Read Baibul, Mizo 2 Korinth 9 Bible Online

2 Korinth 9 - Baibul, Mizo bible

2 Korinth 9

¹Mi thianghlimte rawngbawl thu zawng in hnena ka ziak a ngai lo e;

²in inpeihzia chu ka hre si a, chu mi kawng thu-ah chuan, "Kum khat a ni tawh, Akaia ram chu inbuatsaihin an awm ta," tiin Makedonia rama mite hnenah ka chhuang thin che u a; chutichuan in thahnemngaihna chuan an zinga mi tam tak a chawk harh ta a.

³Nimahsela, chu mi kawng thu-ah chuan ka chhuanna che u chu engmah lo a lo nih lohna turin unaute hi ka kaltir dawn a, ka sawi ang taka inbuatsaihin inlo awm theihna'n;

⁴chutilochuan Makedonia rama mi tuten emaw mi lo zui hlauhin, inbuatsaih loa an rawn hmuh che u chuan, keini (nangni kan ti lo) he kan rinna che u kawngah hian kan mualpho dah ang e.

⁵Chuvangin, unaute hi in hnena lo kal hmasa a, tlang taka thilpek in tiam lawk kha lo siam lawk tura ngen tulin ka ring a ni, chu mi ngei chu lak luih ang lo a, tlang taka pek ang zawkin peih saa a lo awmna'n.

⁶Amaherawhchu chutiang kawngah chuan theh tlem chuan a at tlem bawk ang a, theh tam chuan a at tam bawk ang.

⁷Mi tinin ui chunga pe loin, pek loh theih loh anga ngaia pe hek loin, an thinlunga an tum ang zelin pe theuh rawh se; Pathian chuan hlim taka petu a ni a hmangaih ni.

⁸Tin, Pathianin khawngaihna tinreng in chungah a vur thei a ni; chutichuan nangnin engkimah a tawk zet nei foin, hnathawh tha tinreng atan in ngah thei ang;

⁹A sem darh a; retheite hnenah a pe a; a felna chu kumkhuain a awm reng," tih ziak ang kha.

¹⁰Tin, thilphalna tinreng, keimahni avanga Pathian hnena lawmthu sawina siamtu chu nei tura engkima tihhausaka awmin,

¹¹thehtu hnena chi petu leh ei atan chhang petu chuan in theh tur chi chu a pe che uin a tihpunsak ang che u a, in felna rahte chu a tihhlawksak bawk ang che u.

¹²He chhawmdawlna rawngbawlna hian mi thianghlimte tlakchhamnate chu a phuhruksak chauh pawh a ni si lo a, Pathian hnena lawmthu sawina tam taka changing a luang liam bawk a ni;

¹³he rawngbawlna hian a fiahna che u avangin, Krista Chanchin Tha lama in thurin in zawmzia avang leh, anmahni tan leh mi zawng zawng tan thawhlawmnaa in thilphalzia avang hian Pathian an tiropui thin a sin;

¹⁴anmahni ngei pawhin in chunga Pathian khawngaihna nasa em em avangin, in tan tawngtaisak chungin an ngai hle che u a ni.A thilpek sawi hleih theih loh avangin Pathian hnenah lawmthu awm rawh se.

¹⁵A thilpek sawi hleih theih loh avangin Pathian hnenah lawmthu awm rawh se.