Read Baibul, Mizo 2 Korinth 11 Bible Online

2 Korinth 11 - Baibul, Mizo bible

2 Korinth 11

¹Ka at deuhnaah hian nangnin mi dawhtheih ka va duh em! A ni, dawh pawh mi dawhthei ngei chhap e.

²Pathian thiknain a sin ka thik che u ni; Krista hnenah chuan nula thianghlim angin ka pek theihna tur che uin, pasal pakhat ka hualsak si che u a.

³Nimahsela, rul chuan a ngamthlemnain Evi a bum ang khan Krista lama takna leh thianghlimna ata chu eng emaw tiin in rilru chu an tikhawlo dah ang e, tih ka hlauthawng a ni.

⁴Kan hrilh che u a ni lo, Isua dang hrila in hnena lo kal apiang in lo ngai thei a, thlarau in chan ngai loh chu in chang a, Chanchin Tha dang in pawm ngai loh chu in pawm duh zel mai maw!

⁵Chung tirhkoh lian berte chu eng kawngah mah tluk loh ka inring lo a sin.

⁶Thusawiah zawng tawng hmang thiam mah su i la, hriatnaah chuan chutiang ka ni lo; a ni, engkimah, mi zawng zawng zingah, nangmahni lama kan lantir kha.

⁷A nih loh leh, Pathian Chanchin Tha athlawn ngawta ka hrilh a, chawi sana in awm theihna tura ka intihhniam khan thil ka tisual a lo ni maw?

⁸In zinga ka thawh lai khan Kohhran dangten min chhawmdawl a, nangni pui turin anni chu ka tihek a.

⁹Tin, in hnena ka awm a, ka tlakchham lai khan tumah ka tihautak lo a; unaute chu Makedonia ram ata an lo kalin ka tlakchhamna chu mi rawn phuhruksak si a; engkimah nangmahni tihautak loin ka insiam kha, khatiang khan ka insiam zel ang.

¹⁰Krista thutak keimaha a awm ang hian, Akaia ram lama he ka chhuanna hi tuma'n mi tihrehsak lo ang.

¹¹Eng vangin nge? Ka hmangaih loh che u avang em ni? Pathianin a hria.

¹²Nimahsela, remchanna hmu duhte lak ata remchanna chu ka sah chah theihna turin ka tih thin hi ka ti zel ang; an chhuannaah chuan keimahni awm ang hian an lo awm theihna'n.

¹³Mi chutiangte chu Krista tirhkoha insiam chawpa, tirhkoh derte, hnathawktu mi bum hmangte an ni si a.

¹⁴Chu chu a mak lo e; Setana meuh pawh eng tirhkohvah a insiam chawp si thin a.

¹⁵Chuvangin,a rawngbawltute pawh chu felna rawngbawltuah insiam chawp mah se la thil mak a ni lo e; chungho tawpna chu an thiltih ang zelin a ni ang.

¹⁶Ka sawi leh ang, tuma'n mi aah mi ruat suh se; nimahsela mi ruat vek chuan, kei pawhin tlem tala ka chhuan ve theihna'n mi a angin mi dawh rawh u.

¹⁷Ka sawi hi Lalpa thu angin ka sawi lo a, ka chhuan rinna hian a ang takin ka sawi zawk a ni.

¹⁸Mi tam takin tisa anga an chhuan avangin kei pawhin ka chhuang ve the ang.

¹⁹Nangni zawng le mi fing in nih avangin mi ate chu lungawi takin in dawh si thin a.

²⁰Miin bawihah siam che u se la, ei zo duak che u se la, salah man che u se la, mahni inchawimawi se la, in hmaiah beng che u se la in dawh si thin a.

²¹Kan lo chak ta lo angin insitin ka sawi a ni. Nimahsela, tupawhin eng kawngah pawh an ngam apiang (a takin han sawi ta i la) kei pawhin ka ngam.

²²Hebrai mite an ni maw? Kei pawh ka ni. Israel mite an ni maw? Kei pawh ka ni. Abrahama thlahte an ni maw? Kei pawh ka ni.

²³Krista rawngbawltute an ni maw? (Mi a angin han sawi ta i la), ka ni zawk mah; thawh rimnaahte nasa lehzualin, tan ina tannaahte nasa lehzualin, vuaknaahte hleihluak takin, thihnaahte vawi tam tak.

²⁴Judate lakah vuakna vawi khata vawi sawmli tling lo vawi nga ka tawk a;

²⁵vawi thum tianga vuakin ka awm a, vawi khat lunga denin ka awm a, vawi thum lawng chhiatna ka tawk a, zan khat leh ni khat tuifinriatah ka awm a;

²⁶khaw fannaahte vawi tam tak, luite laka hlauhawmahte, suamhmangte laka hlauhawmahte, ka chipuite laka hlauhawmahte, Jentailte laka hlauhawmahte, khawpuia hlauhawmahte, thlalera hlauhawmahte, tuifinriata hlauhawmahte, unau derte zinga hlauhawmahte;

²⁷thawhhahna leh thawhrimnaah te, mutmawhnaahte vawi tam tak; riltam leh tuihalnaah te, chaw ngheinaahte, vawi tam tak khawsik leh saruaka awmnaah te.

²⁸Heng pawn lam thil ka sawi bakah hian Kohhranho zawng zawng ka ngaihtuahna, ni tin mi delh rengtu hi a awm bawk a.

²⁹Mi chak lote ka tuarpui lo ngai em ni? Mi an tlukin ka vei lo ngai em ni?

³⁰Chhuang tur ka nih vek chuan ka chak lohna lam thilte a ni ka chhuan ang.

³¹Lalpa Isua Pathian leh Pa, kumkhuaa engthawla awma chuan dawt ka sawi lohzia a hria e.

³²Damaska khuaah khan lal Areta hnuaia roreltu chuan mi man turin Damaska mite khawpui chu a ventir a;tin, tukverhah kulh hrulah chuan bawkin mi thlak a, tichuan a kut ata ka relhru hlen ta a.

³³tin, tukverhah kulh hrulah chuan bawkin mi thlak a, tichuan a kut ata ka relhru hlen ta a.