Read Baibul, Mizo Rom 4 Bible Online

Rom 4 - Baibul, Mizo bible

Rom 4

¹A nih leh, Abrahama, tisa dana min thlahtu chuan eng nge a hmuh kan tih ang?

²Abrahama'n thiltih avanga thiam a chan si chuan chhuan tur a nei a ni; Pathian lamah erawh chuan a nei lo e:

³Pathian Lehkhain eng nge a sawi ni? "Abrahama chuan Pathian a ring a, tin, chu rinna chu a felnaa ruat a ni," tiin a sawi a ni.

⁴Tin, hnathawktu hlawh chu khawngaihnaa ruat a ni lo a,bata ruat a ni zawk e.

⁵Amaherawhchu hna thawk lo a, Pathian ngaihsak lo, thiam chantirtu ring zawka rinna chu, ama felnaa ruat a ni.

⁶Mi, a thiltih ngaihtuah loa Pathianin fela a ruata chu mal a sawmsak thu Davida pawhin,

⁷An bawhchhiatnate ngaihdama awm leh, an sualte khuha awm chu an eng a thawl e,

⁸Lalpa'n khawlohna neia a ruat loh chu a eng a thawl e," tia a sawi ang khan.

⁹A nih leh, chu mi engthawlna chu serhtanho chungah chauh nge a awm, serhtan loh ho chungah pawh? "Abrahama rinna chu a felnaa ruat a ni," kan ti si a.

¹⁰Chu chu eng tia ruat nge ni le? A serh tan hnuah nge, a serh tan hmain? A serh tan hnuin a ni lo a, a serh tan hmain a ni zawk.

¹¹Chutichuan, serh tan loa a awm laia rinnaa felna a hmu tih hriatna, serhtan chhinchhiahna chu a hmu a; chu felna chu an tana a ruat a nihna turin serhtan lohte zinga ringtu zawng zawng pa a nih theihna'n;

¹²serhtanho pa pawh an nih theih bawkna'n - serhtan mai pa a ni lo a, kan pa Abrahama serh tan loa a awm laia rinna a neih anga nei fawmte pa a ni zawk.

¹³Dan avangin Abrahama leh a thlahte hnenah chuan khawvel roluahtu tur a ni ang tih thu zawng tiam a ni si lo a, rinnaa felna avangin a ni zawk e.

¹⁴Dana mite chu roluahtute an nih si chuan rinna engah mah a tlaktlai lo a, thutiam pawh chu engmah a ni ta lo a;

¹⁵Dan chuan thinurna a siam si thin a; Dan awm lohnaah erawh chuan bawhchhiatna pawh a awm hek lo.

¹⁶Chuvangin, khawngaihnain a nih theihna'n rinna avangin a nih hi, thlahte zawng zawng chuan thutiam chu matheilova an hmuhna turin, Dan nei mite chauhin an hmu lo ang a, Abrahama neih ang rinna neite pawhin an hmu bawk ang.

¹⁷Mitthite tinungtu leh, thil awm lote awm anga sawitu, a rin Pathian mithmuhah chuan Abrahama chu kan zaa pa a ni. ( "Chi tam takte paah ka siam a che," tih ziak ang khan).

¹⁸Beiseina awm a awm loh pawhin ani chuan beisei takin a ring a, chi tam takte pa a lo nih theihna'n; "Khiti zat khian i thlahte an la awm ang," tia hrilh ang khan.

¹⁹Tin,rinna nghet lo chuang loin,a taksa thi tawh anga awm chu a ngaihtuah a, (amah chu kum za lai mi a ni si a) Sari chin pawh a ngaihtuah bawk a,

²⁰nimahsela rinna tlachhamin Pathian thutiam chu a ringhlel lo a, Pathian a chawimawi a,

²¹a thutiam chu a hlawhtlintir thei tih a awih hle bawk a, a rinna chu a lo nghet ta zawk a.

²²Chuvangin a rinna chu a felnaa ruat a lo ni tawh.

²³Chutichuan a rinna chu a felnaa ruat a ni tih hi amah avang chauha ziak a ni lo a,

²⁴keimahni avang pawhin a ni. Isua kan Lalpa mitthi zing ata kaithotu chu ringtu kan ni a, kan rinna chu felnaa ruat a ni dawn.Chu Isua chu kan sual avangin mantirin a awm a, thiam kan channa turin kaihthawhin a awm bawk a.

²⁵Chu Isua chu kan sual avangin mantirin a awm a, thiam kan channa turin kaihthawhin a awm bawk a.