Read Baibul, Mizo Ephesi 2 Bible Online

Ephesi 2 - Baibul, Mizo bible

Ephesi 2

¹Nangni pawh in bawhchhiat leh in sual te avanga thi in nih lai khan a tinung che u a ni;

²chungahte chuan hmanah khanhe khawvel dan anga in awm kha, boruaka thuneihna lal, tuna awih lo fate chhunga thawk mektu thlarau dan ang hian.

³Chung awih lo fate zingah chuankeini pawh hmanah chuan tisa leh rilru duhzawng tiin, kan tisa chaknate angin kan awm vek a, mi dangte ang bawkin thinurna faa piang reng kan nih kha;

⁴nimahsela Pathian chuan khawngaihna a ngahin a mi hmangaihna nasa tak avang khan,

⁵kan bawhchhiatnate avanga thi kan nih lai meuh pawhin Krista rualin min tinung ve a, (khawngaihnaa chhandam in ni ta e),

⁶Krista Isuaah chuan ama rual veka min kai thoin, van hmunahte ama hnenah min thuttir ta a:

⁷chutichuan hun lo la thleng turahte chuan Krista Isuaah hian kan chungah ngilneiin a khawngaihna ngah nasatzia chu a entir thei ang.

⁸Rinna avanga khawngaihnaa chhandam in ni; nangmahni thawh chhuah a ni lo a, Pathian thilpek a ni;

⁹thiltih avang a ni lo e, chutilochuan miin an chhuang dah ang e.

¹⁰Thil tha ti atan Krista Isuaah chuan siama awmin ama kut chhuak kan ni si a; chu thil tha tih chu kan awmna turin Pathianin a buatsaih lawk a ni.

¹¹Chuvangin, hmana nangni tisaa Jentail, tisaa kuta siam "Serhtan" an tihten "Serhtanloh" an tihate u,

¹²khatih lai khanin, Krista loin, Israelho khua leh tui nen inmihranin, khawvelah hian beiseina reng nei lo leh Pathian loa awmin, tiamna thuthlung lakahte mikhuala in awm kha hre reng rawh u.

¹³Tunah erawh chuan Krista Isuaah, nangni hmana hla taka awmte kha Krista thisen chuan tihhnaihin in lo awm ta a.

¹⁴Amah chu kan inremna a ni si a; ani chuan intaina (thiltih turahte thupek dan awm chu) a tisaa tiboin, pawl hnihte chu pumkhatah a siam a, an kar pindanna bang chu a tichim a;

¹⁵chutichuan amahah chuan pahnihte chu mihring thar pumkhatah siamin inremna a siam thei ang a,

¹⁶kraws zarah, taksa pumkhatah, pahnihte chu Pathian nen a inremtir thei bawk ang, chu mi kraws chuan intaina chu a tihhlum avangin.

¹⁷Tin, a lo kalin, nangni hla taka awm thinte hnenah remna Chanchin Tha a hrilh che u a, hnai taka awm thinte hnenah pawh remna chanchin Tha a hrilh bawk a.

¹⁸Ama zaran Thlarau hmunkhata Pa hnena luh theihna kan nei ve ve a ni.

¹⁹Chutichuan, tunah mikhual leh mi chm mai in ni tawh lo a, mi thianghlimte nen chuan tualkhat leh Pathian chhungte in ni ta zawk a ni;

²⁰Krista Isua nge chu a kila lung pawimawh ber niin, tirhkohte leh zawlneite lungphum chunga sak in ni a;

²¹amahah chuan lung rem hrang theuhte, rem taka chuktuahin, Lalpaah chuan biak in thianghlimah a chang zel thin a;nangni pawh amahah chuan Thlarau a, Pathian awmna tura rem khawm in ni.

²²nangni pawh amahah chuan Thlarau a, Pathian awmna tura rem khawm in ni.