Read Baibul, Mizo 2 Korinth 3 Bible Online

2 Korinth 3 - Baibul, Mizo bible

2 Korinth 3

¹Mahni insawimawi kan tan leh dawn ta maw? A nih loh leh, in hnena pek tur emaw, in hnen ata emaw sawimawina lehkha, mi thenkhat tan a ngai angin kan tan a ngai ve dawn maw?

²Nangni hi kan lehkha, kan thinlunga ziak, mi zawng zawng hriat leh chhiar chu in ni e:

³Krista lehkha, keimahni min ziaktir, lehkhatuia ziak ni lo, Pathian nung Thlarauva ziak zawk, lung pheka ziak ni lo, tisa thinlung pheka ziak zawk chu in ni tih chiang taka lantir a ni si a.

⁴Tin, Pathian lamah chutiang rinna chu Krista zara kan neih a ni;

⁵engpawh keimahni atanga chhuaka ruat turin keimahni ngawtin kan tlin kan ti lo a; kan tlin theihna chu Pathian hnen ata a ni zawk.

⁶Amah bawk chuan thuthlung thar rawngbawltuahte min tlintir a; a lehkha thu mai rawngbawltuahte ni loin a thlarau rawngbawltuahte a ni zawk e; lehkha thu mai chuan a tihlum si thin a, thlarau erawh chuan a tinung thin a ni.

⁷Mosia hmel a ropui avangin Israel fate chuan a hmel an en reng thei lo va (chu ropuina chu a ral ta riai riai a) thihna rawngbawlna lunga hawrawpa ziak mah, chuti khawpa ropuiin a thlen chuan,

⁸Thlarau rawngbawlna chu engti taka ropuiin thleng ang maw;

⁹Thiam loh chantirna rawngbawlna mah a ropui chuan, felna rawngbawlna chu ropui lamah chuan a nasa zawk em em tur a ni.

¹⁰Tihropuia awm tawha chuan he mi lamah zawng ropuina reng a nei ta si lo, ropuina nasa zawk chuan a khum avangin.

¹¹Ral ta riai riaia mah ropuiin a thlen chuan awm reng tura chu ropuia tuamin a awm zawk em em tur a ni.

¹²Chutichuan, chutiang beiseina kan neih avngin engkim kan sawi chhuak thin a ni.

¹³Mosia tih ang khan kan ti lo e; ani chuan ral ta riai riai ral tawpna chu Israel fate chuan an en reng lohna turin a hmai chu hmaikhuhnain a khuh a:

¹⁴an rilru erawh chu tihkhauhin a awm ta zawk a; vawiin thleng pawh hian thuthlung hlui chu an chhiarin khuhna pangngai chu hlim lohin a awm reng si a, chu khuhna chu Kristaah chuan tihboin a awm ta a.

¹⁵Nimahsela, vawiin thleng hian Mosia Lehkhabu an chhiar apiangin an thinlungah chuan khuhna a awm thin.

¹⁶Nimahsela, an thinlung chu Lalpa lama a hawi tik apiangin khuhna chu lak bo a ni tawh ang.

¹⁷Tin, Lalpa chu Thlarau chu a ni a; Lalpa Thlarau awmna apiangah chuan zalenna a awm thin.Chutichuan,keini chu kan zain hmai khuh loin darthlalang anga Lalpa chhun enin, ropuina atanga ropui zelin, chu mi anpui ngeia awm turin tihdanglamin ka awm thin, Lalpa (Thlarau) ata chu kan hmuh ang zelin.

¹⁸Chutichuan,keini chu kan zain hmai khuh loin darthlalang anga Lalpa chhun enin, ropuina atanga ropui zelin, chu mi anpui ngeia awm turin tihdanglamin ka awm thin, Lalpa (Thlarau) ata chu kan hmuh ang zelin.