Read Baibul, Mizo Rom 16 Bible Online

Rom 16 - Baibul, Mizo bible

Rom 16

¹Kan farnu Phoibi, Kenkriai khuaa kohhranho rawngbawltu hi, Lalpa hminga mi thianghlimte ang bawka in lo lawmna tur leh, in puih a ngaihna apianga pui turin hmelhriattir che u ka duh a ni.

²Amah ngei pawh hi mi tam tak puitu a lo ni thin a, keimah ngei pawh mi pui a ni.

³Priskilli leh Akuila, Krista Isuaa ka hnathawhpui, ka nun chhanhimna'na nghawng dawhte kha chibai mi buksak ang che u;

⁴kei chang ni loin, Jentail kohhranho pawl zawng zawngin anni hnenah chuan lawmthu an sawi a ni.

⁵An ina kohhran inkhawmho chu chibai mi buksak bawk ang che u. Ka duh tak Epaineta, Asia rama Krista ring hmasa ber kha, chibai mi buksak ng che u.

⁶Mari, in tana thawk rimtu kha chibai mi buksak ang che u.

⁷Ka chipui Andronika leh Junia ka tanpuite kha chibai mi buksak ang che u; anni chu tirhkohte zinga hmingthang tak an ni a, ka aia Kristaa awm hmasa zawk an ni a.

⁸Amplia, Lalpaa ka duh tak kha chibai mi buksak ang che u.

⁹Kristaa kan hnathawhpui Urbana leh ka duh tak Stakua kha chibai mi buksak ang che u.

¹⁰Kristaa mi tak, Apellia kha chibai mi buksak ang che u. Aristobula chhungte zinga mite kha chibai mi buksak ang che u.

¹¹Ka chipui, Herodiona kha chibai mi buksak ang che u. Narkissa chhungte zinga mi, Lalpaa awmte kha chibai mi buksak ang che u.

¹²Truphaini leh Truphosi, Lalpaa thawk rim thinte kha chibai mi buksak ang che u. Duh tak Persi, Lalpaa thawk rim em em tawh kha chibai mi buksak ang che u.

¹³Lalpaa thlan Rufa leh a nu, ka nu ve bawk kha chibai mi buksak ang che u.

¹⁴Asunkrita te, Phlegona te, Hermia te, Patroba te, herma te, an hnena unau awmte nen khan chibai mi buksak ang che u.

¹⁵Philologoa leh Juli nen, Nirea leh a farnu nen, Olumpa nen, an hnena mi thianghlim awm zawng zawng nen khan chibai mi buksak ang che u.

¹⁶Fawh thianghlimin chibai inbuk rawh u. Krista kohhranho pawl zawng zawngin chibai an buk hlawm a che u.

¹⁷Tin, unaute u, zirtirna thu nangmahni zir loh lama inthenna leh tlukna siamtute chu veng tha tur leh hawisan turin ka ngen a che u.

¹⁸Chutiang mite chuan kan Lalpa Krista rawng an bawl lo a, anmahni pum rawng an bawl lo a, anmahni pum rawng an bawl zawk thin a; an kam that leh an kam thiamin mi fing lote rilru an bum thin.

¹⁹In awihzia chu mi zawng zawng zingah a thang chhuak ta si a. Chuvangin nangmahni chung thu-ah ka lawm a ni; amaherawhchu tha lamah chuan in fin a, sual lamah in fin loh ka duh a ni.

²⁰Tin, remna Pathian chuan in kephah hnauaiah Setana chu a rawn rah perhtir thuai ang che u. Kan Lalpa Isua Krista khawngaihna chu in hnenah awm rawh se.

²¹Ka hnathawhpui Timothea leh ka chipui Lukia te, Jasona te, Sosipatera tehoin chibai an buk a che u.

²²Kei, Tertia, he mi lehkha ziaktu hian Lalpa hmingin chibai ka buk a che u.

²³Keimah leh kohhranho zawng zawng thlen in pa Gaia chuan chibai a buk a che u. Khuaa sum enkawltu Erasta leh unaupa Kuarta chuan chibai a buk a che u.

²⁴Kan Lalpa Isua Krista khawngaihna chu in zaa hnenah awm rawh se, Amen.

²⁵Ka Chanchin Tha leh Krista thu hrilh angin, thuruk puanna ang hian, (chu thuruk chu chatuan ata a inthup thin a, tunah erawh chuan tihlan a ni a,

²⁶rinna chu an lo awihna turin, chatuan Pathian thupek ang zelin, zawlneite Lehkha Thuin hnam tin hnenah hriattir a ni tawh), nangni tinghet theituPathian finga chauh hnenah chuan Isua Krista avangin chatuana ropuina awm rawh se. Amen.

²⁷Pathian finga chauh hnenah chuan Isua Krista avangin chatuana ropuina awm rawh se. Amen.