Read Baibul, Mizo Ephesi 4 Bible Online

Ephesi 4 - Baibul, Mizo bible

Ephesi 4

¹Chutichuan, inngaihtlawmna leh thuhnuairawlhna zawng zawng nei a,

²hmangaihnaa indawh tawn chunga dawhtheihna neia remna phuarnaah chuan Thlarau inpumkhatna chu vawng tura bei a,

³a kohna che u phua awm turin, kei, Lalpaa mi tang hian ka ngen a che u.

⁴A koh chhan che u beiseina hmunkhata koh in ni ang bawk khan taksa pakhat leh Thlarau pakhat chauh a awm a;

⁵Lalpa pakhat, rinna hmunkhat, baptisma hmunkhat,

⁶engkim Pathian leh Pa pakhat chauh a awm a; ani chu engkim chungah a awm a, engkim fang chhuakin a awm a, engkim chhungah a awm bawk a ni.

⁷Nimahsela, athlawna Krista thilpek tehna ang zelin khawngaihna chu kan hnenah theuh pek a ni.

⁸Chuvangin, "Chung lama a han chhoh lai khan mante chu salah a hruai a, mihringte hnenah pawh thilpekte a pe a," a tih chu.

⁹Tichuan, "A han chho," tih hi, lei hmun hnuai berahte a lo chhuk hmasak zet loh chuan engtin nge ni ang le?

¹⁰Lo chhuka chu engkim a tihkhah theihna'na van zawng zawng chung daiha han chhova vek bawk kha a ni.

¹¹Tin, rinna leh Pathian Fapa hriatna kawngah chuan thu khat vua a, puitling a,

¹²Krista famkimna lenzia tluka kan zaa kan lo awm hma loh zawng, rawngbawl hna thawk tura mi thianghlimte tihfamkimna'n Krista taksa siam tha turin thenkhatte chu tirhkoh atan te,

¹³thenkhatte chu zawlnei atan te, thenkhatte chu Chanchin Tha hriltu atan te, thenkhatte chu kohhran chawmtu leh zirtirtu atan te a pe a;

¹⁴chutichuan dik lohna ngamthlemna angin, fing verveka mihring bum chawpin, zirtirna thli tinrenga lehlam lehlama vawrh leh len len naupang kan ni tawh lo ang a,

¹⁵hmangaiha thu dik tak sawiin, engkimah amahah kan thang lian thei zawk ang: amah chu Lu a ni, Krista chu.

¹⁶Amah azarah taksa pumhlum chuan inzawmna tinreng thawh avanga rem taka inchuktuah leh inzawm khawmin, peng tin thawhzia ang theuhin hmangaihnaa insiam tha turin taksa chu a lo tipung thin a ni.

¹⁷Chutichuan, hei hi ka sawiin Lalpaah chuan ka hriattir che u a ni: Jentailte chu rilru lawi lo pua an awm angin awm tawh suh u la,

¹⁸hriat lohna anmahniah a awm, chu mi hriat lohna avang chuan Pathian nunna lakah thena lo awmin, an hriatnaah chuan an lo thim a ni, an thinlung a chawlawl vangin.

¹⁹Chungte chuan inhriat chhuah theihna reng reng an neih tawh loh avangin, thil bawlhhlawh tinreng duham taka ti turin hurnaah an inpumpek ta a.

²⁰Nangni erawh chuan chutiangin Krista chu in zir lo e;

²¹a aw ngaithlaa amahah zirtira awm in nih tawh phawt chuan, Isuaa thutak awm ang hi:

²²In hman lai awm dan kawnga mihring hlui, bumna chakna anga chhe deuh deuh kha hlip thla u la,

²³in rilru thlarauvah chuan atharin lo awm u la;

²⁴mihring thar, thutak felna leh thianghlimnaa Pathian anga siam khan inthuam bawk u la," tih thu hi.

²⁵Chutichuan, dawt sawi banin, mahni thenawm hnenah thu dik tak sawi theuh rawh u; inpeng tawn theuh kan ni si a.

²⁶Thinrim u la, sual erawh chu sual suh u; in thinur chu niin tlakpui suh se;

²⁷Diabola chu hmun kian hek suh u.

²⁸Ruk hmang chuan ru tawh suh se la; tlachham hnenah chuan pek tur a neih theihna turin a kuta thil tha thawkin rim zawk rawh se.

²⁹Thu tha lo reng in kaan chhuak suh se, a tulzia ang zela siam tha turin thu tha apiang chhuak zawk rawh se, a ngaithlatute tan khawngaihna a lo nih theihna'n.

³⁰Tin, Pathian Thlarau Thianghlim chu tilungngai suh u, tlanna ni atan chuan amahah chhinchhiaha in awm kha.

³¹Khakna te, thinurna te, tauhna te, anna te, sawichhiatna te zawng zawng chu bansanin awm rawh se, sualna zawng zawng nen.Tin, inkhawngaih tawna lainatna neiin awm u la, Pathianin Kristaa a ngaidam che u ang bawkin inngaidam tawn rawh u.

³²Tin, inkhawngaih tawna lainatna neiin awm u la, Pathianin Kristaa a ngaidam che u ang bawkin inngaidam tawn rawh u.