Read Baibul, Mizo 1 Korinth 8 Bible Online

1 Korinth 8 - Baibul, Mizo bible

1 Korinth 8

¹Tin, milemte laka inthawina thilte thu kha chu: Kan zain hriatna kan nei theuh tih kan inhria. Hriatna zawngin mi a uantir thin a, hmangaihna erawh chuan mi a siam tha thin.

²Tupawhin thil eng emaw hriaa a inrin chuan a hriat tur ang chu a la hre lo e.

³Amaherawhchu tupawhin Pathian a hmangaih chuan chu mi ngei chu ama hriat a ni.

⁴Chutichuan, milemte laka inthawina thil ei kawngah zawng, khawvelah hian milem reng reng chu engmah a nih lohzia leh pakhat chauh lo chu Pathian dang reng reng an awm lohzia chu kan hria.

⁵Vanah emaw, leiah emaw, pathian hming pute awm mah se la, (chutiang pathian tam tak leh lalpa tam tak an awm si a),

⁶keini tan erawh chuan Pathian pakhat chauh (Pa chu) a awm a, ama hnen atangin engkim a chhuak a, keini pawh ama tana awm kan ni; Lalpa pakhat chauh (Isua Krista chu) a awm bawk a, amah avangin engkim a awm a, keini pawh amah avang bawka awm kan ni.

⁷Amaherawhchu chu hriatna chu mi zawng zawngah a awm lo; chutichuan thenkhatin tun thlengin milem be thang an nih avangin, milem laka inthawina thil ang taka ngaiin an ei thin; tichuan an chhia leh tha hriatna chu a chak loh avangin a lo bawlhhlawh thin.

⁸Nimahsela ei tur hian Pathian mit min tluntir chuang lo ang; ei mah suh i la kan chhe chuang hek lo, ei mah i la kan tha chuang hek lo.

⁹Nimahsela fimkhur rawh u, chutilochuan duh duha in tlat theihna hi eng emaw tiin mi chak lote tan tlukna a lo ni dah ang e.

¹⁰Nang, hriatna nei mi, tupawhin milem biakna ina chaw kila an hmuh si che chuan anni chu mi chak lo lo ni se la, an chhia leh tha hriatna chuan milem laka inthawina thil ei a lo ngam dawn lo'm ni?

¹¹Tichuan, i hriatna avang chuan mi chak lo (unau a thih ai Kristan a thisaka) chu, a boral dawn a ni.

¹²Unaute chunga chutiang thil in tihsual a, an chhia leh tha hriatna chu a chak loh nak alaia in hliam hlauh hian, Krista chungah thil tisual in ni.Chu mi avang chuan ei tur hian ka unau a tihtluk chuan, ka unau ka tihtluk lohna turin kumkhuain sa reng reng ka ei tawh lo ang.

¹³Chu mi avang chuan ei tur hian ka unau a tihtluk chuan, ka unau ka tihtluk lohna turin kumkhuain sa reng reng ka ei tawh lo ang.