Read Baibul, Mizo Rom 15 Bible Online

Rom 15 - Baibul, Mizo bible

Rom 15

¹Chutichuan keini mi chakte hian mahni lawmna zawng loin, mi chak lote chak lohnate chu kan tuarpui zawk tur a ni.

²Mahni vengte tihsawtna'n an thatna turin tihlawm i tum theuh ang u;

³Krista pawh chuan mahni lawmna a zawng si lo; "Nangmah hautute hauna chu keima chungah a tla ta a," tih ziak ang khan a ni zawk.

⁴Pathian Lehkha Thua chhelna leh thlamuanna hmua beiseina kan neih theihna turin, hman laia ziak apiangte chu keimahni min zirtirna turin ziak a ni si a.

⁵Chutichuan kan Lalpa Isua Krista Pathian leh a Pa chu, thinlung hmunkhat leh thuruala kan chawimawi theihna turin,

⁶chhelna leh thlamuanna Pathian chuan Krista Isua sawi angin rilru hmunkhat pu tawnin awmtir che u rawh se.

⁷Chuvangin Krista chuan Pathian tihropuina'n a lawm che u ang bawk khan inlawm tawn rawh u.

⁸Hei hi ka sawi chu a ni; thlahtute hnena thutiamte kha tinghet tur leh, a khawngaihna avanga Jentailten Pathian an chawimawi theihna turin, Pathian thu a dik tih hriattirna'n Krista chu serh tante rawngbawltuah a lo awm a.

⁹Chuvangin Jentailte zingah chuan, ka fak ang chia, i hming chawimawina turin hla ka sa ang," tih ziak ang khan.

¹⁰Tin, "Nangni Jentail zawng zawngte u, a mite nen lawm rawh u," a ti leh a.

¹¹Tin, "Nangni Jentail zawng zawngte u, Lalpa chu fak rawh u; mi zawng zawng pawhin Amah fak rawh se," a ti leh a.

¹²Tin, Isaian, "Jesaia zungzam chu a awm ang a, Jentailte lala awm turin a lo chhuak tur chu a awm bawk ang; Ani chu Jentailte chuan an beisei chhan ang," a ti leh bawk a.

¹³Thlarau Thianghlim thiltihtheihna zarah beiseina in ngah theihna turin, beiseina Pathian chuan in rin avangin, lawmna leh remna tinrengin tikhat che u rawh se.

¹⁴Tin, ka unaute u, nangmahni chung thu chu, nangmahni chung thu chu, nangmahni ngei thatnain in khat a, finna tinreng in ngah a, in inzilh tawn thei bawk tih keimah tak pawhin dik takin ka hria.

¹⁵Nimahsela Jentailte zinga Krista Isua rawngbawltua ka awm theihna turin Pathianin mi pek khawngaihna avang hian hriatpui tur che uin khawimaw kar karah huai deuhin ka ziak a ni.

¹⁶Ka Jentail hlante chu Thlarau Thianghlim tihthianghlim an ni a, lawm tlak an nih theihna turin, Pathian Chanchin Tha kawngah Puithiam hna ka thawk a ni.

¹⁷Chutichuan Pathian lam kawngah Krista Isuaah chuan chhuan tur ka nei a ni.

¹⁸Kristan Jentailte awihtir turin thusawi leh thiltihin, chhinchhiahnate leh thilmakte thiltihtheihnaa, Thlarau Thianghlim thiltihtheihnaah chuan, keimah mi hmanga a thiltihte lo chu engmah ka sawi ngam si lo a.

¹⁹Jerusalem khua leh a vel ram atangin Illurikon ram thlengin, Krista Chanchin Tha chu ram tinah ka hril kim tawh; keimah mi hmanga a thiltih chu chuti kau chu a ni.

²⁰A ni, mi dang lungphum chunga rem chho ka lo nih lohna'n, Chanchin Tha chu Krista hming lam tawhna hmunah hril loin,

²¹A chanchin la hrilhna ngai loh mite chuan an hmu ang a, la hre ngai lote chuan an hria ang," tih ziak ang khan, hrilh ka tum zawk thin a ni.

²²Chuvang tak pawh chuan a ni, in hnena lo kal ka thulh fo thin ni.

²³Tunah erawh chuan he'ng ram velah hian thawhna hmun reng ka nei ta lo a, kum tam tak chu in hnena lo kal chakin ka awm tawh bawk a.

²⁴Spain rama ka kal hun apiangin ka kal pahin hmuh che u ka beisei si a, nangmahni pawl kham deuh zet i la, chu lama ka kalnaah chuan nangniho mi zuk thlah ka beisei bawk a.

²⁵Tunah erawh chuan mi thianghlimho rawngbawl turin Jerusalem khuaah chuan ka kal rih dawn a ni.

²⁶Makedonia leh Akaia rama mite chuan lungni takin Jerusalem khuaa mi thianghlimte zinga retheite tan sum an thawhlawm tawh si a.

²⁷A ni, lungni takin an ti a ni, an lakah an ba reng bawk a ni; Jentailten an thlarau lam thilte an tawmpui si chuan khawvel lam thilin anmahni chhawmdawl ve thung a tul reng a ni.

²⁸Chuvangin chu chu ka tiha rah pawh chu anmahni fel taka ka hmuhtir zawhin, nangmahni tlawhin Spain ramah ka kal zel ang.

²⁹Tin, in hnena ka lo kal hun chuan Krista malsawmna famkim puin ka lo kal ang tih ka hria.

³⁰Unaute u, in mi tawngtaisaknaah chuan Judai rama ring lote laka ka him theihna'n leh,

³¹Jerusalem khua atan chhawmdawlna ka ken hi mi thianghlimho lawmzawng tak a nih theihna'n mi tawngtaipui hram hram turin Lalpa Isua Krista leh Thlarau Thianghlim hmangaihnain ka ngen chiam a che u;

³²Pathian remtih anga hlim taka in hnena ka lo kal a, kan harh tlan theihna turin.Remna Pathian chu in zaa hnenah awm rawh se. Amen.

³³Remna Pathian chu in zaa hnenah awm rawh se. Amen.