Read Baibul, Mizo Tirhkohte 14 Bible Online

Tirhkohte 14 - Baibul, Mizo bible

Tirhkohte 14

¹Tin, Ikonion khuaah chuan Judate inkhawmna inah an lut dun a, thu an sawi thin a, chutichuan Juda leh Grik tam tak pawhin an ring ta hial a.

²Nimahsela ring duh lo Judaten Jentailte an fuih pawrh a, unaute chu an huattir a.

³Chuvangin Lalpaah huai taka thu sawiin chutah chuan rei fe an awm a, ani chuan chhinchhiahna leh thilmakte an kuta tihtirin, a khawngaih thu a hriattir thin a.

⁴Nimahsela khuaa mipuite chu an inkhing ta a; a thenin judate chu an tan a, a thenin tirhkohte chu an tan a.

⁵Tin, Jentailte, Judate, an hotute nen chuan tirhkohte chu zahthlak taka siam leh lunga den tuma an beih dawn lain,

⁶anni chuan an lo hria a, Lukaoni ram vekah chuan Lustra leh Derbe khuaahte leh a vel ramahte an tlan bo a;

⁷chungah chuan Chanchin Tha an hril zel a.

⁸Tin, Lustra khuaah chuan ke zeng tu emaw a thu thin a, a pian tirh ata kebai reng a ni a, kein a kal ngai lo a.

⁹Chu mi chuan Paula thusawi a ngaithla a; tin, Paula chuan ani chu a en reng a, damna turin rin a nei tih a hria a,

¹⁰aw ring takin, "I kein ding ngil rawh," a ti a. Tin, ani chu a zuang tho a, kein a kal ta a.

¹¹Tin, mipuiten Paula thiltih chu an hmuh veleh Lukaoni tawngin, ring takin, "Pathiante chu mihring angin kan hnenah an lo chhuk ta a nih hi!" an ti a.

¹²Tin, Barnaba chu 'Jupita' an ti a, Paula chu thusawitu zawk a nih avangin, 'Merkuria' an ti a.

¹³Tin, Jupita, a biak in daipawna awm chu, a puithiamin sebawngpate leh pangpar thihruite, kawngkhar kiangahte a rawn la a, mipuite nen chuan biakna'n talh an tum ta a.

¹⁴Nimahsela tirhkoh Barnaba leh Paula chuan chu chu an hriat veleh an puan an pawt thler a, mipui zingah chuan an zuang lut a, an au a,

¹⁵Pute u, he'ng thil hi engah nge in tih? Keini pawh in nungchang ang pu mihring kan nih hi; he'ng thil lawilote hi in hawisan a, van te, lei te, tuifinriat te, an chhunga awm zawng zawng nena siamtu Pathian nung hnenah chuan in lo pakaina turin Chanchin Tha kan rawn thlen che u a nih hi.

¹⁶Chu Pathian chuanhman laiin hnam tin mahni kawng theuh zawh a phal thin a,

¹⁷nimahsela amah hriattirna awm loin a insiam lo, chutin thil a ti tha thin a, van ata ruahte leh kum that kumte a pe che u a, in rilru ei tur leh lawmnain a tikhah thin che u kha," an ti a.

¹⁸Tin, chung thu chuan mipuiten anmahni biakna'na ran an talh tur chu an khap zo ta hram hram a.

¹⁹Nimahsela Antiokei leh Ikonion khuaa mi Juda tute emaw chutah chuan an lo kal a, mipuite chu an thlem thlu ta a; tichuan Paula chu lungin an deng a, thia an rin avangin khua ata chu an hnuk chhuak ta a.

²⁰Nimahsela zirtirhote chu a vela an din laiin, a lo tho a, khuaah chuan a lut leh ta a.Tin,atukah chuan Barnaba nen Derbe khuaah an kal ta a.

²¹Tin, chu mi khuate hnenah chuan Chanchin Tha an hrilh a, zirtir tam tak an siamhnuin Lustra khuaah te, Ikonion khuaah te, Antiokei khuaah te an kir leh zel a,

²²Hrehawm tam tak tuarin Pathian ramah kan lut tur a ni reng a ni," tiin zirtirhote rilru an tinghet a, rinnaah chuan awm reng turin an fuih zel a.

²³Tin, kohhran pawl tinah chuan upate an ruatsak a, chaw nghei chunga tawngtai zawhin an rin Lalpa hnenah chuan an kawltir zel thin a.

²⁴Tin, Pisidia ram chu an fang chhuak a, Pamphulia ram chu an thleng a.

²⁵Tin, Perga khuaa thu an hril zawhin Attalia khuaah an zuk kal a;

²⁶chuta tang chuan lawngin an chhuak a, Antiokei khua chu an lo thleng leh ta a, chu chu an thil tih zawh tak chu ti tura unauten Pathian khawngaihna kawltira an chhuahna kha a ni.

²⁷Tin, an thlen hnuin kohhranhote chu an ko khawm a, Pathianin anmahni hmanga thil a tih zawng zawngte leh, Jentailte tana rinna kawngkhar a hawnsakziate chu an hrilh a.Tin, zirtirhote hnenah chuan reife an awm ta a.

²⁸Tin, zirtirhote hnenah chuan reife an awm ta a.