Read Baibul, Mizo Tirhkohte 25 Bible Online

Tirhkohte 25 - Baibul, Mizo bible

Tirhkohte 25

¹Chutichuan, Festa chuan ram chu a awp ta a; tin, ni thum chinah Kaisari khua atang chuan Jerusalem khuaah a han kal a.

²Tin, puithiam lalte leh Juda puipate chuan a hnenah Paula chung chang thu chu a chhe lamin an lo hriattir a.

³Jerusalem khuaa han hruaitir turin khawngaihna an lo ngen chiam bawk a; kalkawnga lo chana thah an tum a.

⁴Nimahsela Festa chuan, "Paula chu Kaisari khuaah an veng reng a ni, kei pawh rei lo tean ka haw dawn e.

⁵Chuvangin chu mi chuan sualna a neih chuan in zinga thu nei apiangin mi zui chhuk se la, hek rawh se," a ti a, a chhang a.

⁶Tin, an zingah chuan ni riat emaw, ni sawm emaw lo liam chu a cham lo a, Kaisari khuaah a haw thla ta a; tin, atukah chuan rorelna thutphahah a thu a, Paula chu rawn hruai turin thu a pe a.

⁷Tin, ani chu a lo thlen chuan Jerusalem khuaa mi Juda lo chhukte chu a velah an ding a, a chungah thupawi tam tak rit tak tak an sawi an sawi a, a bul erawh chu an chhui chhuak thei si lo a;

⁸tin, Paula chuan a thiamna thu a sawi a, "Judate Dan chungchangah te,Pathian biakin thu-ah te,Kaisara chungahte pawh thil reng reng ka tisuallo ve," a ti a.

⁹Nimahsela Festa chuan Judate zinga hmingthat a duh a, Paula hnenah chuan, "Jerusalem khuaa han kal a, khitah ka hmaa he'ng thu hi rel i duh em?" a ti a, a chhang a.

¹⁰Paula erawh chuan, "Kaisara rorelna thutphah hmaa ro mi relsakna turah hian ka din hi; Judate chungah thil engmah ka tisual lo, nang pawhin chu chu i hre chiang hle si a.

¹¹Mi sual ka nih a, thihna khawp meuh thil ti ka nih chuan thih pawh ka hnial lo e; nimahsela he'ng ho mi hekna thil hi abul engmah a awm loh chuan tumahin an hnenah mi pe thei lo ang. Kaisara hnenah ka thlen ang," a ti a.

¹²Tin, Festa chuan a rorelpuite a biak rawn zawhin, "Kaisara hnenah thlen i tum vei a, Kaisara hnenah i kal mawlh ang chu," tiin a chhang a.

¹³Tin, ni eng zat emaw chinah chuan lal Agrippa leh Berniki chu Kaisari khua an lo thleng a, Festa chibai an buk a.

¹⁴Tin, ni tam tak chutah chuan an cham avangin Festa chuan Paula thupawi chu lal hnenah chuan a sawi a, "Felika khan mi tang tu emaw a hnutchhiah a;

¹⁵Jerusalem khuaa ka awm lai khan puithiam lalte leh Juda upaten a chungchang thu mi hrilh a, thiam loh chantir an ngen a.

¹⁶Tin, keiin an hnenah, 'An heka leh a hektute an inhmatawn a,an hekna kawngah a thiamna thu sawi vena remchang a hmuh hma loh chuan mi reng reng hrem tura thlah hi Rom khuaa mi dan a ni lo e,' tiin ka chhang a.

¹⁷Tin, heta an lo thlenin, rei rial loin atukah chuan rorelna thutphahah ka thu a, chu mi chu han hruai turin thu ka pe a.

¹⁸Tin, a hektute an din laiin, ka rin ang rengin a chungah sualna thupawi engmah reng an sawi si lo a;

¹⁹an sakhaw dante leh Isua, mi pakhat thi tawh, Paula chuan,'A nung leh a ni,' tiin a sawi a, chutih avang chuan a chungah thubuaite an nei a lo ni zawk a.

²⁰Tin, keiin chung thute chu ngaihtuah ngaihna reng ka hre lo a, Jerusalem khuaa kala khita a chung thu chu relsak a duh leh duh loh ka zawt a.

²¹Nimahsela Paula chuan Lalber rela khek a ngen ta zawk a, chuvangin Kaisara hnena ka kaltir theih hma loh chuan veng turin thu ka pe a," a ti a.

²²Tin, Agrippa chuan Festa hnenah chuan, "Kei pawh chu mi thusawi chu ngaihthlak ka lo duh fo reng a ni," a ti a. Tin, ani chuan, "Naktukah a thusawi i ngaithla ang chu," a ti a.

²³Chutichuan atukah chuan Agrippa leh Berniki chu ropui takin an lo kal a, thusawina inah an lo lut a, sipaite hotu liante nen, khuaa mi tha deuh deuhte nen; tin, Festa thuin Paula an rawn hruai luhtir a.

²⁴Tin, Festa chuan, "Lal Agrippa leh heta kan zinga awm zawng zawngte u, he mi in hmuh hi a ni, a chungchang thua Judate zawng zawngin an zain nung tawh lo tur, tia auva Jerusalem khuaah leh heta mi biakna kha.

²⁵Nimahsela thihna khawp meuhin engmah a ti lo tih ka hria a; tin, amahin Lalber hnena thlen a tum avangin tirh ka tum a ni;

²⁶nimahsela a thu mumal engmah ka lal hnenah ziak tur ka hre si lo a. Chuvangin in hmaah ka rawn hruai chhuah hi, Lal Agripp, nangma hmaa rawn hruai bik deuh ka ni e, chhuahchhal zawha eng emaw tal ziak tur ka hmuh theihna'n.Mi tang, Lalber hnena tirha a chunga an hekna thu hriat teltir loh chu atthlak niin ka hre si a," a ti a.

²⁷Mi tang, Lalber hnena tirha a chunga an hekna thu hriat teltir loh chu atthlak niin ka hre si a," a ti a.