Read Baibul, Mizo 1 Korinth 6 Bible Online

1 Korinth 6 - Baibul, Mizo bible

1 Korinth 6

¹In zingah tupawhin mi dang chungah thupawi nei u la, mi thianghlimte hmaa thlen loin, mi fel lote hmaah in thlen ngam dawn em ni?

²A nih leh, mi thianghlimte chuan khawvel an ngaihtuah dawn tih in hre lo em ni le? Tin khawvel mah hi in ngaihtuaha a awm dawn chuan thil te berte pawh chu ngaihtuah tlak lo em ni in nih le?

³Tun dam chhung khawsak thute chu sawi loh, vantirhkohte lam pawh kan ngaihtuah dawn tih in hre lo em ni?

⁴Chutichuan tun dam chhung khawsak thute ngaihtuah tur in neihin kohhranho zinga mi hmuhsitawmte chu in ngaihtuahtir thin em ni?

⁵In zahna turin ka sawi a ni. A unaute kara thu titlu thei mi fing pakhat tal in zingah in hmu thei lo a ni ang maw,

⁶unauin a unau rorelnaa a thlen zawk thin? Ring lote hmaah a ni nghal si.

⁷A ni, hei hi in fel zawh zan lohna pakhat chu a ni pang mai, thupawi inneih tawn thin hi. Engati nge dik lo taka tihna chu in tuar zawk loh? Engati nge tihdawnna chu in tuar zawk loh?

⁸A ni, nangmahni ngeiin in unaute chungh pawh in tidik lo a, in tidawng zawk thin.

⁹A nih leh, mi fel lote chuan Pathian ram an luah lo ang tih in hre lo em ni le? Bumin awm suh u; inngaih hmangte emaw, milem betute emaw, uirete emaw, mi hurte emaw, mawngkawhurte emaw,

¹⁰ruk hmangte emaw, mi duhamte emaw, zu ruih hmangte emaw, mi hau hmangte emaw, hleprute emawin Pathian ram an luah lo ang.

¹¹Tin, nangni thenkhat chutiang mi in nih thin kha; nimahsela Lalpa Isua Krsta hmingah leh kan Pathian Thlarauvah tlenfai in ni tawh a, tihthianghlim in ni tawh a, thiam chang in ni tawh.

¹²Thil engkim tih ka tan a thiang a, nimahsela thil engkim tih a tha kher lo; thil engkim tih ka tan a thiang a, nimahsela eng bawihah mah ka inphal lo.

¹³Ei turte chu pum tan a ni a, pum chu ei turte tan a ni; nimahsela Pathianin a tiboral ve ve dawn. Tin, taksa hi inngaihna'n a ni lo a, Lalpa tan a ni zawk e; Lalpa pawh chu taksa tan a ni.

¹⁴Tin, Pathianin Lalpa chu a kai tho a, keini pawh a thiltihtheihnain min kai tho ve bawk ang.

¹⁵In taksa chu Krista pengte a ni tih in hre lo em ni? Krista pengte chu laksakin nawhchizuar pengahte ka siam dawn em ni le? Hnai lo e.

¹⁶A nih leh, nawhchizuar zawm chu amah nen pumkhat an ni tih in hre lo em ni le? "An pahnihin tisa pumkhat an lo ni tawh ang," a ti si a.

¹⁷Lalpa zawm erawh chu amah nen thlarau pumkhat an ni.

¹⁸Inngaih hi tlansan rawh u. Mihring thil tihsual tinreng hi taksa pawn lamah a ni; mi ngaih hmang erawh chuan ama taksa chungah thil a tisual a ni.

¹⁹A nih leh, in taksa chu,in chhunga awm Pathian hnen atanga in hmuh Thlarau Thianghlim in a ni tih in hre lo em ni le? Mahni ta pawh in ni lo a,Mana lei in ni tawh a sin, chuvangin in taksaah chuan Pathian chawimawi rawh u.

²⁰Mana lei in ni tawh a sin, chuvangin in taksaah chuan Pathian chawimawi rawh u.