Read Baibul, Mizo Tirhkohte 16 Bible Online

Tirhkohte 16 - Baibul, Mizo bible

Tirhkohte 16

¹Tin, Derbe khuaah leh Lustra khuaah chuan a kal bawk a; tin, chutah chuan a hming Timothea zirtir pakhat a awm; ani chu ring ve Juda hmeichhe fapa a ni a, a pa erawh chu Grik a ni;

²Lustra leh Ikonion khuaa unau awmte chuan ani chu an fak thin a.

³Paulan ani chu an hnena kal veah a duh a; tichuan chu mi lama Juda awmte avang chuan a serh a tansak a, a pa chu Grik a ni tih an hre vek si a.

⁴Tin, khaw tinah an kal pahin Jerusalem khuaa tirhkoh leh upa awmte thu rel kha zawm atan unaute hnenah an pe zel a.

⁵Chutichuan kohhran pawlte chu rinnaah chuan an nghet ta a, ni tin an pung ta deuh deuh a.

⁶Tin, Thlarau Thianghlimin Asia rama thu hril a khap avangin Phrugia leh Galatia ram chu an fang chhuak ta a;

⁷tin, Musia ram kiang an thlenin Bethunia rama luh an tum a, nimahsela Isua thlarauin a phal si lo a.

⁸Chutichuan Musia ram chu an pel a, Troas khuaah an chhuk ta a.

⁹Tin, zanah Paulan mumang angin Makedonia rama mi mi pakhat dingin," Makedonia ramah lo kai la, min pui rawh," tia ngen chiamin a hmu a.

¹⁰Tin, chu mang chu a man zawh veleh Makedonia ramah chuan kal kan tum ta nghal a, an hnena Chanchin Tha hrilah Pathianin min ko tih kan hria a.

¹¹Tin, Troas khua ata lawngin kan chhuak a, tluang takin Samathraki khuaah kan kal a, atukah chuan Neapoli khuaah kan kal leh a;

¹²tin, chuta tang chuan Philippi khuaah kan kal a, chu mi khua chu Makedonia rama khaw pakhat a ni a, chu mi bialah chuan khaw pawimawh ber a ni a, Rom khuaa mi pemte khua a ni. Chu mi khuaah chuan ni tam deuh kan cham a.

¹³Tin, Chawlhniin kulh kawngkhar pawn lamah lui kamah tawngtaina hmun nia kanrinah chuankan kal a; tin, kan thu a, hmeichhe lo kal khawmhote hnenah chuan thu kan sawi a.

¹⁴Tin, a hming Ludi, puan sen duk zuartu, Thuatira khua a mi, Pathian betu hmeichhe pakhatin kan thu a hria a, tin, Paula thusawi zawm turin Lalpa chuan a thinlung a tivar ta a.

¹⁵Tin, amah leh a chhungten baptisma an chan zawhin, "Lalpa ring tak zeta mi ruat chuan ka inah lo thleng rawh u," tiin min ngen chiam a, min chelh ta a.

¹⁶Tin, tawngtaina hmunah chuan kan kal laiin, nula tu emaw ramhuai aienthiam zawlin min tawk a, ani chuan a ai en avangin a pute chu sum tam tak a hmuhtir thin a.

¹⁷Chu mi chuan Paula leh keini min zui a, "Heng mi chhandamna kawng hrilhtu che u hi, Chungnungber Pathian bawih an nih hi," tiin a au a.

¹⁸Chutiang chuan ni rei tak a ti thin a. Chutichuan Paula chu a lungni ta lo a,a hawi a,ramhuai hnenah chuan," Isua Krista hmingin a kawchhung ata chhuah thu ka pe a che," a ti a. Tin, chutih lai tak chuan a chhuak ta nghal a.

¹⁹Tin, a pute chuan an sum hmuhna a bo tih an hriatin, Paula leh Sila chu an man a, hotute hmaah dawr hmunah an hnuk lut a.

