Read Baibul, Mizo Tirhkohte 19 Bible Online

Tirhkohte 19 - Baibul, Mizo bible

Tirhkohte 19

¹Tin, Paula chuan khaw chhak bial a fang chhuak zet a, Apollova Korinth khuaa a awm hlan khan Ephesi khua chu a thleng a, zirtirho tute emaw a hmu a;

²tin, ani chuan an hnenah, "In rin tirh lai khan Thlarau Thianghlim in chang em?" a ti a. Tin, anni chuan a hnenah, "Chang lo, Thlarau Thianghlim a awm tih reng hriat pawh kan hre lo," an ti a.

³Tin, ani chuan, "Eng baptismaah nge in chan le?" a ti a. Anni chuan, "Johana baptismaah," an ti a.

⁴Tin, Paula chuan, "Johana kha chuan mi hnenah, 'Mi rawn zuitu tur (Isua) chu in la ring tur a ni,' tiin simna baptismain a baptis thin a nih kha," a ti a.

⁵Tin,chu thu chu an hriat veleh Lalpa Isua hmingin baptisma an chang ta a.

⁶Tin, Paulan an chungah a kut a nghat a, Thlarau Thianghlim chu a chungah a lo thleng ta a; tichuan tawng hriat lohtein thu an sawi a, Pathian thu pawh an hril ta a.

⁷An za chuan patling sawm leh pahnih lai an ni.

⁸Tin, Paula chu inkhawmna inah a lut thin a, thla thum lai huai takin thu a sawi a, Pathian ram kawng thu-ah chuan mi a hnial a, mi a thlemthlu thin a.

⁹Nimahsela a then an tihmawh a, an awih duh loh a, mipui hmaah Kawng chu an sawichhiat veleh chuan, ani chuan anmahni a kalsan a, zirtirhote chu a kai hrang a, ni tinTuranna zirtirna inah mi a hnial thin a.

¹⁰Chutiang hlirin kum hnih lai a ti a; chutichuan Asia rama awm zawng zawng Judate leh Grikte pawhin Lalpa thu chu an hre ta hial a.

¹¹Tin, Pathianin Paula kutin thilmak namen a tihtir lo a;

¹²chutichuan a taksa ata inhrukna puante emaw, fenthuahte emaw damlote hnenah an rawn keng a, an nate a reh thin a, an kawchhung ata ramhuaite pawh an chhuak thin a.

¹³Tin, thiam zuara vak vak Juda mi tuten emaw, "Paulan a thu a tlangaupui thin Isua hmingin kan vau a che," tiin ramhuai paite chungah Lalpa Isua hming an lam vei thin a.

¹⁴Tin, Juda mi puithiam lal pakhat, Skeva chuan chutiang ti ve thin fapa sarih a nei a.

¹⁵Nimahsela ramhuaiin an hnenah, "Isua ka awih e, Paula pawh ka hria e, nangni erawh chu tu nge maw in nih le?" a ti a, a chhang a.

¹⁶Tin, ramhuai pai chuan a rawn zuan a, an za chuan a hneh a, a ngam ta zawk a, chutichuan chu mi in ata chu saruak leh inhliamin an tlan chhuak ta hial a.

¹⁷Chutichuan Ephesi khuaa awm zawng zawng, Judate leh Grikte hnenah pawh, chu mi thu chu a thang ta a; tichuan an zain an hlau a, Lalpa Isua hming a lian ta a.

¹⁸Tin, ringhote pawh chu a then tam tak an lo kal a, an thiltihte thupha an chawi a, an inpuang ta a.

¹⁹Dawihmang a then tam tak pawhin an lehkhabute an rawn la khawm a, mi zawng zawng mithmuhah an hal ta a,tin, a man an chhut a,cheng singnga niin an hria.

²⁰Chuti kauva nasa chuan Lalpa thu chu a darh a, a hneh ta zel a.

²¹Tin, chung zawhah chuan Paulan, Makedonia ram leh Akaia ram chu fan chhuah riha Jerusalem khuaa kal a rilruk a, "Chuta ka kal zawh chuan Rom khua ka tlawh bawk tur a ni," a ti a.

