Read Baibul, Mizo Ephesi 3 Bible Online

Ephesi 3 - Baibul, Mizo bible

Ephesi 3

¹Chuvang chuan kei Paula, nangni Jentailte avanga Krista Isua mi tang hian -

²nangni tan Pathian khawngaih enkawlna hna mi pek kha in lo hre tawh chawk ang a;

³khatia, thuruk chu hriattirnaa hriattira ka awm kha, hmana tawi tea ka ziak ang thu kha;

⁴kha mi avang khan, in chhiarin Krista thuruk ka hriatzia hi in hre thei ang.

⁵Chu chu tun laia a tirhkoh thianghlimte leh a zawlnei thianghlimte hnenah Thlarau hriattirin a awm ta ang hian, tun hma lam khan mihring fate hnenah hriattirin a awm ngai lo;

⁶chu chu hei hi a ni, Chanchin Tha avang hian Krista Isuaah chuan Jentailte hi roluahpui te, taksa pengpui te, thutiam dawnpui te an nih hi.

⁷A thiltihtheihna thawhzia anga athlawna pek Pathian khawngaihna chu mi pek angzia zelin chu Chanchin Tha rawngbawltua siam ka ni.

⁸Jentailte hnena Krista hausakna chhui chhuah rual lohte chanchin hril tur leh,

⁹thuruk chatuan atanga Pathian engkim siamtuah inthupa awm enkawlna chu eng nge ni tih mi zawng zawng entir turin kei mi thianghlim zawng zawnga te ber aia te zawk hnenah hian chu khawngaihna chu pek a ni.

¹⁰Chutichuan, kan Lalpa Krista Isuaah tih a tum, a chatuana remruat ang zelin,

¹¹tun laia van hmunahte khian lalna leh thuneihnate hnenah chuan Pathian finna tinreng kohhranho avangin hriattirin a awm thei ang;

¹²chu Krista Isua kan rin avang chuan amah vekah chuan nelna leh ngam taka luh theihna kan nei.

¹³Chutichuan, nangmahni vanga, ka hrehawm tuarnate avang hian beidawng lo turin ka ngen a che u, chungte chu in ropuina a ni.

¹⁴Chuvang chuan Krista chu rinna avnga in thinlung a chen theihna'n, a ropuina ngahzia ang zelin,

¹⁵a Thlarau zarah mihring chhungnung lamah chuan thiltihtheihna tihchakin a awmtir theihna tur che uin,

¹⁶Pa, lei leh vana chhungkaw tinreng hming chawi chhana hmaah chuan ka thingthi thin a;

¹⁷chutichuan Pathian famkimna tinreng tluka tihkhaha in awm theihna'n, nangni hmangaihnaa zung kai leh nghahchhan neia awmin,

¹⁸mi thianghlim zawng zawng nen chuan a zauzia te, a seizia te, a sanzia te, a thukzia te hriat chian theihna leh,

¹⁹Krista hmangaihna hriat phak loh hriat theihna in nei thei ang.

²⁰Tichuan, keimahnia thawk thin thiltihtheihna ang zelin, kan dil leh kan ngaihtuah zawng zawng aia nasa zawk ti theitu hnenah ngei chuan,chatuanin chhuan zawng zawng thlengin, kohhranhovah leh Krista Isuaah chuan ropuina awm rawh se. Amen.

²¹chatuanin chhuan zawng zawng thlengin, kohhranhovah leh Krista Isuaah chuan ropuina awm rawh se. Amen.