Read Baibul, Mizo 1 Korinth 10 Bible Online

1 Korinth 10 - Baibul, Mizo bible

1 Korinth 10

¹Unaute u, he'ng hi in hriat loh ka duh lo e, khatia min thlahtute zawng zawng chhum hnuaia an awm vek a, an zaa tuifinriat pawh an kai vek a,

²an zaa chhumah leh tuifinriatah pawh Mosia bel tura baptisa an awm vek a,

³an zaa thlarau lam chaw hmunkhat pawh an ei theuh a,

⁴an zaa thlarau lam in tur hmunkhat pawh an in theuh kha; anmahni zuitu thlarau lam lungpuia mi kha an in theuh si a; chu lungpui chu Krista a ni.

⁵Nimahsela, an zinga mi tam zawk chungah chuan Pathian a lungni ta lo a; thlalerah khan tluhlumin an awm a.

⁶Tin, chung chu kan tan entirna a ni, thil sual an chak ang bawk khan kan chak ve lohna'n.

⁷An zinga thenkhat milem betu an ni ang khan milem betu ni suh u, "Mipui chu ei leh in turin an thu hlawm a, infiam turin an tho leh a," tih ziak ang kha.

⁸An zinga thenkhatin nula an ngai a, ni khatah singhnih leh sangthumin an tlukhlum phah ang khan i inngai hek suh ang u.

⁹An zinga thenkhatin Lalpa an fiah a, rula tihborala an awm phah ang khan Lalpa chu i fiah hek suh ang u.

¹⁰An zinga thenkhat an phunnawi a, tiboraltu tihborala an awm phah ang khan phunnawi hek suh u.

¹¹Tin, chung chu entirna turin an chungah a lo thleng a nih kha; keini, hun tawp lo thlennate hi, min zilhna turin an ziak a ni bawk a.

¹²Chuvangin, dinga inring chu fimkhur rawh se, chutilochuan a tlu dah ang e.

¹³Mihring tuar theih ang chauh lo chu thlemna reng reng in chungah a thleng ngai lo. Pathian zawng a rinawm a ni, ani chuan in tuar theih tawk a liam chu thlemna in tawh a phal lo ang; in tuar theihna turin thlemna rualin tlan chhuahna kawng a siam nghal zawk ang.

¹⁴Chuvangin, ka duh takte u, milem biak hi tlansan rawh u.

¹⁵Mi fingte hnena sawi angin ka sawi a ni; ka thusawi hi ngaihtuah rawh u.

¹⁶Malsawmna no mal kan sawmsak thin hi Krista thisen tawmpuina a ni lo em ni? Chhang kan phel thin hi, Krista Taksa tawmpuina a ni lo em ni?

¹⁷Keini mi tam tak hi chhang tlang khat, taksa pumkhat kan nih hi; kan zain chhang tlang khata mi kan chang theuh si.

¹⁸Tisa lama Israelho chu en teh u; inthawina sa eitute chuan maicham chu an tawmpui lo em ni?

¹⁹Milem leh a hnena thil hlante chu chaw tak khuka khukpui tur ka tihna em ni? Ni suh e,

²⁰Jentailte inthawina chu Pathian lakah ni loin, ramhuaiho lakah an inthawi thin a ni tih ka sawi zawk a ni; nangni zawngin ramhuaiho in tawmpui ka duhsak lo che u a sin.

²¹Lalpa no leh ramhuai no in in kawp thei lo ang; Lalpa dawhkana mi leh ramhuai dawhkana mi in ei kawp thei hek lo ang.

²²A nih loh leh, Lalpa chu thik turin chawhthawh kan tum a ni maw? Amah aiin kan chak zawk em ni?

²³Thil engkim tih a thiang a, nimahsela thil engkim tih a tha kher lo. Thil engkim tih a thiang a, nimahsela thil engkim tihin mi a siam tha lo.

²⁴Tupawhin mahni thatna tur zawng loin mi dang thatna tur zawng zawk rawh se.

²⁵Sa dawra an zawrh apiang chu chhia leh tha hriatna avanga engmah zawt kher loin ei mai rawh u;

²⁶lei leh a chhunga mi zawng zawng hi Lalpa ta a ni si a.

²⁷Ring lo mi zinga tuin emaw a sawm che u a, kal in duh si chuan chhia leh tha hriatna avanga engmah zawt kher loin,an hlui che u apiang chu ei mai rawh u.

²⁸Amaherawhchu, tuin emaw, "Hei hi inthawina a ni," tiin a hrilh che u chuan, a hriattir che u avang leh chhia leh tha hriatna avangin ei suh u -

²⁹nangma chhia leh tha hriatna ka ti lo a, mi dang chhia leh tha hriatna chu a ni ka tih zawk ni. Engah nge mi dang chhia leh tha hriatnain ka zalenna a sawisel ni;

³⁰Lawm taka ka chan chuan a chunga lawmthu ka sawina chungah hian engah nge sawichhiat ka nih ni?

³¹Chutichuan, in ei pawhin, in in pawhin, in tih apiangah pawh, Pathian ropuina tur hlirin ti rawh u.

³²Keiin mahni sawtna zawng loin, chhandam an nih theihna turin mi tam tak sawtna zawng zawkin, mi zawng zawng engkima ka tihlawm ang tak hian,Judate tan pawh Grikte tan pawh Pathian kohhranho tan pawh an tluk phahna tur reng reng engmah ti suh u.

³³Judate tan pawh Grikte tan pawh Pathian kohhranho tan pawh an tluk phahna tur reng reng engmah ti suh u.