Read Baibul, Mizo 1 Korinth 4 Bible Online

1 Korinth 4 - Baibul, Mizo bible

1 Korinth 4

¹Keiniho hi Krista rawngbawltuah leh Pathian thuruk enkawltuah miin min ngai rawh se.

²Hetah hian enkawltu chu mi rinawm nih a ngai bawk a ni.

³Nimahsela nangnin mi fiahna leh mihring ngaihtuahnain mi fiahna chu ka tan thil te tak te a ni; mahni pawh ka infiah ngai hek lo.

⁴Engmah indemna ka inhre si lo a; nimahsela chu chuanin thiam mi chantir chuang lo; mi fiahtu chu Lalpa a ni zawk.

⁵Chutichuan a hun hma hian engmah fiah suh u, Lalpa lo kal hma loh zawng; ani chuan thima thil thuhrukte chu engah a rawn la chhuak ang a, thinlunga tumte pawh a tilang bawk ang; chu mi hunah chuan mi tinin Pathian lakah chuan mahni chan tawkah fak an hlawh theuh tawh ang.

⁶Tin, unaute u, thu ziakte chu in khum lohna turin, keimahniah hian in zir theihna'n, chung thute chu in thatna turin kei leh Apollova ka inbel a ni, in zingah tuma'n pakhat chhuangin pakhat in uan khum lohna'n.

⁷Nang tuin nge tilem chuang che; I dawn loh chu eng nge i neih ni? I dawn a nih si chuan engati nge dawn ni lo anga i uanpui ni?

⁸Tun apangin in tlai ta a, tun apangin in hausa ta a, kan tel loin ro in rel ta a nih hi le; a ni, rorel tak tak u la chu ka duh a ni, keini pawhin nangmahni nen a ro kan rel theihna'n.

⁹Pathianin keini tirhkohte hi thi tura ruat sa angin a hnuhnung berah min tar chhuakah ka ngai a ni; khawvelte leh vantirhkohte leh mihringte mithmuha ennawma siamin kan awm hi.

¹⁰Keini zawng Krista avangin mi a kan ni a, nangni erawh chu Krista-ah chuan mi fing inni zawk e; keini zawng kan chak lo a, nangni erawh chu in chak e; nangni zawng mi chawimawiin in awm a, keini erawh chu mi hmuhsitin kan awm zawk a ni.

¹¹Tun thleng pawh hian kan riltamin kan tuihal a, silhfen kan khawp lo a, mi kut thak hnawihna kan ni a, awmna bulbal kan nei lo a;

¹²mahni kuta thawkin kan rim hle a; miin min hauin mal kan sawmsak thin a; miin min tihduhdahin kan tuar hram thin a; miin min hekin kan thlem thin a;

¹³tun thleng pawh hian khawvel hnawmhnawk, thil zawng zawng bawlhhlawh angin miin min siam a ni.

¹⁴In zahna trin he'ng thu hi ka ziak lo a, ka fa duh takte anga zilh tur che uin ka ziak zawk a ni.

¹⁵Kristaah chuan zirtirtu sangkhat nei mah u la, pa zawng tam tak in nei si lo a ni; keiin Krista Isuaah chuan Chanchin Thain ka hring che u a nih kha.

¹⁶Chutichuan, mi zir turin ka ngen a che u.

¹⁷Chu mi avang chuan Timothea, Lalpaa ka fa duh tak leh rinawm chu in hnenah ka rawn tir a ni; ani chuan Kristaa ka awm dan, ram tina kohhranho pawl tina ka zirtir thin ang hi a hriattir leh ang che u.

¹⁸Tin, kei in hnena lo kal tawh lo tur ang maiin thenkhat in uang a ni.

¹⁹Nimahsela Lalpain rem a tih chuan rei lo te chinah in hnenah ka lo kal ang; chutichuan mi uangte thu chu ni loin, an thiltihtheihna chu ka hre zawk tawh ang.

²⁰Pathian ram chu thu-ah a awm lo a, thiltihtheihnaah a awm zawk a ni.Engnge in duh zawk? Vuakfung nen nge in hnenah ka lo kal ang a, hmangaihna leh thuhnuairawlh rilru puin?

²¹Engnge in duh zawk? Vuakfung nen nge in hnenah ka lo kal ang a, hmangaihna leh thuhnuairawlh rilru puin?