²²Chutichuan a rawngbawltu pahnih, Timothea leh Erasta chu Makedonia ramah a kaltir zet a, ani erawh chu Asia ramah a awm rih a.

²³Tin, chung lai vel chuan Kawng avang chuan mi buai namen lohin an buai ta a.

²⁴Mi pakhat, a hming Demetria, tangkarua chhera tangkaruaa Diani lem siamtu chuan, a siam thiamte hnenah inhlawhfakna tam tak a pe thin a;

²⁵chu mi chuan anni chu a ko khawm a, an hnathawh ang thawktute nen; tin, an hnenah, "Pute u, he hna hi kan hausakna a ni tih in hria e.

²⁶Hetah Ephesi khua chauhvah hian ni loin, Asia ram khawvel zawng zawng thawah pawh he Paula hian,'Kuta siam pathiante hi pathian an ni lo,'tiin mi tam tak a thlemthlu a, a pakaitir zo tawh a ni tih nangni ngei pawhin in hmuin in hre bawk a:

²⁷chutichuan kan hnathawh a lan ang tih a hlauhawm chauh hi a ni lo a, pathiannu ropui tak Diani biak in pawh hi an rawn ngai tlawm ang a, Asia rama mi zawng zawng leh khawvela miin an biak thin hi, a ropui tehlul nen, a tlawm ang tih a hlauhawm bawk a ni," a ti a.

²⁸Tin, chung thu chu an hriat veleh an thinur ta em em a, "Ephesi khuaa mi Diani hi ropui tak a ni!" tiin an au a.

²⁹Tichuan akhuain an buai ta vek a, Gaia leh Aristarka, Makedonia rama mi, Paula hnungzuitute chu an man a, arualin ennawm inah an tlanpui chiam a.

³⁰Tin, Paulan mipui zinga luh a tum chuan zirtirhoten an phal lo a.

³¹Tin, Asia ram hotu berte zinga thenkhat tute emaw Paula thiante an ni a, a hnenah mi an tir a, ennawm inah chuan lut lui lo turin an thlem chiam a.

³²Tin, awmkhawmhote chu an buai a, mi tam zawkin an inkhawm chhan pawh an hre lo a, chuvangin thenkhat thu pakhatin an au a, thenkhat thu dangin an au a.

³³Tin, mipui zinga mi thenkhatin Aleksandra chu an thiamna thu sawi dan tur chu an hrilh a, Judaten ani chu mi hma lamah an nam phei a. Tin, Aleksandra chuan a kutin a zap a, mi zawng zawng hnenah chuan an thiamna thu sawi a tum a.

³⁴Nimahsela ani chu Juda mi a ni tih an hriat veleh, darkar hnih lai aw rual takin, "Ephesi khuaa mi Diani hi ropui tak a ni!" ti hlirin an au an au a.

³⁵Tin, khaw lehkhaziaktuin mipui chu a uidaih zawh chuan, "Ephesi khuaa mite u,Diani ropui tak biak in leh van atanga milem tla kha, Ephesi khuaa mite hi a vengtu in ni tih tu nge hre lo awm ni?

³⁶Chutichuan he'ng thu hi hnial rual a nih loh ahnuin, in ngawi reng tur a ni, thu dawn loin engmah in ti tur a ni lo.

³⁷Heng mi, heta in rawn hruaite hi, biak in suamhmangte an ni hek lo, kan pathiannu sawichhetu lah an ni hek lo.

³⁸Chutichuan Demetria leh a thian themthiamte pawhin tu lakah pawh thupawi an neih chuan, thupawi sawina inte chu hawn sa a ni alawm, lal aiawhtute pawh an awm a; inchhal rawh se.

³⁹Thil dang pawi nei reng in nih chuan inkhawm pangngaiah an rem ang.

⁴⁰Vawiinah bengchhen avang hian chhal hlauhawmin kan awm tak hi a bul awm si loin; chuti chu a ni si a he inkhawm chhan hi engmah kan sawi theih dawn loh hi," a ti a.Tin, chutiang thu a sawi zawh chuan awmkhawmhote chu an tintir ta a.

⁴¹Tin, chutiang thu a sawi zawh chuan awmkhawmhote chu an tintir ta a.