Read Baibul, Mizo Galatia 3 Bible Online

Galatia 3 - Baibul, Mizo bible

Galatia 3

¹Aw Galatia rama mi a te u, tuin nge dawi che u? in mithmuh ngeiah Isua Krista chu khenbehin chiang taka lantir a nih tehlul nen.

²Hei chauh hi in hnen ata lo hriat ka duh. Dan thiltihte avangin nge Thlarau chu inhmuh, in ngaihthlaka in rin avangin?

³Heti emin in a maw? Thlarauva tan tawh siin tisain in zo dawn em ni?

⁴Thil chuti zozai chu sawtpui loin in tuar em ni? Sawtpui lo ni tak tak ta ang se la.

⁵Tin, in hnena Thlarau petu che u leh in zinga thilmak titu chuan Dan thiltihte avangin nge a tih, in ngaihthlaka in rin avangin?

⁶Abrahama'n Pathian a ring a, tin,chu rinna chu a felnaa ruat a ni ang khan.

⁷Chutichuan, hre rawh u, rinnaa awmte, chung nge chu Abrahama fate an ni.

⁸Tin, Pathian Lehkha Thu chuan, Pathianin rinna avangin Jentailte thiam a chantir dawn tih hre lawkin, "Nangmahah chuan hnam tin malsawmsakin an awm ang," tiin Abrahama hnenah Chanchin Tha chu a hrilh lawk kha.

⁹Chutichuan, rinnaa awmte chu Abrahama rinawma nen chuan malsawmsakin an awm ve thin a ni.

¹⁰Dan thiltiha awm apiangte chu anchhe hnuaiah an awm si a; "Dan lehkhabua thu ziak zawng zawng anga ti tura awm reng lo apiang chu anchhe dawngin an awm thin," tiin ziak a ni si a.

¹¹Tin, Pathian mithmuhin tumah reng Dan avanga thiam chang an awm lo tih a lang reng a ni. "Mi felte chu rinnain an nung ang," tih a ni si a;

¹²tin, Dan chu rinnaa mi a ni lo, "Chung anga titu chu chungah chuan a nung ang," tih a ni zawk e.

¹³Krista chu kan aia anchhe dawng lo niin, Dan anchhe lak ata min tlan chhuak ta; ( "Thinga khaikan apiang chu anchhe dawng an ni," tih ziak a ni si a);

¹⁴chutichuan Abrahama chunga malsawmna chu Krista Isuaah chuan Jentailte chungah a lo awm thei ang a, tichuan rinna avangin Thlarau tiam chu kan hmu thei ang.

¹⁵Unaute u, mihring angin ka sawi hi, mihring thuthlung pawh ni mah se la, tihngheh tawh hnuin an phelh ngai lo a,belh pawh an belhchhah ngai hek lo.

¹⁶Tin, Abrahama hnenah a ni, thu chu tiamin a awm ni, a chi thlah hnenah pawh. Mi tam tak chung thu sawi angin, "Chi thlahte hnenah pawh," a ti lo a;mi pakhat chung thu sawi angin, "I chi thlah hnenah pawh," a ti a ni zawk e, chu chu Krista chu a ni.

¹⁷Tin, heti hian ka ti a ni: Thuthlung, Pathian lo tihngheh tawh chu, Dan kum zali leh kum sawmthum hnua lo awm tawh khan, thutiam chu engmah loa siamin a tibo lo e.

¹⁸Roluah tur chu Dan avang a nih chuan thutiam avang a ni tawh si lo ang; nimahsela Pathianin thutiam avangin a ni, Abrahama hnenah a pek ni.

¹⁹A nih loh leh, engtiziaa Dan chu awm nge ni le? Bawhchhiatna hi sual a nih tilang fiah tura thutiam belhchhahna a ni a, Thutiamin Chi Thlah a tih lo kal hmaa hman tur, vantirhkohte hmanga palai kuta pek a ni.

²⁰Tin, palai reng reng mi pakhat lakah palai a ni ngai lo e, Pathian erawh chu pakhat a ni.

²¹A nih loh leh, Dan chuan Pathian thutiamte chu a dodal em ni le? Hnai lo e, Dan mi tinung thei reng pekin a awm tawh si chuan, felna chu Dan avangin a awm ngei tur a ni.

²²Nimahsela, Isua Krista rin avanga thiltiam chu a ringtute hnena pek a nih theihna'n Pathian Lehkha thu chuan sual hnuaiah engkim a kharkhip ta vek a.

²³Nimahsela, rinna a lo thlen hma khan, rinna la lang tur atan kharkhipa, Dan hnuaia ven kan nih kha.

²⁴Chutichuan, rinna avanga thiam kan chan theihna turin Dan chu Krista hnen lama min kaihruaitu a lo ni a.

²⁵Nimahsela, tunah rinna a lo thlen hnu hian, kaihruaitu hnuaiah kan awm tawh lo e.

²⁶Krista Isua rin avangin Pathian fate in ni vek si a;

²⁷in zinga Kristaa baptisma chang apiangte kha Krista chuan in inthuam tawh si a.

²⁸Chutah chuan Juda mi a awm theih loh a, Grik mi pawh a awm theih hek loh, chutah chuan bawih a awm theih lo a, bawih lo pawh a awm theih hek loh, chutah chuan mipa leh hmeichhia pawh a awm theih loh; Krista Isuaah chuan in zain pumkhat in ni si a.Tin, Krista ta in nih chuanin Abrahama thlah, thutiam anga roluahtu turte in ni.

²⁹Tin, Krista ta in nih chuanin Abrahama thlah, thutiam anga roluahtu turte in ni.