²⁰Tichuan thu reltute hnenah an hruai a, "Heng mite hi Judate an ni a, kan khua an tibuai em em a,

²¹dan eng emaw kan lawm leh zawm thiang lote hi an hril thin a, Rom mi kan ni si a," an ti a.

²²Chutichuan mipuite pawh chu tirhkohte bei turin an lo thawk ve a, thu reltute chuan an puante an phih hlihsak a, tianga vuak thu an pe a.

²³Tin, vawi tam tak an vuak zawhin tan inah an khung a, a vengtu hnenah him taka ven tur an ti tlat a;

²⁴chuti kauva thu an pek avangin ani chuan rip chhungnungah a khung a, an keahte chuan thing kawl a buntir tlat a.

²⁵Nimahsela zan laiah Paula leh Sila chuan Pathian hnenah an tawngtai a, hla an sa a, mi tangten an ngaithla a;

²⁶tin,thawklehkhatah lir nasa takin a lo nghing a,chutichuan tan in lungphumte lam chu a nghing a; tin, kawngkhar zawng zawng a inhawng nghal a, mi tin kawl bunte chu a lo inphelh ta vek a.

²⁷Tin, a vengtu chu a muhil a lo harh a, tan in kawngkharte chu inhawngin a hmu a, mi tangte chu an tlan bo emaw a ti a, a khandaih a phawi a, a intihhlum dawn a.

²⁸Nimahsela Paula chu aw ring takin a au a, "Engmah intih suh; kan zain hetah kan la awm vek alawm," a ti a.

²⁹Tin, a vengtu chuan khawnvarte a lam a, a zuang lut a, hlauva khur chungin Paula leh Sila hmaah a bawkkhup a;

³⁰tin, anni chu a hruai chhuak a, "Pute u, chhandama awm turin eng nge ka tih tur?" a ti a.

³¹Tin, anni chuan, "Lalpa Isua ring la, tichuan chhandamin i awm ang, nang leh i chhungte nen," an ti a.

³²Tin, a hnenah leh a ina awm zawng zawngte hnenah chuan Lalpa thu an sawi a.

³³Tin,chu mi zanah,chu mi lai la la chuan a hruai a,an vuakna vualte chu a silfai a;tin,anileh a chhungte zawng zawng chuan baptisma an chang ta nghal a.

³⁴Tin, a inah a hruai chho a, ei tur a hlui a, tin, Pathian an rin avangin, ani chu a chhungte zawng zawng nen an hlim ta em em a.

³⁵Tin, ni a chhuahin, thu reltute chuan, "Kha mite kha chhuah rawh," tiin mi mantute an tir a.

³⁶Tin, tan in vengtu chuan Paula hnenah an thu a hrilh a, "Thu reltute chuan chhuah tur che uin mi an rawn tir a ni; chuvangin tunah lo chhuak u la, thlamuang takin kal rawh u," a ti a.

³⁷Nimahsela Paula chuan an hnenah, "Rom mi kan ni si a, kan thiam leh thiam loh hre loin vantlang mithmuhin min vua a, tan inah min khung a; tunah hian arukin min hnawt chhuak dawn vei a ni maw? a ni tawp lo ang; anmahni ngei lo kal se la min rawn hruai chhuak rawh se," a ti a.

³⁸Chutichuan mi mantute chuan chung thu chu thu reltute hnenah chuan an hrilh a. Tin, Rom mi an ni tih an hriat chuan an hlau ta a;

³⁹tin, an va kal a, an thlem chiam a, an hruai chhuak a, khua ata chu kal bovah an ngen a,Tin, tan in ata chu an chhuak a, Ludi inah chuan an lut a; tin, unaute chu an hmu a, an thlamuan a, an chhuak ta a.

⁴⁰Tin, tan in ata chu an chhuak a, Ludi inah chuan an lut a; tin, unaute chu an hmu a, an thlamuan a, an chhuak ta a.