Read Baibul, Mizo 2 Korinth 13 Bible Online

2 Korinth 13 - Baibul, Mizo bible

2 Korinth 13

¹Hei hi in hnena ka lo kal a vawi thumna tur a ni. Hretute pahnih emaw pathum emaw kaah chuan thu tinreng tihnghehin a awm ang.

²Ka sawi lawk tawh a, tin, Krista keimaha thusawi thintu chu fiahna in zawn avangin, vawi hnihnaa in hnena ka awm laia ka sawi ang khan, tunah in hnena awm loin tun hma lama thil tisualtute hnenah leh mi dang zawng zawng hnenah ka sawi lawk leh dawn,

³'Ka lo kal leh chuan ka zuah lo ang,' tih hi; ani chu nangmahni lamah a chak lo lo a, in zingah thil ti thei tak a ni zawk a ni.

⁴Ani chu chak lohna avangin khenbehin a awm a ni a, nimahsela Pathian thiltihtheihna avangin a nung ta reng a ni. Keini pawh amahah chuan kan chak lo a ni, nimahsela nangmahni lama Pathian thiltihtheihna avangin a hnenah kan nung ve ang.

⁵Rinnaah chuan in awm emaw, nangmahni ngei inchhin thin u la; nangmahni ngei in fiah thin rawh u. A nih loh leh, nangmahniah Isua Krista chu a awm tih nangmahni ngeiin in hre fiah lo em ni? Duh loh in nih nghal loh chuan.

⁶Keini erawh chu duh lohin kan awm lo tih in la hriain ka ring.

⁷Tin, thil reng reng in tihsual lohna turin Pathian hnenah kan dil thin a; chu chu keini hi duhawma kan lan theihna tur a ni lo a, nangnin a mawi apiang in tih theihna'n a ni zawk, keini chu duh loh angin awm mah i la.

⁸Thutak tan tur lo chuan thutak do turin engmah kan ti thei lo a ni.

⁹Keini kan chak loh lai pawha nangni in chak hian kan lawm thin a sin; hei hi kan dil bawk thin, nangmahni that famkimna tur hi.

¹⁰Chuvang chuan tichhe tur ni lo a, siam tha tur zawka Lalpa'n thuneihna mi pek ang zel khan, in hnena ka awm huna na taka ka zilh lohna'n che u, in hnena ka awm loh lai hian he'ng thu hi ka ziak a ni.

¹¹A tawp berah chuan unaute u, lawm takin awm rawh u.Tihthat famkimin awm u la; thlamuang takin awm u la, rilru hmunkhat pu u la, lungrual takin awm rawh u; tichuan hmangaihna leh remna Pathian chu in hnenah a awm dawn zuk nia.

¹²Fawh thianghlimin chibai inbuk rawh u.

¹³Mi thianghlim zawng zawngte hian chibai an buk a che u.Lalpa Isua Krista khawngaihna te, Pathian hmangaihna te, Thlarau Thianghlim pawlna te chu in zaa hnenah awm rawh se.

¹⁴Lalpa Isua Krista khawngaihna te, Pathian hmangaihna te, Thlarau Thianghlim pawlna te chu in zaa hnenah awm rawh se.