Read Baibul, Mizo Tirhkohte 11 Bible Online

Tirhkohte 11 - Baibul, Mizo bible

Tirhkohte 11

¹Tin, Judai rama tirhkoh leh unau awmte chuan Jentailte pawhin Pathian thu an zawm tih an hre ta a.

²Tichuan, Petera chu Jerusalem khua a thlen chhoh veleh Serhtanhoten a hnenah,

³Serhtanlote inah i lut a, an hnenah i ei vei a," an ti a, an kalh a.

⁴Nimahsela Petera chuan a bul atangin indawt ziahin an hnenah a hrilhfiah a:

⁵Joppa khuaah tawngtaiin ka awm a; tin, engloin mi zel a, mumang angin englo bawm, puan lian tak ang, a kil lia hlina van ata uai thla ka hmu a; ka kiangah ngei mi rawn hnaih a;

⁶tin, chu chu ka en reng a, ka ngaihtuah a, leia mi fuliafate, ram sate, rannungte leh chungleng savate ka hmu a.

⁷Tin, awin, 'Peter, tho rawh; talh la, ei rawh' mi tiin ka hre bawk a.

⁸Nimahsela keiin, 'Lalpa, ni lo e; thiang lo leh bawlhhlawh engmah reng ka kaah a lut ngai lo,' ka ti a.

⁹Nimahsela van ata aw chuan a vawi hnihnaah, 'Pathianin a tihthianghlim tawh chu nangin thiang lo ti suh,' tiin mi chhang a.

¹⁰Chutiang hlirin vawi thum a lo awm a; tin, engkim chu vanah khai chhohin a awm leh ta a.

¹¹Tin, ngai teh u, mi pathum Kaisari khua ata ka hnenah an rawn tir a, kan awmna kawtah chuan an lo ding reng tawh a.

¹²Tin, Thlarauin tumah thlei bik loa anmahni zui turin mi tir a. Heng unau paruk pawh hian mi zui ve a, mi inah chuan kan lut a;

¹³tin, ani chuan kan hnenah, a ina vantirhkoh ding a hmuhzia leh, vantirhkoh chuan a hnena, 'Joppa khuaah mi tir la, Simona, Petera an tiha chu han hruaitir rawh;

¹⁴ani chuan thu a hrilh ang chia, chu mi thuin nang leh i chhungte chu chhandamin in awm ang,' a tihzia pawh min hrilh a.

¹⁵Tin, thu ka sawi tirhin, Thlarau Thianghlim kan chunga a lo thlen tirh lai ang bawk khan an chungah a lo thleng ta a.

¹⁶Tin, Lalpa thu, 'Johanan tuiin mi a baptis thin kha; amaherawhchu nangni zawng Thlarau Thianghlimin baptisma in la chang ang,' a tihziate kha ka lo hre chhuak leh ta a.

¹⁷Chutichuan, Lalpa Isua Krista an rin veleh, Pathianin thilthlawnpek min pek ang kha an hnena a pek ve ahnuin kei tehlul hi Pathian hnial rual em ka nih?" a ti a.

¹⁸Chung thu chu an hriatin an ngawi ta a, "Chuti a nih chuan Pathianin Jentailte pawh nung atan sim a phal ta a nih tak chu," tiin Pathian an fak ta a.

¹⁹Tin, Stephana avanga an tihduhdaha darhte kha, Phoiniki ram te, Kupra thliarkar te, Antiokei khua te thlengin an kal a, Judate hnenah chauh lo chuan tu hnenah mah thu chu an hril lo zel a.

²⁰Nimahsela an zinga a then chu Kupra thliarkar leh Kurini khuaa mite an ni a, chu mite chuan Antiokei khua chu an thlenin Grikte hnenah pawh thu an sawi a, Lalpa Isua Chanchin tha chu an hrilh ve ta a.

²¹Tin, Lalpa kutin anmahni a tanpui a; mi tam takin an ring a, Lalpa lam chu an hawi ta hlawm a.

²²Tin, an chanchin thu chu Jerusalem khuaa kohhran awmte bengah chuan a lo lut ta a: chutichuan Antiokei khaw thleng chuan Barnaba chu a tir chhuak ta a.

²³Tin, ani chu a va thleng a, Pathian khawngaihzia chu a hmuh chuan a lawm hle a, thahnemngai taka Lalpa vuan reng turin an zain a fuih ta a.

²⁴Barnaba chu mi tha tak a ni a, Thlarau Thianghlim leh rinnaa khat a ni. Tin, mi tam takin Lalpa hnenah an tel belhchhah ta a.

²⁵Tin, Barnaba chu Saula zawng turin Tarsa khuaah a kal a;

²⁶tin, a hmuh chuan Antiokei khuaah chuan a rawn hruai a. Tin, kum khat zet kohhrante inkhawmnaah chuan an tel ve thin a, mi tam tak an zirtir bawk thin a. Antiokei khuaah chuan a ni, zirtirteho chu "Kristian" an tih hmasak ber ni.

²⁷Tin, chung lai chuan zawlnei tute emaw Jerusalem khua atangin Antiokei khuaah chuan an zuk kal a.

²⁸Tin, an zinga mi pakhat, a hming Agaba, a ding a, khawvel zawng zawngah tam nasa tak a tla dawn tih Thlarau hrilhin a hriattir a; chu tam chu Klaudia lal laiin a lo thleng ta a.

²⁹Tichuan zirtirteho chuan an theih tawk theuhin, Judai rama unau awmte hnenah chuan chhawmdawlna tur thawn a tum a;chu chu an ti ta ngei a, Barnaba leh Saula kutah chuan upate hnenah an thawn ta a.

³⁰chu chu an ti ta ngei a, Barnaba leh Saula kutah chuan upate hnenah an thawn ta a.