Read Baibul, Mizo 2 Korinth 8 Bible Online

2 Korinth 8 - Baibul, Mizo bible

2 Korinth 8

¹Tin, unaute u, Makedonia rama kohhranho pawlte zinga Pathian khawngaihna pek chu kan hriattir dawn a che u;

²khatia hrehawma fiahna nasa tak chunga an hlimna liam leh nasa taka an retheihna chu a liam a, an thilphalna nasa taka a chan takzia kha.

³Khawngaihna, mi thianghlimte rawngbawla tel ve chu,

⁴nasa taka min dil chiamin, an theih tawkin, a ni, an theih tawk aia liam pawh, anmahni duh thu ngeiin an pe tih ka hriatpui a sin.

⁵Chu pawh chu kan rin loh ang takin an ti a, Pathian duhzawngin anmahni ngei Lalpa hnenah leh keini hnenah an inpe hmasa te te a ni;

⁶Chutichuan, hmana a lo tih tan tawh avang khan he khawngaihna pawh hi nangmahnia ti zo nghal turin Tita chu kan ngen ta hial a.

⁷Chutichuan, engkim - rinna te, thusawi thiamna te, hriatna te, thahnemngaihna zawng zawng te, min hmangaihnate - in ngah ang hian chu khawngaihna pawh chu in ngah theihna'n taihmak chhuah rawh u.

⁸Thu pe lamin ka sawi lo a, mi dang thahnemngaihnain in hmangaihna takzia pawh chu fiah turin ka sawi zawk a ni.

⁹Kan Lalpa Isua Krista khawngaihna chu, a retheihna avanga in lo hausak theihna turin hausa mah se la nangmahni avang ngeiin a lo retheih tak kha in hre si a.

¹⁰Tichuan, chu miah chuan ka ngaih dan ang a ni ka sawi ni, chu chu in tan a tha si a, kum khat a ni tawh, a tan hmasatute in ni a, in ti tan chauh pawh ni loin, duh pawh in duh tan ta bawk a.

¹¹Chutichuan duh turin inpeihna a awm ang khan, in neih ang zela hlenna pawh a awm theihna turin, tunah zawng ti hlen tawh rawh u.

¹²Inpeihna chu a awm phawt chuan, mi a neih loh pui ni loin, a neih angzia zela a pek chu lawm tlak a ni si a.

¹³Mi dang an rim loh a, nangni in rimna turin ka ti a ni lo a,

¹⁴inchawhrualna'n, in neih liam chu tun lai hian an tlakchham phuhrukna a lo nih a, an neih liam pawh in tlakchham phuhrukna a lo la nih ve thung theihna turin ka ti zawk a ni; chutichuan chawhrualna a lo awm thei ang:

¹⁵A chhar tam chuan achuangin a nei lo a, a chhar tlem chuan a tlachham hek lo," tih ziak ang kha.

¹⁶Tin, in chunga ka thahnemngaihna ang Tita thinlunga pe thintu Pathian hnenah chuan lawmthu awm rawh se.

¹⁷Ani chuan kan ngenna chu a pawm ngei a; nimahsela kan ngen avang chauh ni loin, amah ngei chu thahnemngai tak a ni a, ama duh thlan ngeiin in hnena kal turin a chhuak dawn a ni.

¹⁸Tin, a hnenah unaupa kan tir ve dawn a, ani chu Chanchin Tha kawnga an fak thu kohhranho pawl zawng zawngah a thang chhuak a;

¹⁹chuti chauh pawh a ni lo a, Lalpa ropuina tur leh kan inpeihzia entir tura a rawng kan bawl he khawngaihna thu-ah hian kan hnena khaw fang ve tura kohhranho pawlte ruat ve reng a ni bawk a.

²⁰A rawng kan bawl he thilpek kawngah hian tuma'n min dem lohna turin kan fimkhur a;

²¹Lalpa ngaih chauhvah ni loin mihring ngaih pawha thil mawi kan ngaihtuah lawk thin a ni.

²²Tin, an hnenah kan unaupa kan kaltir ve dawn a, ani chu kawng tam takah thahnemngai tak a ni tih vawi tam tak kan fiah tawh a, tunah phei chuan a rin em em che u avangin thahnem a ngai nasa lehzual ta a ni.

²³Tita hi chu ka thian leh nangmahni lama ka hnathawhpui a ni a; tin, kan unaute hi chu kohhranho pawlte tirhkoh, Krista ropuina chu an ni.Chu mi avang chuan in hmangaih tih hriatna leh, kan chhuanna che u hriatna chu kohhranho pawlte hmaah chuan an hnenah tilang rawh u.

²⁴Chu mi avang chuan in hmangaih tih hriatna leh, kan chhuanna che u hriatna chu kohhranho pawlte hmaah chuan an hnenah tilang rawh u.