Read Baibul, Mizo Tirhkohte 6 Bible Online

Tirhkohte 6 - Baibul, Mizo bible

Tirhkohte 6

¹Tin, chung laia zirtirho an pun an pun lai chuan, an ni tin thil semah anmahni hmeithaite an ngaihsak thin loh avangin Grik Judate chu Hebraite chungah an lo phunnawi ta a.

²Tin, sawm leh pahnihte chuan zirtir mipuite chu an ko a, "Pathian thu hril bansanin, dawhkanahte rawng kan bawl chuan a tha lo ang.

³Chutichuan unaute u, in zingah Thlarau leh fina khat mi hmingtha hlir pasarih thlang rawh u, anni chu he'ng thil reltu atan hian kan siam ang;

⁴keini erawh chu tawngtai leh thu rawngbawlin kan awm leh tlat zel ang," an ti a.

⁵Chung thu chuan mipui zawng zawng chu a tilawm a; tichuan Stephana, rinna leh Thlarau Thianghlima khat nen, Philipa nen, Prokora nen, Nikanora nen, Timona nen, Parmena nen, Nikola, Judate saphun Antiokei khuaa mi nen an thlang a;

⁶chu mite chu tirhkohte hmaah an dintir a; tin, anni chuan an tawngtai a, an chungah an kut an nghat a.

⁷Tin, Pathian thu chu a lo darh a; Jerusalem khuaah zirtirteho an pung ta em em a; puithiamte zingah pawh mi tam takin rinna chu an awih ta a.

⁸Tin, Stephana chu ngilneihna leh thiltihtheihnain a khat a, mi zingah thilmak leh chhinchhiahna ropui tak a ti thin a.

⁹Nimahsela, Sal Chhuakho te, Kurini khuaa mi te, Aleksandria khuaa mi te inkhawmna an tiha mi, mi thenkhat leh Kiliki rama mi te, Asia rama mi te inkhawmnaa mi, mi thenkhatte chu an lo thawk a, Stephana chu an rawn hnial a.

¹⁰Nimahsela a finna leh a sawipuitu Thlarau chu an letthla thei ta lo a.

¹¹Tin, mite an tham a; chu mite chuan, "Mosia leh Pathian a sawichhiat kan hria," an ti a.

¹²6:12 Tin, mite, upate, lehkhaziaktute an fuihpawrh a, Stephana an bei a, an man a, roreltute hnenah an hruai a;

¹³tin, hretu derte an siam a, chu mite chuan, "He mi hian he in Thianghlim leh Dan hi a sawichhe fo thin a;

¹⁴he Nazaret Isua hian he in hi a thiat ang a, Mosia dan min pekte kha a tidanglam dawn tih a sawi kan hria," an ti a.Tin, roreltuho thute zawng zawng chuan Stephana an en reng a, a hmel chu vantirhkoh hmel angin an hmu a.

¹⁵Tin, roreltuho thute zawng zawng chuan Stephana an en reng a, a hmel chu vantirhkoh hmel angin an hmu a.