihte a lang ang.

²¹Amaherawhchu tupawh tidik apiang an thiltihte Pathian avanga ti an ni tih a lan nan, engah an lo kal thin," a ti a.

²²Chung hnuah chuan Isua a zirtirte nen Judai ramah an kal a, chutah chuan Isua an hnenah a awm reng a, a baptis thin a,

²³Johana pawhin Ainon-ah, Salim khaw kiangah a baptis bawk a, chutah chuan tui a tam avangin; tin, mi an lo kal a, baptisma an chang hlawm a.

²⁴Chutih lai chuan Johana tan inah an la khung si lo a.

²⁵Tin, Johana zirtirte leh Juda pakhat, silfai thu-ah an lo inhnial a.

²⁶Tin, Johana hnenah an lo kal a, a hnenah, "Rabbi, Jordan rala i hnena awm, a thu mi i hriattir khan ngai teh, kha mi khan mi a baptis a, mi zawng zawng a hnenah an lo kal a ni," an ti a.

²⁷Johanan a chhang a, "Mihringin engmah an nei thei lo, vana mi pek a nih loh chuan.

²⁸'Kei, Krista ka ni lo e, a hmaa mi tirh ka ni,' ka tih kha, nangni ngei mi hriatpuitu in ni.

²⁹Mo neitu chu a pasal chu a ni; nimahsela moneitu thian, a thu lo ngaichang rengtu chuan moneitu aw a hriat chuan a lawm em em thin; hei ka lawmna a thleng ta a nih hi.

³⁰Ani chu tlatlum tur a ni, kei erawh chu lang tur ka ni.

³¹Chung lam atanga lo kal chu mi zawng zawng aia chungnung ber a ni; leia piang chu leia mi a ni a, lei thu a sawi thin, van atanga lo kal chu mi zawng zawng aia chungnung ber a ni.

³²A hmuh leh ahriat apiang a hriattir thin a ni; tuma'n a thu hriattir an awih lo.

³³A thu hriattir awih chuanin, 'Pathian chu mi dik tak a ni,' tiin a hming nemin a ziak.

³⁴Pathian tirh chuanin Pathian thu a sawi thin; ani chuan teh kherin Thlarau a pe si lo.

³⁵Pain Fa a hmangaih a, a kutah engkim azain a pe tawh.Tupawh Fa ring apiangin chatuan nunna an nei tawh; nimahsela tupawh Fa thu awih lo apiangin nunna an nei lo ang a, Pathian thinur an chungah a awm reng zawk a ni," a ti a.

³⁶Tupawh Fa ring apiangin chatuan nunna an nei tawh; nimahsela tupawh Fa thu awih lo apiangin nunna an nei lo ang a, Pathian thinur an chungah a awm reng zawk a ni," a ti a.