Read Baibul, Mizo 1 Korinth 2 Bible Online

1 Korinth 2 - Baibul, Mizo bible

1 Korinth 2

¹Tin, unaute u, kei zawng Pathian thuruk hrilh che uin in hnena ka lo kal lai khan, thusawi ropui leh finna ropui nena lo kal ka ni lo.

²Isua Krista, amah ngei khenbeha a awm thu chauh lo chu in zingah engmah reng hriat ka tum loh kha.

³Tin, chak lo leh hlauin, nasa taka khur chungin in zingah ka awm a.

⁴Tin, in rinna chu mihring finna innghat loin, Pathian thiltihtheihnaa innghata a awm theih zawkna turin,

⁵ka tawngka chhuak leh ka thu hrilhte chu thu finga thlemna thuin a ni lo a, Thlarau leh thiltihtheihna hriattirin a nih zawk kha.

⁶Amaherawhchu puitlingte zingah chuan thu fing zawng ka sawi thin, nimahsela he khawvel thu fing hi a ni lo, he khawvel roreltu boral turte thu fing hi a ni hek lo;

⁷Pathian thu fing thuruk chu kan sawi zawk thin a ni, thu fing inthup, kan ropuina tura Pathianin khawvel awm hmaa a ruat lawk tawh chu.

⁸Chu chu he khawvel roreltute reng reng hian an hre lo; hria se la chuan ropuina Lalpa chu an khengbet lo ang.

⁹Mita hmuh ngai loh, benga hriat ngai loh, mihring rilrua lut ngai lo, Patianin a hmangaihtute tan a buatsaih apiangte chu," tih ziak ang zawk khan.

¹⁰Keini erawh chu chung chu Pathianin Thlarauin min hriattir ta a ni; Thlarau chuan engkim a chhui chhuak si thin; a ni. Pathian thu ril pawh.

¹¹Mihring thute chu mihring rilru, a chhunga awm vek lo chuan mihring zingah tuin nge hria ang? Chutiang bawkin Pathian thute chu Pathian Thlarau vek lo chuan tuma'n an hre lo.

¹²Chutichuan athlawna Pathianin thil min pekte chu kan hriat theihna turin, keini zawngin khawvel thlarau ni loin, Thlarau, Pathian hnena mi chu kan hmu zawk a ni.

¹³Mihring finna zirtir thua sawi loin, Thlarau zirtir thua sawi zawkin, Thlarau lam thute chu thlarau lam mite hnena hrilhfiahin, chung thil min pek thute pawh chu kan sawi thin.

¹⁴Khawvel mi chuan Pathian Thlarau lam thilte chu a lawm thin lo, ani ngaih chuan atthlak a ni si a; Thlarauva hriat fiah a nih avangin a hre thei lo reng reng bawk a ni.

¹⁵Thlarau mi erawh chuan thil engkim a hre fiah thin a, ani lah chu tuma'n an hre fiah si lo.Tuin nge Lalpa rilru hre tawha amah chu zirtir thei ang? Keini erawh chuan Krista rilru kan pu a ni.

¹⁶Tuin nge Lalpa rilru hre tawha amah chu zirtir thei ang? Keini erawh chuan Krista rilru kan pu a ni.